Vikulokin

Gestir Vikulokanna eru Líf Magneudóttir borgarfulltrúi VG, Pétur Óskarsson formaður Samtaka ferðaþjónustunnar og Ragnar Þór Ingólfsson þingmaður Flokks fólksins. Þau ræddu meðal annars friðarviðræður á Gaza, gjaldþrot Play og áhrif þess á ferðaþjónustuna og þjóðarbúið, tillögur um breytingar á leikskólastarfi í Reykjavík og stýrivexti.

Umsjón: Höskuldur Kári Schram

Tæknimaður: Kári Guðmundsson

Gestir þáttarins voru Arnar Eggert Thoroddsen, félagsfræðingur hjá Háskóla Íslands, Guðrún Aspelund sóttvarnalæknir og Valur Gunnarsson, sagnfræðingur og rithöfundur. Þau ræddu meðal annars um drónaflug innan danskrar lögsögu, innrás Rússa í Úkraínu, Donald Trump Bandaríkjaforseta og yfirlýsingar hans um tengsl verkjalyfja og einhverfu, skautun í bandarísku samfélagi og fleira.

Umsjón: Alma Ómarsdóttir

Tæknimaður: Þráinn Steinsson

Gestir þáttarins voru Björn Jón Bragason, kennari og sagnfræðingur, Davíð Þór Jónsson, prestur, og Halldóra Mogensen, fyrrverandi þingmaður og stofnandi Samtaka um mannvæna tækni.

Umsjón: Ingvar Þór Björnsson

Gestir þáttarins voru Bryndís Haraldsdóttir þingmaður Sjálfstæðisflokksins, María Rut Kristinsdóttir þingmaður Viðreisnar og Nanna Margrét Gunnlaugsdóttir þingmaður Miðflokksins.

Upphaf þingvetursins var í brennidepli þáttarins. Þingmálaskrá ríkisstjórnarinnar var rædd, fjárlagafrumvarpið sem kynnt var í vikunni sem og ný skýrsla þverpólitísks starfshóps um nýja öryggis- og varnarstefnu.

Umsjón: Magnús Geir Eyjólfsson

Tæknimaður: Jón Þór Helgason

Gestir Vikulokanna eru Friðjón Friðjónsson borgarfulltrúi Sjálfstæðisflokks, Þórhildur Sunna Ævarsdóttir framkvæmdastjóri mannréttindasamtakanna Courage international og Sigmar Guðmundsson þingflokksformaður Viðreisnar. Þau ræddu meðal annars skautun í íslensku samfélagi, stöðuna á Gaza, breytingar í alþjóðamálum og komandi þingvetur.

Umsjónarmaður: Höskuldur Kári Schram

Tæknimaður: Jökull Karlsson

Gestir þáttarins eru Vilborg Ása Guðjónsdóttir alþjóðastjórnmálafræðingur, Ása Berglind Hjálmarsdóttir þingkona Samfylkingarinnar og Þórólfur Matthíasson hagfræðingur.

Farið var um víðan völl af innlendum og erlendum vettvangi í þætti dagsins. Rætt var um Þorlákshafnarmálið, verðbólgu og húsnæðismarkaðinn. veiðigjaldamálið, innviðauppbyggingu, skipun Loga Einarssonar og á syni Ölmu Möller yfir opinbera nefnd, ásælni Donalds Trumps í Grænland, stríðið í Úkraníu og harmleikinn á Gaza.

Umsjón: Ingi Freyr Vilhjálmsson

Tæknimaður: Þráinn Steinsson

Gestir þáttarins voru Íris Róbertsdóttir, bæjarstjóri í Vestmannaeyjum, Sonja Ýr Þorbergsdóttir, formaður BSRB, og Sigurður Kári Kristjánsson, lögmaður og fyrrverandi alþingismaður.

Umræðan fór um víðan völl, enn einn verðbólguveturinn blasir við og Seðlabankinn heldur vöxtum óbreyttum um sinn, ríkisstjórnin hefur heitið að ráðast í aðgerðir til að bregðast við ástandinu. En hvernig er hægt að auka framleiðni og skapa hagvöxt án þess að auka spennu í kerfinu? Virkjana og útlendingamál bar líka á góma sem og nýtt matsferli í grunnskólum.

Umsjón hafði Bergsteinn Sigurðsson.

Rætt um friðarhorfur í Úkraínu eftir fund Donalds Trump og Vladimírs Pútín í Alaska og síðan stöðuna á Gaza. Rætt var við Albert Jónsson sérfræðing í öryggis- og varnarmálum, Baldur Þórhallsson prófessor í stjórnmálafræði og Þórdísi Kolbrúnu Reykfjörð Gylfadóttur alþingismann. Umsjónarmaður var Hallgrímur Indriðason.

Gestir Vikulokana eru Sigurður Hannesson, framkvæmdastjóri Samtaka iðnaðarins, Sigríður Á. Andersen, þingmaður Miðflokksins og fyrrverandi ráðherra og Dagbjört Hákonardóttir, þingmaður Samfylkingar.