Álhatturinn

Flest könnumst við við Vísindakirkjuna sem einhverskonar stórfurðuleg og dularfull samtök stjarnanna  í Hollywood, þar sem Tom Cruise og John Travolta brosa framan í heiminn sem andlit hins andlega frelsis. En hvað dylst raunverulega á bak við glansmyndina, milljarða fasteignaveldið og loforðin um „að hreinsa“ mannkynið? Er mögulegt að undir yfirskini trúfélagsskráningar starfi í raun einhver þaulskipulagðasta glæpastofnun heims, sem nýtir heilaþvott, njósnir og hrottalega kúgun til að halda meðlimum sínum í gíslingu?

Í þessum þætti af Álhattinum kafa þeir félagar Guðjón Heiðar, Haukur Ísbjörn og Ómar Þór ofan í ótrúlega sögu L. Ron Hubbard, vísindaskáldsagnahöfundarins sem átti sér myrka fortíð í kynlífs-okkúltisma. Hvað var Hubbard raunverulega að bralla í Pasadena með Jack Parsons, eldflaugasérfræðingnum, sem hjálpaði til við að koma manninum á tunglið (eða hvað?), þegar þeir reyndu að kalla fram „Babalon“  sjálfa móður viðbjóðsins í eyðimörkinni? Hvers vegna varaði Aleister Crowley við Hubbard og kallaði hann einfaldan svikahrapp sem væri einungis úti eftir peningum og konum annarra manna?

Strákarnir fletta ofan af hetjusögu Hubbards og skoða hvernig hann skáldaði eða stórlega ýkti afrekaskrá sína í hernum. Læknaði hann raunverulega „blindu og limlestingar“ með eigin hugarorku, eða sýna opinber gögn hersins fram á að hann hafi í raun verið meðhöndlaður við magasári og augnsýkingu  á meðan hann skaut óvart á hlutlausa eyju í Mexíkó? Hvernig tókst honum að stela ævisparnaði Parsons, flýja með kærustu hans og enda sem tvíkvæntur loddari á flótta undan réttvísinni?

Strákarnir skoða hvernig kirkjan náði að knésetja bandaríska skattinn , IRS, í einu stærsta dómstólastríði sögunnar. Var það trúarlegur sigur eða hrein og klár „litigious terrorism“ þar sem yfirvöld hreinlega gáfu eftir undan 2.400 málsóknum og persónulegu áreiti einkaspæjara? Má það vera að trúfélagsstaðan sé einungis skjöldur yfir „Operation Snow White“  stærstu njósnaaðgerð gegn bandarískum stjórnvöldum í sögunni, þar sem þúsundir meðlima smugu inn í ríkisstofnanir til að eyða sönnunargögnum?

Hvað varð raunverulega um Shelly Miscavige, eiginkonu núverandi leiðtoga kirkjunnar, sem hefur ekki sést opinberlega síðan hún „hvarf“ árið 2007? Er hún kannski fangi í hátæknilegu neðanjarðarbyrgi Og hvað gerist í holunni svoköluðu?

Strákarnir velta því fyrir sér hvort kirkjan sé í raun ríki í ríkinu, með eigin leyniþjónustu (OSA) sem nýtir „Dead Agenting“ og „Fair Game“ regluna til að eyðileggja mannorð blaðamanna og andstæðinga. Vinirnir ræða mál Paulette Cooper, sem kirkjan reyndi að keyra til sjálfsvígs með því að ramma hana inn fyrir sprengjuhótanir, og hvernig samtökin nota „PC-möppur“  safn af dýpstu leyndarmálum meðlima sinna til að kúga þá til þagnar og hlíðni. 

Er Vísindakirkjan leiðin að „algeru frelsi“ eða er hún ein fullkomnasta svikamylla nútímans sem nýtir stjórnarskrárvarin réttindi til að stunda kerfisbundna misnotkun? Allt þetta og svo margt, margt fleira í nýjasta þættinum af Álhattinum, þar sem við þeir félagar Guðjón Heiðar, Haukur Ísbjörn og Ómar Þór velta því fyrir sér hvort að Vísindakirkjan stundi njósnir, pyntingar, heilaþvott og misnotkun á meðlimum sínum í skjóli trúfélagssskráningar. 

