អស់រយៈពេល​ជាង៣សប្តាហ៍​មកហើយ​ ដែល​ក្រុមយុវជន​សំរាម​បានបង្កើត​យុទ្ធនាការ​ប្រមូល​កន្ទុយបារី​ដែលត្រូវ​បាន​គេបោះចោល​នៅតាម​ទីសាធារណៈ ​និង​នៅក្នុង​ទឹកទន្លេ​នៅទូទាំង​ប្រទេស​កម្ពុជា។ ​យុទ្ធនាការ​នេះ ​គឺជាចូល​រួមចំណែក​យ៉ាងខ្លាំង​ចំពោះការ​កាត់បន្ថយ​ផលប៉ះពាល់​ដល់​បរិស្ថាន​ ពិសេស​បង្កើត​ទម្លាប់​រក្សាទុក​សម្រាម​ឱ្យបាន​ត្រឹមត្រូវ​ ដោយជៀសវាង​ពីការបោះចោល​នៅតាម​ទីសាធារណ​នានា​ពីសំណាក​ពលរដ្ឋ​ខ្មែរមួយចំនួន។​ បើតាម​ លោកសាន​ ​ដារ៉ាវីត​    ក្រៅតែ​ពីយុទ្ធនាការ​ប្រមូល​កន្ទុយបារី​ ក្រុម​យុវជន​សំរាម​ក៏ទទួលទិញ​ពីអ្នកប្រមូលផ្សេងៗ​ក្នុង​តម្លៃ៥ពាន់រៀល ​សម្រាប់១កំប៉ុងជ័រ​ធំផង​ដែរ។​ ក្នុងនោះ ​លោក ដារ៉ាវីត ​បន្តថា ​កន្ទុយបារី​ទាំងអស់​ដែលបាន​ប្រមូលទិញ ​លោកនឹង​យកទៅរក្សាទុក​ រឺធ្វើភស្តុតាង​សម្រាប់​បង្ហាញដល់​សាធារណ​ជន​ទាំងមូល។​ ហើយលោកថា​ បញ្ហានេះ ​ក៏ត្រូវដុះខាត​ក្នុងរយៈពេល​យូរផងដែរ​ ទើបមាន​ប្រសិទ្ធភាព​ខ្ពស់។ ​