Tveir lögreglumenn handtóku Sindra Þór Stefánsson á götu í Amsterdam í gær. Hann veitti enga mótspyrnu og verður leiddur fyrir dómara ytra á morgun. Vilji hann fara strax til Íslands verður hann kominn innan nokkurra daga, segir Rob van der Veen, fulltrúi hollenska saksóknarans. Jóhann Bjarni Kolbeinsson talaði við hann, Kristín Sigurðardóttir tók saman. Heilbrigðisráðherra segir ekki rétt að samningsdrög um heimaþjónustu hafi legið fyrir í ráðuneytinu. Lagðar hafi verið fram tillögur að breytingum á samningnum og rætt hafi verið við Sjúkratryggingar Íslands og áfram verður rætt við þær. Ekið var á gangandi vegfarendur í Toronto, síðdegis. Að minnsta kosti tólf urðu fyrir flutningabíl. Katrín Jakobsdóttur forsætisráðherra vill frekar tala um sýndarfé en rafmyntir og segir þær í lagalegu tómarúmi á Evrópska efnahagssvæðinu. Smári McCarthy þingmaður Pírata segir að ástandið sé eins og í villta vestrinu. Frelsisflokkurinn sem býður nú fram í fyrsta skipti í borgarstjórnarkosningunum kynnti stefnumál sín í dag. Flokkurinn leggur áherslu á þjóðfrelsi og berst gegn alþjóðavæðingu og fjölmenningarstefnu. Flokkurinn vill byggja þrjú þúsund íbúðir strax á viðráðanlegu verði, greiða götu einkabílsins með því að stækka stofnæðar og fækka hraðahindrunum. Gunnlaugur Ingvarsson er oddviti Frelsisflokksins í Reykjavík. Tæplega 300.000 manns skrifuðu undir bænaskjal um að lífi hunds sem drap eiganda sinn og son hennar yrði þyrmt. Yfirvöld í Hannover í Þýskalandi virtu beiðnina að vettugi og lóguðu dýrinu. Jóhann Hlíðar Harðarson segir frá. Prins er fæddur á Englandi Kjaradeila ljósmæðra við ríkið vegna starfa þeirra á sjúkrahúsum og ágreiningur um greiðslur fyrir heimaþjónustu sem ljósmæður sinna í verktöku tengist ekki segir Bergrún S Jónsdóttir ljósmóðir. Hún sinnir heimaþjónustu og hefur komið að samráði við Sjúkratryggingar Íslands um greiðslur. Anna Kristín Jónsdóttir ræðir við hana. Brot flutt úr svari Svandísar Svavarsdóttur, heilbrigðisráðherra á þingi í dag. Mikil loftmengun eykur hættu á því að börn og ungmenni fái Alzheimer. Það sýna rannsóknir bandarískra vísindamanna. Kristján Sigurjónsson segir frá. Hundrað ára fullveldis Íslands verður minnst með margvíslegum hætti í Danmörku og tugir viðburða marka þessi mikilvægu tímamót í sögu Íslands. Starfsfólk sendiráðs Íslands í Kaupmannahöfn ber hitann og þungan af undirbúningnum. Borgþór Arngrímsson hitti Benedikt Jónsson sendiherra í Kaupmannahöfn og spurði hann fyrst um skrautleg flögg við aðaldyr sendiráðsins sem er í menningarhúsinu Norðurbryggju. Umsj