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Flestir sem á annað borð höfðu aðgang að internetinu á fyrsta áratug þessarar aldar kannast við Trevor Moore, forsprakka grínhópsins The Whitest Kids U' Know. Trevor var ekki eingöngu ótrúlega hæfileikaríkur grínisti; hann var einn skarpasti samfélagsrýnir sinnar kynslóðar, sem notaði beittan og súran húmor til að rífa niður tjöldin hjá valdastéttinni og afhjúpa keisarann fyrir að vera ekki í neinum fötum. Allt þar til þann 6. ágúst 2021, þegar Trevor lagði frá sér hljóðnemann og þagnaði í eitt skipti fyrir öll, aðeins 41 árs að aldri.

Opinbera skýringin er snyrtileg, hrein og bein: Hörmulega óheppilegt slys. Fall fram af svölum á heimili hans í Malibu að næturlagi eftir að hafa aðeins verið að fá sér. Einsog menn gera. En rétt eins og með aðra „góðvini þáttarins“ sem falla frá á grunsamlegan hátt, þá eru ekki allir sem kaupa hreinu og beinu söguna sem yfirvöld og meginstraumsmiðlarnir vilja að við trúum. Var Trevor Moore ef til vill komið fyrir kattarnef? Ef svo er, hversvegna? Og að undirlagi hverra?

Var hann ef til vill farinn að hreyfa við hlutum sem hefðu betur mátt kyrrt liggja? Trevor gerði nefnilega vægast sagt beitta ádeilu á tónlistariðnaðinn og Hollywood í sketsinum „Help Me“, þar sem hann söng um fórnir, mansal og myrkraverk elítunnar bak við tjöldin,  myndband sem endar á dularfullan hátt með hans eigin andláti. Og hvað með ástríðufullan áhuga hans á öllu því sem Álhattar elska að ræða og pæla í? Hann gerði sketsa um Illuminati, Seðlabanka Bandaríkjanna, dularfullt andlát JFK og atburðina 11. september. Var hann orðinn mögulega of óþekkur og óþægilegur vegna þess að hann sáði fræjum sannleikans í gríni sínu og fékk almenning til að staldra við og spyrja spurninga?

Í þessum nýjasta þætti af Álhattinum kafa þeir félagar Guðjón Heiðar, Haukur Ísbjörn og Ómar Þór ofan í feril þessa óvenjulega listamanns. Þeir rannsaka aðstæður á svölunum í Malibu, spyrja út í bilaðar eftirlitsmyndavélar, kynna sér falið myndmál í sketsunum og velta því fyrir sér hvort Trevor Moore hafi í raun greitt sína vitneskju og uppljómun með lífi sínu. 

Þetta og svo margt, margt fleira í þessum nýjasta þætti af Álhattinum þar sem vinirnir Guðjón Heiðar, Haukur Ísbjörn og Ómar Þór velta því fyrir sér hvort að grínistanum Trevor Moore hafi verið komið fyrir kattarnef. 

HLEKKIR Á ÍTAREFNI

Intro https://youtu.be/nCP3LZoxABs?is=vQv1PB0oWQ9-HP66

Biden Kynnir Elton John kllippa https://youtu.be/sGvUDMNHLZ

Jim Carrey Illuminati í kimmel : https://www.youtube.com/watch?v=eG9i7d8yfKQ

9/11 sketch klippa https://youtu.be/vq6p4wX88Z0

Grapist sketch https://youtu.be/EzgUGY36gqM

Help me/8bieber https://youtu.be/Edi_hydymNQ

Illuminati sketch  https://youtu.be/_574Rxxez2c

Saga bandaríkjanna sketch - https://youtu.be/0-Lvv1f5Qu4

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Í þessum þætti af Álhattinum kafa Guðjón Heiðar, Haukur Ísbjörn og Ómar Þór ofan í eina frumlegustu og furðulegustu samsæriskenningu samtímans. Hugmyndina um að mannkynið hafi í áratugi rekið háleynilegt geimáætlunarverkefni, komið upp bækistöðum á Mars og tunglinu og þjálfað svokallaða ofurhermenn(e.supersoldiers) til að þjóna í leynilegum geimhernaði.

