Ung kínversk kona drukknaði við Reynisfjöru í dag eftir að hún barst út með öldunni.

Maður á sextugsaldri lést í morgun þegar rafskúta sem hann var á og létt bifhjól skullu saman. Þetta er fyrsta banaslysið tengt rafskútum hér á landi. Guðbrandur Sigurðsson aðstoðaryfirlögregluþjónn segir bæði hjólin nú til rannsóknar, og hvort þeim hafi verið breytt til að þau kæmust hraðar

Ekki er nógu langt gengið í samningsdrögunum sem lögð eru fram á loftslagsráðstefnu Sameinuðu þjóðanna segir Guðmundur Ingi Guðbrandsson, umhverfisráðherra en horfa verði fram á veg og góður andi ríki á ráðstefnunni. Hólmfríður Dagný Friðjónsdóttir ræddi við hann.

Örvunarskammtaátak hefst í Laugardalshöllinni eftir helgi. Þórólfur Guðnason, sóttvarnalæknir segir að ekki takist að gefa öllum örvunarskammt fyrir áramót því minnst fimm mánuðir þurfa að líða frá seinni sprautunni. Þórdís Arnljótsdóttir tók saman.

Stefan Löfven, forsætisráðherra Svíþjóðar, lagði í dag fram afsagnarbeiðni sína. Almennt er búist við að Magdalenu Andersson fjármálaráðherra verði falið að mynda stjórn. Ásgeir Tómasson sagði frá.

Jóhanna Sigurðardóttir fyrrverandi forsætisráðherra hlýtur brautryðjendaverðlaunin Trail Blazers Award á Heimsþingi kvenleiðtoga sem haldið er í Hörpu. Hún sagði í ræðu sinni að heimurinn allur nyti góðs af því ef konur ættu jafnan þátt í því að taka ákvarðanir.

-------------

Undir merkjum Stafræns Íslands er unnið að því að meginsamskiptaleið fólks og fyrirtækja við hið opinbera verði stafræn. Stöðugt stærri hluti samskipta við banka er um netið og notkun á Heilsuveru, þar sem fólk getur átt samskipti við heilbrigðisstarfsfólk, sótt sér vottorð og endurnýjað lyfseðla, hefur margfaldast. Allt er þetta gert til að einfalda líf fólks en þarna getur fólk með þroskahömlum rekist á hindranir og jafnvel orðið af hlutum venga þess að það getur ekki fengið rafræn skilríki nema sækja sjálft um þau. Anna Kristín Jónsdóttir ræddi við s Ingu Björk Margrétar Bjarnadóttur verkefnisstjóra hjá Þroskahjálp, Unni Helgu Óttarsdóttur formann Þroskahjálpar og Andra Heiðar Kristinsson, framkvæmdstjóra Stafræns Íslands.

2,7 gráður - svo mikið mun meðalhitinn á jörðinni aukast frá því sem var fyrir iðnbyltingu, ef áfram verður haldið á sömu braut. Miklu meira en þær 2 gráður, eða helst 1,5 gráða sem þjóðir heims stefna að samkvæmt Parísarsamkomulaginu. Í París, fyrir sex árum lofuðu þjóðarleiðtogar aðgerðum en nýjar rannsóknir sýna að aðeins örfá lönd hafa efnt þessi loforð. Jafnvel Svíþjóð - ríkt land með þróað hagkerfi og stóra endurnýjanlega orkug