ក្រុម​យុវជន​ខ្មែរថាវរៈ​ នឹង​ធ្វើ​យុទ្ធនាការ​បង្អត់​អាហារ​ចំនួន​មួយ​សប្តាហ៍​ ដើម្បី​ទាមទារ​ឲ្យ​មាន​ការ​ដោះលែង​កញ្ញា ​សេង ធារី​ ដែល​កំពុង​ជាប់​ពន្ធនាគារ​នៅ​ខេត្ត​ព្រះវិហារ។​ យុទ្ធនាការ​នេះ​នឹង​ធ្វើ​ឡើង​នៅ​អំឡុង​ពេល​កម្ពុជា​នឹង​រៀប​ចំ​កិច្ចប្រជុំ​កំពូល​អាស៊ាន​ ដោយ​មាន​វត្តមាន​ថ្នាក់​ដឹក​នាំ​ប្រទេស​ធំៗ​មក​ចូល​រួម។​ ក្រុម​យុវជន​ខ្មែរថាវរៈ​សង្ឃឹម​ថា ​យុទ្ធនាការ​នេះ​នឹង​ទទួល​បាន​ការ​ចាប់​អារម្មណ៍​ពី​បណ្តា​ថ្នាក់​ដឹក​នាំ​នានា ​អំពី​បញ្ហា​សិទ្ធិ​មនុស្ស ​និង​ប្រជាធិបតេយ្យ​នៅ​កម្ពុជា។​