Er hugsanlegt að bandarísk yfirvöld, í samstarfi við önnur stórveldi og jafnvel einkafyrirtæki, hafi byggt upp heilan skuggaveruleika utan almennrar vitundar? Er til “Secret Space Program” sem starfar utan NASA, utan hefðbundinna hernaðarstofnana og utan fjárlaga sem nokkur kjörinn fulltrúi fær að sjá? 

Í kenningunum er talað um börn sem séu valin ung að aldri, þjálfuð í háþróuðum og leynilegum hernaðarverkefnum, send út fyrir jörðina og svo “aldursendurstillt” og skilað aftur inn í samfélagið án minninga. Það er talað um samninga við framandi lífverur, herstöðvar neðanjarðar og utanjarðar, og að tæknin sem við sjáum opinberlega sé aðeins brotabrot af þeirri tækni sem raunverulega sé til.

Þeir félagar fara yfir helstu frásagnir og nöfn sem hafa haldið þessari hugmynd á lofti, greina hvað á að vera skjalfest og hvað byggir eingöngu á einhverskonar vitnisburði eða frásögn einhverra mis traustvekjandi eða trúverðugra aðilla. Hvað er raunveruleg hernaðarleynd, hvað er vísindaskáldskapur í dulargervi, og hvenær verður samsæri svo stórt að það hrynur undan eigin þunga?

Eru sögurnar um Mars-bækistöðvar og tungl herstöðvar bara fantasía sem lifir góðu lífi á netinu? Eða gæti verið að geimkapphlaupið hafi aldrei hætt, það hafi einfaldlega farið undir yfirborðið  og verið sópað undir teppið fjarri vökulum og forvitnum augum almennings? Hvernig tengist þetta allt saman nasistum, the Dracos og mögulega vampírum, klónum eða varúlfum? Og hvað í veröldinni eru Supersoldiers eða Lightwarriors? 

Þetta og margt fleira í þessum þætti af Álhattinum þar sem þeir velta fyrir sér þeirri spurningu hvort mannkynið hafi komið upp bækistöðvum eða herstöðvum á fjarlægum plánetum(amk Mars og Tunglinu) án vitundar almennings. 

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Í þessum þætti af Álhattinum halda Guðjón Heiðar, Haukur Ísbjörn og Ómar Þór áfram þar sem frá var horfið og taka aftur fyrir stóru spurninguna sem enginn virðist mega, vilja eða geta svarað almennilega. Hafa geimverur heimsótt jörðina og eru yfirvöld að hylma yfir tilvist þeirra?

Frá síðasta þætti hefur margt vatn runnið til sjávar og tíðarandinn verið dulítið skrýtinn. Hugtakið UAP hefur tekið við af UFO, herinn og allskonar dularfullar stofnanir hafa neyðst til að viðurkenna að eitthvað óútskýrt sé á sveimi og svo hafa menn með allskonar skírteini, vottanir, gráður hernaðarferil og “trúnaðarupplýsingar” stigið fram og hljómað eins og mestu Álhattar eða illa skrifaðar persónur í ótrúverðugri vísindaskáldsögu. Undarleg óútskýranleg  fyrirbæri, stórfurðuleg  hegðun  radarskjáa, óskýr og gruggug  myndbönd sem þó eru ekki jafn óskýr og áður og kerfi sem virðist vera hannað til að tryggja að enginn fái neitt endanlegt  eða afgerandi svar. Sama hversu mergra spurninga er varpað fram eða hversu merkilegir pappírar einstaklingarnir eru, sem spyrja þeirra. Hvað í veröldinni er eiginlega í gangi!?

