Alþjóðakerfinu er mikil hætta búin um þessar mundir segir Erlingur Erlingsson hernaðarsagnfræðingur og ekki síst róa Vladimír Pútin og Donald Trump að því öllum árum að kollsteypa því með valdi og hótunum um beitingu valds og viðskiptaafls. Leiðtogar heims koma saman í litlum skíðabæ í Sviss um þessar mundir og þar ætlar Trump hvergi að hvika frá áformum um innlimun Grænlands.

Þótt almennt sé talið að það sé hagkvæmast að reka stór sveitarfélög og fjölmennari sveitarfélög ættu að geta veitt bestu þjónustuna, sýnir ný könnun að ef íbúafjöldinn fer yfir tuttugu þúsund finnst íbúunum þjónustan fara versnandi.

219 daga rannsókn lögreglu á Edition-málinu er lokið. Það er nú í höndum héraðssaksóknara að ákveða að gefa út ákæru eða ekki. Frönsk kona er í farbanni, grunuð um að hafa banað eiginmanni sínum og dóttur.