Töluvert tjón varð í Perlunni þar sem eldur kom upp eftir hádegi. Eldurinn leyndist undir klæðningu og húsið fylltist af reyk. Það var rýmt en fólk var ekki í hættu. Milla Ósk Magnúsdóttir talar við Birgi Finnsson, varaslökkviliðsstjóra við Perluna. Það er krefjandi verkefni að tryggja öryggi mæðra, þegar ljósmæður hafa hætt að sinna heimaþjónustu. Þetta segir Sigríður Gunnarsdóttir, framkvæmdastjóri hjúkrunar á Landspítalanum. Meðgöngu- og sængurlegudeild fyllist fljótt. Kristín Sigurðardóttir talaði við hana. Bergljót Baldursdóttir tók saman. Sindri Þór Stefánsson var úrskurðaður í sólarhrings gæsluvarðhald í Amsterdam í dag á meðan dómari fer yfir gögn málsins. Stígur Helgason segir frá. Íbúðareigendur í spænsku borginni Palma mega ekki leigja íbúðir sínar ferðamönnum eftir að bann við því tekur gildi í júlí. Ólöf Ragnarsdóttir segir frá. Þó að mánaðarlaun forstjóra Össurar séu nærri 19 milljónir, voru laun forstjóra Kaupþings fyrir hrun sjö sinnum hærri. Formaður Verkalýðsfélags Akraness segir að vissulega sé ofurlaunastefnan ekki eins tryllt og hún var fyrir hrun. Verkalýðshreyfingunni svíði það sárt þegar forstjórar með yfir 100 milljónir í árslaun tali um að launafólk eigi að sýna ábyrgð og ógna ekki stöðugleikanum. Arnar Páll Hauksson, segir frá fundi og skýrslu samtaka sparifjáreigenda um ofurlaun. Hann ræðir við Benedikt Jóhannesson, fyrrverandi fjármálaráðherra, Vilhjálm Birgisson, formann Verkalýðsfélags Akraness og Þórunni Sveinbjörnsdóttur formann BHM. Grænlendingar ganga að kjörborðinu í dag og samkvæmt skoðanakönnunum fá stjórnarflokkarnir þrír öruggan meirihluta á þingi. Allir flokkar ganga óbundnir til kosninga svo ekki er víst að stjórnarsamstarfið haldi áfram. Bogi Ágústsson sagði frá, heyrast brot úr kosningaþætti á DR; Ask Rostrup fréttamaður Danmarks Radio, Randi Vestergaard Evaldsen formaður Demókrata og fyrrverandi fjármálaráðherra, Sara Olsvig, formaður IA og Kim Kielsen, leiðtoga jafnaðarmannaflokksins Siumut. Tilveran er flókin í Jerúsalem, hinni helgu borg og átök Ísraela og Palestínumanna setja sitt mark á borgarlífð. Björg Magnúsdóttir dagskrárgerðarmaður hitti á dögunum Láru Jónasdóttur, starfsmann Sameinuðu þjóðanna rétt fyrir utan gömlu borgina.