Strákarnir fara yfir þingmannayfirheyrslurnar og vitnisburðinn sem setti internetið á hliðina, hvað var sagt, hvað var ekki sagt og hvers vegna þetta endar alltaf ‘a s-mu g-mlu tuggunni:

 “Við getum hvorki staðfest neitt né afneitað neinu”

Þeir félagar ræða líka mótrökin, þar sem bent er á að leyndarhyggja og óljósar yfirlýsingar geti allt  eins verið merki um jarðneska tækni í þróun, óvandaðar ályktanir, rangtúlkun eða klassískt psyop sem á að láta almenning elta ljósbletti á himninum í örvæntingu til þess að athyglin beinist ekki að einhverju merkilegra og mikilvægara eins og td Epstein skjölunum. 

Hvað varð t.d um alla drónana sem virtust svífa um í tuga eða hundraðavís alls staðar og hvergi.. Dularfull flýgildi við herstöðvar, orkuver og viðkvæma innviði, er þetta nýtt og hátæknilegt njósnakerfi, heræfing eða eitthvað sem á ekki að sjást?  Eru þetta Kínverjar, Rússar eða jafnvel einkaaðilar? Eða einfaldlega tilraunir yfirvalda? Eða sama gamla sagan í nýjum búningi þar sem “ógnin” er notuð til að réttlæta meiri leynd, meiri fjárframlög og færri spurningar?

Þetta og svo margt, margt fleira í þessum nýjasta þætti af Álhattinum, þar sem þeir félagar velta fyrir sér fullyrðingu sem margir hæðast að, en aðrir hræðast að sé sönn, að geimverur hafi heimsótt jörðina og yfirvöld hylmi yfir tilvist þeirra. 

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Í þessum þætti af Álhattinum kafa þeir félagar Guðjón Heiðar, Haukur Ísbjörn og Ómar Þór ofan í það sem sumir kalla “Minnesota svikamylluna”(e.minnesota scam).  Barnagæsla sem virðist sífellt vera lokuð eða er í það minnsta með gluggum þökktum dökkum dúkum með engin raunveruleg ummerki um börn. Tugir meintra heilbrigðisþjónusta og góðgerðarstofnana, sem eru að öllum líkindum skúffufyrirtæki, skráð til húsa í sömu byggingu. Flutningaþjónusta sem á á pappír að vera burðarás kerfisins, en virðist í raunheimum vera draugafyrirtæki.

En er þetta raunverulega þaulskipulagt samsæri, eða bara kerfisbundin vanhæfni, sem fékk að blómstra og grassera vegna þess að enginn þorði að spyrja spurninga eða benda á að keisarinn væri ekki í neinum fötum?  Hvernig geta milljónir dollara runnið til “þjónustu” sem enginn sér eða veit hvort að er í raun til? Hvernig gat eftirlitið brugðist ítrekað aftur og aftur? Eru þetta einangruð tilvik eða mynstur sem birtist þegar opinbert fé, eftirlitslausir einkaaðilar og veik stjórnsýsla mætast?

Og svo stóra spurningin sem enginn virðist vilja svara, án þess að æsa allt upp: Af hverju virðist umræðan beinast svona oft að sómalska samfélaginu? Er það vegna þess að öll spjót beinast  þangað, eða vegna þess að pólitík og fjölmiðlar kunna að græða á “réttum” sökudólgum? Er þetta kannski allt saman bara kynþáttahyggja og fordómar hvítra miðaldra karla? Hverjir raunverulega græða, hverjir tapa, og hverjir þegja vísvitandi? Og ef þetta er “viljandi” frekar en “óvart” … hverjum þjónar það? Hverjir græða á þessu? Spilltir stjórnmálamenn? Tim Walz?  Stjórnvöld í Sómalíu?

Þetta og svo margt, margt fleira undarlegt og áhugavert í nýjasta þætti af Álhattinum, þar sem strákarnir reyna að átta sig á því hvað í veröldinni sé eiginlega í gangi í Minnesota og spyrja sig þeirrar mikilvægu spurningar hvort að yfirvöld í Minnesota séu viðriðin milljarða dollara svikamyllu í fylkinu, sem stundum hefur verið nefnt Sómalíusvindlið.

