Vikulokin

Gestir Vikulokanna voru Sonja Ýr Þorbergsdóttir, formaður BSRB, Valdimar Víðisson bæjarstjóri í Hafnarfirði og Helga Þórðardóttir borgarfulltrúi Flokks fólksins í Reykjavík. Til umræðu voru leikskólamál, barnavernd og veikindaréttur opinberra starfsmanna.

Gestir Vikulokanna voru Árni Snævarr sagnfræðingur, Bryndís Ísfold Hlöðversdóttir, ráðgjafi, stjórnmálafræðingur og aðjúnkt við Háskólann á Bifröst, og Ingunn Lára Kristjánsdóttir samfélagsmiðlafréttamaður. Til umræðu voru Epstein-skjölin, öryggisráðstefnan í München, samskipti Evrópu og Bandaríkjanna og fleira.

Umsjón: Alma Ómarsdóttir

Tæknimaður: Jón Þór Helgason

Gestir Vikulokanna voru Kristján Ingi Mikaelsson, sjóðsstjóri hjá Visku sjóðum og fjárfestir, Nichole Leigh Mosty, leikskólastjóri og fyrrverandi þingmaður Bjartrar framtíðar og Vilhjámur Birgisson, formaður Starfsgreinasambandsins.

Umsjón: Ingvar Þór Björnsson

Arnar Eggert Thoroddsen, tónlistar- og félagsfræðingur og aðjúnkt við Háskóla Íslands, Freyja Steingrímsdóttir, stjórnmálafræðingur og framkvæmdastjóri Blaðamannafélags Íslands, og Vilborg Ása Guðjónsdóttir, alþjóðastjórnmálafræðingur, ræddu meðal annars um mótmæli í Bandaríkjunum vegna framgöngu ICE, áhrif samfélagsmiðla og áskoranir fjölmiðla á tímum gervigreindar, ásælni Bandaríkjaforseta í Grænland og stöðuna í Íran.

Umsjón: Alma Ómarsdóttir

Tæknimaður: Jón Þór Helgason

Gestir Vikulokanna eru Halla Gunnarsdóttir formaður VR, Kristján Þórður Snæbjarnarson þingmaður Samfylkingar og Davíð Stefánsson formaður Varðbergs. Þau ræddu alþjóðamál, varnar- og öryggismál, efnahagsmál, stöðuna á vinnumarkaði og komandi sveitar- og borgarstjórnarkosningar.

Umsjón: Höskuldur Kári Schram

Tæknimaður: Kári Guðmundsson

Í þættinum er fjallað er alþjóðamál. Árás Bandaríkjahers á Venesúela og afleiðingar og eftirmála hennar, mögulegt hernám Bandaríkjanna á Grænlandi, mótmælin í Íran og fleiri erlend fréttamál.

Gestir þáttarins í eru Helgi Hrafn Gunnarsson, tækniráðgjafi og fyrrverandi þingmaður, Guðbjörg Ríkey Thoroddsen Hauksdóttir sérfræðingur hjá Alþjóðamálastofnun og Bjarni Bragi Kjartansson Alþjóðstjórnmálafræðingur.

Umsjónarmaður: Ingi Freyr Vilhjálmsson

Tæknimaður: Jón Þór Helgason

Það sem bar hæst í fréttum vikunnar gerðist utan landsteinanna en þó nær okkur en oft þegar um erlendar fréttir er að ræða. Bandaríkin lögðu hald á rússneskt skip innan efnahagslögsögu Íslands, og í kjölfar árásarinnar á Venesúela hefur þrýstingur á Grænland aukist.

Hér heima urðu hrókeringar innan ríkisstjórnarinnar, nánar tiltekið í ráðherraflokki Flokks fólksins. Guðmundur Ingi Kristinsson tilkynnti að hann hygðist láta af embætti mennta og barnamálaráðherra vegna veikinda. Inga Sæland tilkynnti í gær að hún hygðist taka við mennta- og barnamálaráðuneytinu og Ragnar Þór Ingólfsson kemur nýr inn í hennar stað í embætti félags- og húsnæðismalaráðherra.

Svo eru fólk um allt land farið að undirbúa sveitarstjórnarkosningar í vor. Flokkar og framboð búa sig undir að stilla upp listum og hinir og þessir eru að leggjast undir feld varðandi framboð.

Gestir þáttarins voru þeir Breki Karlsson, formaður Neytendasamtakanna, Jóhannes Þór Skúlason, framkvæmdastjóri Samtaka ferðaþjónustunnar og Runólfur Ólafsson, framkvæmdastjóri Félags Íslenskra bifreiðaeigenda. Þeir ræddu meðal annars um lög um kílómetragjald sem tóku gildi um áramótin og áhrif þess á neytendur og ferðaþjónustuna.

Gestir Vikulokanna eru Eyrún Magnúsdóttir fjölmiðlakona hjá Gímaldinu, Eiríkur Bergmann prófessor í stjórnmálafræði og Börkur Gunnarsson fyrrverandi rektor Kvikmyndaskóla Íslands. Þau ræddu fréttir á árinu sem er að líða og komandi ár.

Umsjón: Höskuldur Kári Schram

Tæknimaður: Þráinn Steinsson

Þingmennirnir Bergþór Ólason, Hildur Sverrisdóttir og Sigurður Ingi Jóhannsson fara yfir þingstörfin á haustþinginu sem var að ljúka og ræða tillögur menningarráðherra um aðgerðir til að styrkja einkarekna fjölmiðla.

Umsjón: Magnús Geir Eyjólfsson

Útsending: Jón Þór Helgason