នៅ​ក្នុង​ប្រទេស​គុយបា ក្បួន​បាតុកម្ម​ប្រឆាំង​នឹង​រដ្ឋាភិបាល​ត្រូវ​បាន​រៀបចំ​នៅ​កន្លែង​ជា​ច្រើន​នៅ​ទូទាំង​ប្រទេស។ នៅ​តាម​ទីក្រុង​មួយ​ចំនួន ក្បួន​បាតុកម្ម​ត្រូវ​បាន​ក្រុម​បាតុករ​ផ្សព្វផ្សាយ​ដោយ​ផ្ទាល់​នៅ​តាម​បណ្តាញ​សង្គម ដូច​យ៉ាង Facebook ឬ Twitter។ ប្រឈម​នឹង​កំហឹង​របស់​មហាជន​ពេល​នេះ ប្រធានាធិបតី​លោក​មីហ្គែល ឌីយ៉ា កានែល​បែរ​ជា​បាន​ចេញ​មុខ​ការពារ​បដិវត្តន៍ និង​អំពាវនាវ​ឲ្យ​ក្រុម​អ្នកបដិវត្តន៍​ចុះ​ផ្លូវ​ដើម្បី​ប្រឆាំង​នឹង​ពួក​បាតុករ​ដែល​លោក​ចាត់​ទុក​ជា​អ្នក​ប្រឆាំង​បដិវត្តន៍។ ទន្ទឹម​គ្នា​នេះ លោក​ឌីយ៉ា កានែល​បាន​ចង្អុល​មុខ​អាមេរិក​ពី​បទ​នៅ​ពី​ក្រោយ​ក្បួន​បាតុកម្ម​ពេល​នេះ។ តែ​អាមេរិក​បាន​ព្រមាន​លោក​ឌីយ៉ា កានែល​ពី​ការ​ប្រើ​អំពើហិង្សា​ប្រឆាំង​នឹង​ក្រុម​បាតុករ​អហិង្សា។ អ្វី​ទៅ​ជា​ដើមចម​នៃ​ការ​ផ្ទុះ​កំហឹង​របស់​ប្រជាជន​នៅ​ក្នុង​ប្រទេស​គុយបា​ពេល​នេះ?។