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Nýlega birti dómsmálaráðuneyti Bandaríkjanna fjöldan allan af skjölum tengdum viðurstyggðinni og viðrinu  Jeffrey Epstein, vitorðsmönnum hans og viðbjóðnum sem þeir frömdu á eyju hans, í flugvél hans og víðar. 

Fjöldi og umfang yfirstrikana í skjölunum hefur vakið undrun og ugg meðal margra og fólk veltir því fyrir sér hvað sé eiginlega verið að fela og hverja sé verið að vernda. Er einungis verið að verja fórnarlömb eða heldur einhverskonar verndarengill hlífiskildi yfir áhrifamiklum og valdamiklum einstaklingum?

Í þessum nýjasta þætti af Álhattinum, sem er sá fjórði sem fjallar um málefni Jeffrey Epstein, skoða þeir félagar Guðjón Heiðar, Haukur Ísbjörn og Ómar Þór málið út frá hlið sem hefur lengi verið á sveimi en lítið verið tekin alvarlega í meginstraumsmiðlunum. Getur verið að Epstein sé enn á lífi?

Ef skjölin eru birt í nafni gagnsæis, af hverju eru þá heilu kaflarnir þaktir svörtu bleki?. Hvers vegna eru nöfn, tengingar og lykilatriði afmáð úr skjölunum? Hvað veldur því að almenningur fær einungis að sjá síður sem skilja eftir fleiri spurningar en svör?  Og ef þetta er gert til að vernda saklaus fórnarlömb, hvers vegna virðist leyndin fyrst og g fremst  henta þeim sem hafa mestu að tapa við birtingu skjalanna og þeim sem hafa hvað mest að fela?

Hver hefði mestan hag af dauða  Epstein? Hverjir græða mest á eilífri þögn han og því að hann geti aldrei bent á aðra eða dregið viðbjóðinn fram í dagsljósið?. Svo erþað  hin spurningin. Hver hefði hugsanlega hag af því að falsa dauða hans? Var Epstein of hættulegur til að lifa frjáls, en of verðmætur til að vera látinn deyja?

Getur verið að yfirvöld sjálf hefðu hagsmuni af því að láta hann hverfa af sjónarsviðinu. Ekki til að sleppa honum, heldur til að ná utan um málið, rannsaka það án sýnilegs þrýstings og fá hann til að tala á bak við luktar dyr?  Til að byggja mál á þeim sem sátu ofar í keðjunni. En ef svo er, hvað er þá verið að undirbúa og hvers vegna er almenningur látinn horfa á yfirstrikaðar síður í stað yfirgripsmikillar afhjúunnar?

Þetta og svo margt margt fleira í þessum nýjasta þætti af Álhattinum, þar sem þeir félagar kafa ofan í nýju skjölin, yfirstrikanirnar, leyndina og þá skuggalegu spurningu hvort Jeffrey Epstein sé enn á lífi.

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Guðjón Heiðar Valgarðsson, borgarstjóra Samsæríu og Álhatt allra álhatta, þarf vart sérstaka kynningu meðal álhugafólks um samsæri.

Í hugum margra er hann orðinn eins konar samnefnari fyrir samsæri og opinber fulltrúi íslenskra samsærissinna. Maðurinn sem stendur á horninu með gjallarhornið í hendi og reynir að vara grunlausan almenning við öllu því skuggalega sem gerist bakvið tjöldin. 

Hann hefur talað um 11. september, Íraksstríðið, innrásina í Lýbíu, fall Gaddafis, peningakerfið, hlýnun jarðar, covid og óteljandi önnur hitamál sem flestir almennir borgarar kjósa algerlega að hundsa. Allt í nafni þess sem hann kallar réttlæti og sannleiksleit.

