នៅ​ក្នុង​កម្ម​វិធី​សប្បុរសធម៌​លើក​ទី១២​ ដែល​ប្រារព្វ​ឡើង​ក្នុង​បរិវេណ​សាកលវិទ្យាល័យ​ភូមិន្ទភ្នំពេញ ​ស្តង់​របស់​ក្រុម​និសិត្ស​និង​យុវជន​ចលនា​មាតា​ធម្មជាតិ​ដែល​មាន​ឈ្មោះ​ថា​ ស្តង់​លក់​ទឹក​ដូង​ខ្មែរ​ថែ​កោះកុងក្រៅ​ ត្រូវ​បាន​ក្រុម​ការងារ​រៀប​ចំ​កម្ម​វិធី​ និង​សាកលវិទ្យាធិការ​បញ្ឈប់​សកម្មភាព​លក់​ត្រឹម​ថ្ងៃទី១​ ក្រោយ​ស្តង់​មួយ​​នេះ​បាន​ផ្សព្វផ្សាយ​អំពី​តំបន់​កោះកុងក្រៅ។​ ក្រោយ​ខាង​អ្នក​រៀបចំ​កម្មវិធី​បញ្ឈប់​ការ​លក់​ ក្រុម​យុវជន​ការពារ​បរិស្ថាន​យល់​ថា ​នេះ​ជា​គំរូ​មិន​ល្អ​ដល់​យុវជន។​ ហើយ​ការ​ហាម​ឃាត់​ស្តង់​ដែល​ផ្សព្វផ្សាយ​អំពី​តំបន់​កោះកុង​ក្រៅ​នេះ​ទៀត​សោធ​ក៏​សរ​បញ្ជាក់​ថា ​ថ្នាក់​ដឹក​នាំ​សាកលវិទ្យាល័យ​ភូមិន្ទ​ភ្នំពេញ​គ្មាន​ឆន្ទៈ​ក្នុង​ការ​ស្រឡាញ់​ធនធាន​ធម្មជាតិ​ និង​មិន​មែន​ជា​ ​ថ្នាល​បណ្តុះ​គំនិត​ដល់​យុវជន​ឡើយ។​