Gestir Vikulokanna voru Halla Hrund Logadóttir þingmaður Framsóknarflokksins, Jón Gnarr þingmaður Viðreisnar og Sigurþóra Bergsdóttir, varamaður á þingi fyrir Samfylkinguna. Málefni barna með sértækan vanda, meðferðarúrræði fyrir börn og ungmenni, þingstörfin og loftslagsmál voru til umræðu.

Umsjón: Alma Ómarsdóttir

Tæknimaður: Kári Guðmundsson

Gestir Vikulokanna voru þau Diljá Mist Einarsdóttir, þingmaður Sjálfstæðisflokksins og Sigmar Guðmundsson, þingmaður Viðreisnar, og Stefán Vagn Stefánsson, þingmaður Framsóknarflokksins. Til umræðu voru meðal annars þingstörfin, frumvörp um veiðigjöld og strandveiðar og mál drengs frá Kólumbíu sem vísa átti úr landi.

Umsjón: Alma Ómarsdóttir

Tæknimaður: Jökull Karlsson

Gestir Vikulokanna eru Jón Ólafur Halldórsson formaður Samtaka atvinnulífsins, Arna Lára Jónsdóttir þingmaður Samfylkingarinnar og Breki Karlsson formaður Neytendasamtakanna. Þau ræddu meðal annars verðbólgu og vaxtamál, kílómetragjöld, nýtt fasteignamat, Íslandsbankasölu og samrunaviðræður á bankamarkaði.

Umsjón: Höskuldur Kári Schram

Tæknimaður: Kári Guðmundsson

Í Vikulokunum var rætt við Dagbjörtu Hákonardóttiu, þingmann Samfylkingarinnar og nefndarmann í utanríkismálanefnd Alþingis, Erling Erlingsson, hernaðarsagnfræðing, og Þóri Jónsson Hraundal, lektor í Mið-Austurlandafræðum við Háskóla Íslands, og Þorgerði Katrínu Gunnarsdóttur utanríkisráðherra í síma frá útlöndum.

Til umræðu var meðal annars ástandið á Gaza og hvað alþjóðasamfélagið getur gert, og friðarviðræður Rússlands og Úkraínu.

Umsjón: Alma Ómarsdóttir

Tæknimaður: Lydía Grétarsdóttir

Gestir Vikulokanna eru Áslaug Arna Sigurbjörnsdóttir þingmaður Sjálfstæðisflokks, Sigríður Á. Andersen þingmaður Miðflokks og Sigurjón Þórðarson þingmaður Flokks fólksins. Þau ræddu meðal annars frumvarp atvinnuvegaráðherra um veiðigjald, sölu á hlut ríkisins í Íslandsbanka og stöðuna á Alþingi.

Umsjón: Höskuldur Kári Schram

Tæknimaður: Kári Guðmundsson

Gestir Vikulokanna eru Njáll Trausti Friðbertsson úr Sjálfstæðisflokknum, Eiríkur Björn Björgvinsson frá Viðreisn og Jónína Brynjólfsdóttir, forseti sveitarstjórnar Múlaþings og varaþingmaður Framsóknarflokksins.

Þau ræddu meðal annars um veiðigjaldafrumvarp ríkisstjórnarinnar, auglýsingaherferð Samtaka fyrirtækja í sjávarútvegi, sjókvíaeldi á Austfjörðum, rekstrarerfiðleika kísilverksmiðju PCC á Bakka við Húsavík og umfjöllun Kastljóss um stórfelldan gagnastuld lögreglumanna frá embætti sérstaks saksóknara.

Umsjón: Ingi Freyr Vilhjálmsson

Tæknimaður: Þráinn Steinsson

Gestir Vikulokanna eru Halla Gunnarsdóttir, formaður VR, Lilja Alfreðsdóttir varaformaður Framsóknarflokks og fyrrverandi ráðherra og Eiríkur Hjálmarsson sjálfbærnistjóri hjá Orkuveitu Reykjavíkur. Þau ræddu meðal annars fyrstu 100 daga Donalds Trump í embætti forseta Bandaríkjanna, njósnamálið, gervigreind, menntamál, vinnumarkaðinn og rafmagnsleysi á Spáni og í Portúgal.

Umsjónarmaður: Höskuldur Kári Schram

Tæknimaður: Kári Guðmundsson

Gestir vikulokanna eru Linda Dröfn Gunnarsdóttir, framkvæmdastýra kvennaathvarfsins, Jakob Bjarnar Grétarson fjölmiðlamaður og Guðbrandur Einarsson, þingmaður Viðreisnar.

Gestir Vikulokanna eru Ásta Guðrún Helgadóttir aðstoðarmaður þingflokks Samfylkingarinnar, Ragnar Kristjánsson hagfræðingur á málefnasviði Viðskiptaráðs og Björn Ingi Hrafnsson aðstoðarmaður formanns Miðflokksins. Þau ræddu meðals annars um tollastefnu Bandaríkjanna og áhrif hennar á alþjóðaviðskipti, stefnu Trumps gagnvart háskólum í Bandaríkjunum, hatursorðræðu á samfélagsmiðlum og fasteignamarkaðinn á Íslandi.

Umsjón: Höskuldur Kári Schram

Tæknimaður: Kári Guðmundsson

Gestir Vikulokanna voru Hanna Björg Vilhjálmsdóttir, kynjafræðikennari, Jóhannes Þór Skúlason, framkvæmdastjóri Samtaka ferðaþjónustunnar og Snæbjörn Guðmundsson, jarðfræðingur og formaður Náttúrugriða. Meðal annars var rætt um innflutningstolla Donalds Trumps Bandaríkjaforseta, áhrif stefnu Bandaríkjastjórnar á stöðu hinsegin fólks, jafnréttismál og fleira.

Umsjón: Alma Ómarsdóttir

Tæknimaður: Jón Þór Helgason