Rætt um friðarhorfur í Úkraínu eftir fund Donalds Trump og Vladimírs Pútín í Alaska og síðan stöðuna á Gaza. Rætt var við Albert Jónsson sérfræðing í öryggis- og varnarmálum, Baldur Þórhallsson prófessor í stjórnmálafræði og Þórdísi Kolbrúnu Reykfjörð Gylfadóttur alþingismann. Umsjónarmaður var Hallgrímur Indriðason.

Gestir Vikulokana eru Sigurður Hannesson, framkvæmdastjóri Samtaka iðnaðarins, Sigríður Á. Andersen, þingmaður Miðflokksins og fyrrverandi ráðherra og Dagbjört Hákonardóttir, þingmaður Samfylkingar.

Gestir Vikulokanna eru Ragnhildur Alda María Vilhjálmsdóttir borgarfulltrúi Sjálfstæðisflokks, Magnús Árni Skjöld Magnússon fyrrverandi varaþingmaður Samfylkingarinnar og Björn Leví Gunnarsson fyrrverandi þingmaður Pírata. Þau ræddu nýja könnun um fylgi flokka á Alþingi, Evrópusambandið, verðbólgu og efnahagsmál, fasteignamarkaðinn og þéttingu byggðar.

Umsjón: Höskuldur Kári Schram

Tæknimaður: Þráinn Steinsson

Gestir Vikulokanna eru Rósa Guðbjartsdóttir þingmaður Sjálfstæðisflokks, Jóhann Friðrik Friðriksson varaþingmaður Framsóknarflokks og Guðbrandur Einarsson þingmaður Viðreisnar. Þau ræddu þinglok, strandveiðimálið, heimsókn Ursulu von der Leyen forseta framkvæmdastjórnar Evrópusambandsins, veitingu ríkisborgararéttar og eldgosið á Reykjanesskaga.

Umsjónarmaður: Höskuldur Kári Schram

Tæknimaður: Jón Þór Helgason

Gestir Vikulokanna eru Bjarki Þorsteinsson, sveitarstjóri í Dalabyggð, Lilja Rannveig Sigurgeirsdóttir, varaþingmaður Framsóknarflokks í Norðvesturkjördæmi, og Thelma Dögg Harðardóttir, bóndi og fulltrúi Vinstri Grænna í sveitarstjórn Borgarbyggðar. Í vikunni beitti forseti Alþingis 71. grein þingskapalaga til að stöðva lengstu umræður þingsins hingað til um veiðigjaldsfrumvarp ríkisstjórnarinnar. Það voru líka tíðindi í innviðamálum, Vegagerðin fékk loks aukafjárveitingu til að fara í nauðsynlegar framkvæmdir í sumar og átök milli virkjanasinna og umverfisverndar halda áfram.

Vikulokin send út frá Egilsstöðum. Fréttir vikunnar ræddar og málefni Austurlands, ekki síst veiðigjöld og húsnæðismál. Beðist er velvirðingar á því að truflun varð á sambandi til Egilsstaða í þættinum.

Vikulokin voru send út frá hljóðstofu RÚV á Akureyri. Gestir voru þau Hilmar Þór Hilmarsson, prófessor við Háskólann á Akureyri, Þröstur Friðfinnsson sveitarstjóri í Grýtubakkahreppi og Halla Björk Reynisdóttir, forseti bæjarstjórnar á Akureyri.

Í þættinum voru málefni vikunnar í pólitíkinni rædd, bæði út í heimi og hér innanlands. Staða Íslands í öryggismálum eftir leiðtogafund NATO. Staða Evrópu í öryggismálum á tímum Donald Trump og málefni Úkraínu. Þá voru átök í þinginu um veiðigjöld rædd ásamt umdeildum umferðarljósum á Akureyri.