Fréttir:

Landspítalinn er kominn á hættustig vegna fjölgunar covid-smita og heimsóknabann tekur gildi á miðnætti.

Hertar sóttvarnaaðgerðir taka gildi um miðja næstu viku. Sóttvarnalæknir segir að það hefði þurft að gerast fyrr. Faraldurinn sé í veldisvexti.

100 römpum fyrir fólk í hjólastól hefur verið komið upp í miðborg Reykjavíkur. Verkefnið hefur gengið mun hraðar en áætlað var.

Mannréttindaráð Sameinuðu þjóðanna fordæmir valdarán hersins í Súdan og krefst þess að borgaralegri stjórn verði komið á að nýju.

Dýralæknafélag Íslands harmar áform um bann við lausagöngu katta á Akureyri.

***

Lengri umfjallanir (frá 10. mínútu)

Rætt við Víði Reynisson, yfirlögregluþjón hjá Almannvörnum um stöðuna í faraldrinum.

Síðastliðin fjögur ár hefur Ísland varið samtals 133 milljónum króna til Græna loftslagssjóðsins. Tvær sjálfstæðar rannsóknarstofnanir telja Ísland ekki gera nóg.

Sigrún Davíðsdóttir kryfur verðbólgu og sérbresk Brexit-áhrif.

Umsjón: Arnhildur Hálfdánardóttir. Tæknimaður: Markús Hjaltason