នៅ​ក្នុង​ប្រទេស​លីបង់ ព្រឹត្តិការណ៍​បាតុកម្ម​បង្ហូរ​ឈាម​ក្នុង​ថ្ងៃទី១៤ តុលា​បាន និង​កំពុង​រុញ​ប្រទេស​នៅ​តំបន់​ដើមបូព៌ា​មួយ​នេះ​ឲ្យ​ធ្លាក់​ទៅ​ក្នុង​សង្រ្គាមស៊ីវិល​ជា​ថ្មី។ ចំហាយ​សង្រ្គាមស៊ីវិល​ជា​ថ្មី​នេះ​បាន​ជះ​មក ក្រោយ​ពី​មាន​ស្លាប់​សកម្មជន​នៃ​ចលនា​ហេស្បូឡា និង​ចលនា​ឈីអ៊ីត​អាម៉ាល់​ចំនួន ៧នាក់​នៅ​ក្នុង​បាតុកម្ម​ថ្ងៃទី១៤ តុលា។ គឺ​ជា​បាតុកម្ម​ដែល​ចលនា​ទាំង​ពីរ​បាន​រៀបចំ​ឡើង​ដើម្បី​ប្រឆាំង​នឹង​ចៅក្រម​ស៊ើបអង្កេត​លោក​តារេក ប៊ីតា​នៅ​ក្នុង​ករណី​ផ្ទុះ​កំពង់ផែ​ក្រុង​បេរូត​កាល​ពី​ខែ​សីហា ឆ្នាំ ២០២០។ ហេតុអ្វី​បាន​ជា​មាន​បាតុកម្ម​ប្រឆាំង​ចៅក្រម​លោក​តារេក ប៊ីតា និង​ថា តើ​រឿងរ៉ាវ​មួយ​នេះ​មិនមែន​ជា​ចន្លុះ​នៃ​ការ​បញ្ឆេះ​សង្រ្គាមស៊ីវិល​ជា​ថ្មី​នៅ​លីបង់​ទេ ឬ​យ៉ាង​ណា?