閒置中 Liber Podcast by 本土研究社

今日林鄭正式宣佈最新得意諗法，將明日大嶼願景大減700公頃，究竟因乜解究本來係林鄭任內既旗艦項目，變左可加可減既「後日大嶼」? 未諮詢就直接宣佈，究竟邊個最傷心? 做一半唔做一半會令明日大嶼出現什麼處境?

今年施政報告公佈眾多天馬行馬的措施，其中包括放寬祖堂地出售門檻。而背後嘅影響好有可能係估你唔到咁深遠，特別喺現時鬥地主嘅風聲下，究竟林鄭呢一著會點樣改變未來新界整個土地利益格局？今集研究員同你深度傾下今次祖堂地放寬背後的利益版塊變化，祖堂地研究員又收到啲咩鄉事嘅內幕消息？究竟政府係咪（扮）唔知祖堂地嘅位置同分佈？又會點樣引發鄉事同發展商嘅新互動？

又新界北又祖堂地又濕地緩衝區又綠化地，2021年施政報告前，土地發展多咗好多新嘅風聲。明日大嶼都係1,700公頃，宜家吹到可發展用地有8,000多公頃。啲地係邊度嚟？所謂突破舊思維嘅「綜合發展規劃概念」綜合咗啲咩？漏咗啲咩？明日大嶼隨時變後日大嶼？取而代之嘅會係咩？現時嘅新界亂象會持續到幾時？今日研究員同綠色和平嘅朋友，由兩三層樓高嘅垃圾山同川龍嘅劏車場，到港版「肺病村」，傾下施政報告「土地瘋聲」會點廷續香港土地亂象。

繼16年巴拿馬文件曝光世界政要富豪避稅，近日再有避稅密件「潘朵拉文件」（Pandora Papers）爆出兩位香港前特首持有離岸公司，究竟當中會唔會涉及潛在利益衝突呢？今集同你閒談下香港土地房屋問題「公司離岸化」嘅最新現況，究竟香港避稅合法化可以點玩？富豪政要避稅又點影響到香港市民？同時又反映緊香港面對緊什麼嘅稅制黑洞？

研究完：劍、涼、蔡

走私活動暫時已經一片寧靜，但村民其實唔係咁諗。今集研究員從大嶼山島民視覺，聽到睇到啲乜震撼場面，引述目擊村民親眼目睹走私活動佈署同分工，路人皆見但點解報左咁多次警都唔見人。

究竟大嶼山西南除咗走私貨仲有啲咩係個海到呢? 今集請嚟香港海豚保育學會兩位豚友Anson同希汶為大家介紹下生活喺大嶼山一帶嘅真。原居民—中華白海豚。一齊探討海豚生境同走私船活動範圍高度重疊下，點樣變咗船下亡魂？ 兩位豚友原來仲曾親眼目擊走私船喺白海豚身邊高速駛過！到底一年有幾多海豚死於非命？

研究完：劍、Kristy

近日沙洲走私水警衝突事件，早前更有過百隻大飛喺香港水域有來有往，背後究竟發生緊咩事？原來香港一直有幾個走私熱點？或者背後會唔會有不見光嘅密謀勾結？海上走私一直同大家衣食住行息息相關，今日研究員就同大家一齊同大家重組呢個走私現象，睇下呢個海洋亂象嘅始末同背後嘅「走私產業鏈」嘅操作。

琴日，有外媒傳出香港地產商被中央施壓，要解決香港房屋問題。今次研究員同你深入傾下，除咗「鬥地主」外，究竟應該點樣去解讀呢個消息？配合著呢幾個月嘅土地房屋發展，又反映緊什麼局勢？如果你係地產商，你諗你會點應對？最驚啲咩？

破邊洲觀景台設計比賽作品引起熱議，但更多人質疑的是政府在郊野範圍設立這種入侵式旅遊設施的需要，尤其在糧船灣這個世界地質公園。破邊洲嘅六角柱係點形成？喺上面起嘢會有咩潛在問題？過往有無例子參考？今次比賽評審有咩睇法？研究員對佢地睇法又有咩睇法？今集研究員同大家追溯返破邊洲觀景台嘅「郊野公園旅遊化」政策脈絡，郊野範圍應有嘅規劃限制，同埋西貢一億四千萬年前嘅地質歷史。

面對住海砂供應不足、超支同延誤危機嘅機場三跑近日完工，林鄭好興奮咁話機場三跑嘅「嶄新填海技術」既環保又成功，可以喺明日大嶼大派用場，明顯係度借三跑嘅例子嚟推銷公眾有強烈保留嘅萬億人工島。