Björgunarsveitir hafa sinnt hátt í 100 verkefnum vegna vestanstorms sem nú gengur yfir landið. Á suðvesturhorninu rifnuðu tré rifnuðu upp með rótum og þakklæðningar og -plötur fuku af húsum. Nú rétt fyrir fréttir var bæði Hellisheiði og Þrengslum lokað vegna veðurs. Bjarni Pétur Jónsson tók saman. Talað við Davíð Má Bjarnason hjá Landsbjörg og Sólveig Klara Ragnarsdóttir ræddi við Einar Daníelsson í aðgerðastjórn björgunarsveitanna á Höfuðborgarsvæðinu.

Flugfreyjum var dæmt í vil í Félagsdómi í dag. Icelandair bar að fara eftir starfsaldri þegar fyrirtækið afturkallaði uppsagnir í fyrrasumar.

Nýjar sóttvarnareglur liðka mjög fyrir skólastarfi, Karl Frímannsson sviðsstjóri fræðslusviðs Akureyar segir eðlilegt að skólafólk taki þátt í að ná hjarðónæmi í samfélaginu. Þorgerður laufey Diðriksdóttir, formaður félags grunnskólakennara segir að stór hópur sé settur í hættu.

Hermenn voru kallaðir út í Grikklandi til að aðstoða bílstjóra sem lentu í vandræðum vegna snjóa. Alþjóðaflugvöllurinn í Istanbúl í Tyrklandi lokaðist í sólarhring vegna fannfergis. Ásgeir Tómasson sagði frá.

------

Liðsafnaður Rússa við landamæri Úkraínu síðustu vikur hefur allt annan brag og tilgang en hann hafði í fyrravor segir Albert Jónsson sérfræðingur í alþjóðamálum og fyrrverandi sendiherra í Rússlandi. Albert hefur ekki trú á að Rússar hætti á innrás. Anna Kristín Jónsdóttir talaði við hann.

Bjarni Benediktsson fjármála og efnahagsráðherra flutti á Alþingi í dag munnlega skýrslu um efnahagsaðgerðir vegna heimsfaraldursins. Bjarni Rúnarsson tók saman umræður á Alþingi. Heyrist í Bjarna Benediktssyni (D), Loga Einarssyni (S), Jakobi Frímanni Magnússyni (F), Birni Leví Gunnarssyni (P), Sigmari Guðmundssyni (C) og Sigmundi Davíð Gunnlaugssyni (M).

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Ingibjörg Sara Guðmundsdóttir.