Hann var meðal þeirra fyrstu hérlendis sem gagnrýndu samkomutakmarkanir og sóttvarnaráaðgerðir í Covidinu. Hann var með Epstein málið á vörunum áður en almenningur vissi hver sá maður yfir höfuð væri. Hann stóð fremstur í broddi fylkingar í búsáhaldabyltingunni, beitti RÚV þrýstingi til að sýna Zeitgeist Addendum, sem þeir svo gerðu og kastaði snjóbolta í Jón Ásgeir eins og frægt er orðið. Sumum fannst hann táknmynd mótmælanda og anarkista. Aðrir sáu bara ruglaðan gaur með mikinn hávaða. Enn aðrir litu á hann sem athyglissjúkan trúð. 

Svo líður tíminn og eitthvað breytist. Sami maður og áður var áður flokkaður í hóp róttækra stjórnleysingja, þá frekar vinstra meginn línunnar, sem barðist gegn NATO, nýfrjálshyggju og alþjóðlegum valdablokkum er í dag farinn að dásama Donald Trump og Miðflokkinn, auk þess sem hann kallar aðgerðir í loftslagsmálum plott leynilegrar valdaklíku til að ná heimsyfirráðum. Hvað gerðist eiginlega?

Er Guðjón einfaldlega enn eitt skólabókadæmið um gamla síendurtekna sögu,  um ungan róttækan vinstri mann mann sem eldist, þroskast og mýkist í sumu, harðnar í öðru og færist hægt og rólega frá róttæku vinstri yfir í íhaldssamt hægri? 

Er það bara það að svokallaðar samsæriskenningar Trump og Miðflokksins eigi við rök að styðjast og hann sé ennþá, eins og áður bara í einlægri leit að sannleikanum, tilbúinn að standa upp fyrir málsstöðum sem almenningur sér sem óvinsæl eða skammarleg. Eða er eitthvað mun vafasamara og óhugnanlegra í gangi?

Er einhver að stýra Guðjóni á bakvið tjöldin eða er hann sjálfur að spinna psyop á allt samfélagið með því að gera álhatta að samheiti yfir ruglumbull, tóma tjöru og vitleysu. 

Eða erum við einfaldlega að horfa á mann sem hefur alltaf verið eins og hinar meintu nýju skoðanir ekki kúvending heldur ný einfaldlega birtingarmynd eða önnur hlið á sama gamla peningnum?

Í þessum þætti af Álhattinum velta þeir félagar Guðjón Heiðar, Haukur Ísbjörn og Ómar Þór því upp hvort Guðjón sé raunverulegur Álhattur eða undirförull og útsmoginn leppur hulduaflanna (e.psyop). Hvort hann sé ósérhlífinn sannleiksleitandi, sem sannleiksleitin leiddi á þessar óvæntu slóðir eða hvort hann sé búinn að hafa okkur öll að háði og spotti, í einhverju í stærra leikriti, þar sem hann gefur sig út fyrir að vera  „borgarstjóri Samsæríu“ en handritið er í raun skrifað annars staðar á bakvið tjöldin af Skuggavaldinu.

Þetta og svo margt margt fleira áhugavert, undarlegt og skemmtilegt í þessum nýjasta þætti af Álhattinum þar sem þeirri spurningu er velt fyrir sér hvort að Guðjón Heiðar sé í raun  leiksoppur og leppur hulduaflanna(e.Psyop)

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Michael Jackson þarf vart að kynna fyrir nokkrum.. Barnastjarnan úr Jackson 5 sem skein, líkt og Betlehemstjarnan, skærast allra stjarna. Hann skaust fram á sjónarsviðið eins og eldibrandur á barnsaldri og heillaði heimsbyggðina með bræðrum sínum og systrum. 

En þó Jackson 5 nytu hylli almennings þá var það ætíð Michael sem  lýsti upp stjörnuhiminn og þaut um himinskautin líkt og halastjarna.  Hann  tók að endingu alfarið yfir sviðið og varð að stærstu poppstjörnu allra tíma. Sannkallaður og óumdeildur konungur poppsins. 

