Vikulokin

Gestkvæmt í Vikulokunum. Birta Björnsdóttir fréttamaður tekur stöðuna á leið á völlinn með íslenskum aðdáendum karlalandsliðsins þegar rétt um tveir tímar eru í leikinn gegn Argentínu í Moskvu. Anna Sigrún Baldursdóttir, aðstoðarmaður forstjóra LSH, Björn Leví Gunnarsson þingmaður Pírata og Gunnar Bragi Sveinsson þingflokksformaður Miðflokksins verða svo gestir í hljóðstofu fyrri hluta þáttarins auk þess sem við sláum á þráðinn til Brynhildar Pétursdóttur hjá Neytendasamtökunum.

Í síðari hluta þáttarins bætist svo Páll Magnússon þingmaður Sjálfstæðisflokksins í Suðurkjördæmi í hópinn en honum var á dögunum vikið út fulltrúaráði flokksins í Eyjum; vegna framgöngu hans í nýafstöðnum sveitarstjórnarkosningum.

Gestir Helga Seljan eru Karen Kjartansdóttir almannatengill, Árni Helgason lögmaður og Karl Th. Birgisson.

Rætt við Gunnlaug Ingvarsson oddvita frelsisflokksins, Gunnar Kristinn Þórðarson, oddvita Karlalistans og Steinunni Einarsdóttur fulltrúa Kvennaframboðsins, í fyrri hluta þáttarins. Í seinni hlutanum mætast svo þeir Dagur B Eggertsson oddviti Samfylkingarinnar og Eyþór Arnalds oddviti sjálfstæðismanna.

Umsjón: Helgi Seljan

Guðmundur Karl Þorleifsson Íslensku þjóðfylkingunni, Sanna Magdalena Mörtudóttir Sósíalistaflokki Íslands, Sveinbjörg Birna Sveinbjörnsdóttir Borginni okkar og Þorvaldur Þorvaldsson Alþýðufylkingunni, öll leiða þau framboðslista í Reykjavík. Frambjóðendur ræddu um húsnæðis- og skólamál, rekstur borgarinnar, deilur um kjör stjórnenda og þjónustufulltrúa í Hörpu og ekkert þeirra ætlar fylgist með Júróvisjón.

Umsjón: Anna Kristín Jónsdóttir

Gestir Vikulokanna eru oddvitar fjögurra framboða sem tilkynnt hafa framboð til borgarstjórnar Reykjavíkur. Kolbrún Baldursdóttir, oddviti Flokks Fólksins, Dóra Björt Guðjónsdóttir, oddviti Pírata, Líf Magneudóttir, oddviti Vinstri grænna og núverandi forseti borgarstjórnar, og Björg Kristín Sigþórsdóttir, oddviti Höfuðborgarlistans.

Gestir Helga Seljan eru þau Sólveig Anna Jónsdóttir, nýkjörinn formaður stéttarfélagsins Eflingar, Pawel Bartozek, fyrrum þingmaður og frambjóðandi Viðreisnar í Reykjavík, Vigdís Hauksdóttir, fyrrum þingmaður og oddviti Miðflokksins í komandi borgarstjórnarkosningum og Ingvar Mar Jónsson oddviti Framsóknarflokksins í komandi borgarstjórnarkosningum.