Thriller, Bad og Dangerous seldust í bílförmum og ruku út allstaðar eins og heitar lummur.  Tónlistarmyndböndin voru stórfengleg og íburðamikil líktog óskarsverðlaunamyndir  og einstakur dansstíllinn mótaði heila kynslóð. Líklega besti söngvari og dansari síons tíma, ef ekki allra tíma Á sama tíma fjarlægðist hann sífellt  hið hefðbundna líf, breyttist gífurlega í útliti og  dvaldist sífellt meira í lokuðum heimi aðdáenda, öryggisvarða og ráðgjafa.

Michael Jackson varð að einhverskonar flókinni blöndu af barnastjörnu, ofurviðkvæmum listamanni og sérlunduðum og mislyndum furðufugl,i sem virtist ekki finna sinn stað í heimi fullorðinna. 

Á móti koma grófar og alvarlegar ásakanirnar og þeir sem setja Jackson í hlutverk geranda. Chandler fjölskyldan sem lýsir kynferðislegri misnotkun, fer fyrst allra til lögfræðings og ræðir um bótaupphæðir áður en lögregla eða barnavernd koma að borðinu. 

Þetta og svo margt margt fleira bæði óhugnalegt og áhugavert í þessum þætti af Álhattinum, þar sem góð vinirnir Guðjón Heiðar og Haukur Ísbjörn aka fyrir þá fullyrðingu að Michael Jackson hafi verið saklaus af ásökunum um barnaníð. Þeir fara vandlega yfir feril hans, persónuleika, Neverland og ásakanirnar sem komu fram á mismunandi tímum, skoða sögurnar frá sjónarhorni meintra fórnarlamba, frá sjónarhorni varnaraðila, lögreglu, fjölmiðla og plötu iðnaðarins. 

Þeir spyrja líkt og alltaf áður hverjir séu að gera hvað, hvernig og hversvegna, og velta vandlega fyrir sér hvað það sé sem styður við sakleysi og hvað styður sekt, án þess að fella endanlegan dóm. Markmiðið Álhattsins er ekki að hreinsa nafn eða hengja mann, heldur að rýna í öll helstu gögn málsins og draga þau fram í dagsljósi því Álhatturinn er alltaf leitandi og alltaf spyrjandi en Álhatturinn fellir aldrei endanlegan dóm. 

HLEKKIR Á ÍTAREFNI:

• https://youtu.be/rCy_wPTW_Ww?si=F8IQ51A6K8udBgUL
• https://youtu.be/yBw-t37co2Q?si=EpcoKze8ER4GSMpA
• https://youtu.be/VC7OT90_nG0?si=N9UvtdwfjDuWFoCx
• https://youtu.be/SRAhsLnhenE?si=rTH1oahyveGJK_mP
• https://youtu.be/4QqoFYwFq9s?si=5N5cX_9MCVHnZGem
• https://youtu.be/-_452akeOkU?si=M1kwc8LFuGjgIDc4
• https://youtu.be/fXf3uXDTRsk?si=x-M4yLzXXeyBBJfS

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Suðurskautið hefur lengi verið sveipað mikilli dulúð og leyndardóm sem vakið hefur forvitni og furðu margra. Þetta ógnarstóra landsvæði sem er að mestu leyti hulið ís er óðafjarri öðrum löndum og svo virðist sem enginn búi á þessu annars gríðarstóra og auðuga landsvæði. 

Þó svo að þó nokkur lönd hafi reynt að gera tilkall til þess að eignast landið virðist svo vera sem að á einhverjum tímapunkti hafi þessi lönd öll sammælst um að ekkert þeirra mætti eiga Suðurskautið og þar mættu einungis útvaldir aðilar dvelja til skamms tíma í rannsóknarskyni. 

Ferðir almennings til Suðurskautsins eru nánast bannaðar eða verulega takmarkaðar og svo virðist sem nánast sé ólöglegt að fljúga yfir tiltekin hluta jökulsins. Þá hafa huldir eða skyggðir blettir af svæði á google maps vakið undrun og forvitni Álhatta og íbúa Samsæríu og velta einhverjir því fyrir sér hvað sé eiginlega verið að fela undir ísnum eða á pólnum sjálfum. Admiral Byrd, sem er alls ekkert skyldur körfubolta manninum Larry Bird, fullyrti að hann hafi séð leynilega hurð eða op inn í gríðar stóran hulinn heim undir ísnum og nýlegar radar myndir staðfesta að svo virðist sem stórt og mikið lífríki og heill heimur með ám, fossum fjöllum og vötnum sé að finna undir ísnum. Þetta hefur enn frekar rennt stoðum undir kenningar álhatta um að ekki sé allt með felldu á Suðurskautinu og að mögulega sé verið að ljúga að okkur um hvað sé þar að finna.

Í þessum síðari hluta Álhattarins um Suðurskautið halda Guðjón Heiðar, Haukur Ísbjörn og Ómar Þór áfram að kafa djúpt ofan í kanínuholu heimskautakenninga og velta því fyrir sér hvort að allt sem að við teljum okkur vita um Suðurskautið sé mögulega bara þvættingur lygi. 

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Það má vera að sumir kunni að halda að Suðurskautslandið sé ekkert annað en auðn, ís og mörgæsir. 

En svo eru til þeir sem trúa því staðfastlega að mikil leyndarmál og heill huliðsheimur sé falin á suðurskautinu og að aðgengi að Suðurpólnum sé jafn takmarkað og það er til þess að fela risastór leyndarmál sem eru talin hættuleg almenningi. 

Huldar stórborgir falinna heimsvelda, gífurlega tæknivæddar herstöðvar eða bækistöðvar nasista og jafnvel heilt samfélag geimvera eða einhverskonar stökkbreytts eðlufólks og elíutunnar er allt sagt að sá mögulega undir ísnum. Svo eru það flatneskjufræðingarnir sem vilja meina að þarna sé ekkert annað en risastór ísveggur eða einhverskonar endimörk jarðarinnar eða alheimsins. 

Nýlegar rannsóknir staðfesta að undir ísnum er heill heimur með ár, vötn og fossa og jafnvel lífríki sem mögulega hefur varðveist í hundruðir ef ekki þúsundir ára. Þá eru vísbendingar um að Suðurskautslandið hafi fyrir þúsundum ára verið skógi vaxið og gróðursælt land þar með gríðarlega fjölskrúðugt og fjölbreytt lífríki. 

Eru einhver þessara dýra enn á lífi undir ísnum, í einhverskonar hindurveröld? Getur virkilega verið að á pólnum sé hurð sem leiðir inn í holrými jarðar? Er allt tal um kjarna, jarðskorpu og möttul kannski bull og jörðin okkar gal tóm að innan? Hvaðan kemur þá hraunið sem vellur upp úr jörðinni á Reykjanesi og hinum eldfjöllunum á Íslandi? Er Eyjafjallajökull kannski bara plat? 

Í þessum nýjasta þætti af Álhattinum kafa þeir félagar Guðjón Heiðar, Haukur Ísbjörn og Ómar Þór djúpt ofan í kanínuholuna og stinga höfðinu á bólakaf í hyldýpi aragrúans af samsæriskenningum er snúa að Suðurskautslandinu. 

Flúðu nasistar til suðurskautsins þar sem þeir búa í velsæld í leynilegum bækistöðvum undir ísnum? Eða er hátæknivætt samfélag háþróaðra geimvera eða eðlufólks eitthvað að brasa og bralla undir ísnum? 

Hversvegna eru svo mörg stórveldi og lönd með herstöðvar og rannsóknarstöðvar á pólnum? Hví er aðgangur almennings takmarkaður og er eitthvað til í því að bannað sé að fljúga yfir suðurskautið og hvað eru yfirvöld þá að fela fyrir almenningi? 

Þetta og svo margt, margt fleira áhugavert í þessum nýjasta þætti af Álhattinum þar sem þeir vinirnir skeggræða þá áhugaverðu samsæriskenningu að allt sem við teljum okkur vita um Suðurskautslandið sé lygi. 

Support the show

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.