Ein Pæling

Að þessu sinni ræða Eyþór, Kristín og Þórarinn samfélagsmiðla. Þau ræða menningarleg, heilsufarsleg og pólitísk áhrif þeirra og spá fyrir um hvernig þetta muni breyta samfélögum um allan heim í náinni framtíð. Rýnt er í gögn um þau geðrænu vandamál sem samfélagsmiðlar virðast auka og hvort rétt sé að, og jafnframt hvort hægt sé að, sporna við síauknum yfirráðum tæknirisanna.

In this episode Þórarinn talks to Lawrence Lessig. Lawrence is a professor at the Harvard School of Law and an adamant fighter for democracy around the world. They discuss how technology is corrupting our minds to benefit financially while simultaneously undermining our democratic institutions. Lawrence gives a brief description of the Icelandic referendum in 2012 for a new constitution, what it meant for Icelandic democracy and Iceland’s unique position in fighting for democracy due to its small population. Finally, they discuss the impeachment of Donald Trump, the Democratic primaries, and the 2020 presidential elections in the United States. Enjoy!

Kristín og Þórarinn fá Þórð Snæ Júlíusson og Jasmínu Crnac með sér í hlaðvarpið til þess að ræða innflytjendur. Þórður er ritstjóri Kjarnans og Jasmína er verkefnastjóri fjölmenningar hjá Mennigarhúsum í Kópavogi og varabæjarfulltrúi í Reykjanesbæ. Farið er yfir efnahagslegar, menningarlegar og samfélagslegar afleiðingar þess að taka á móti innflytjendum. Munurinn milli innflytjenda, flóttamanna og hælisleitanda er skilgreindur og skoðað hvernig sveitarfélög Höfuðborgarsvæðisins taka mismunandi á þessum málum. Rætt er um hvað það sé að vera Íslendingur, rasisma og útlendingahatur, hvernig skuli haga blöndun og aðlögun, og menningarlega árekstra í V-Evrópu undanfarna áratugi.

Eitt þverpólitískt. Þórarinn er einn að þessu sinni en fær til sín góðan gest. Bjarni Halldór Janusson var á sínum tíma yngsti þingmaðurinn til þess að gegna Alþingisembætti og stundar nú framhaldsnám í stjórnmálafræði í Bretlandi. Þórarinn og Bjarni ræða Breskar þingkosningar og hvernig popúlismi hefur haft áhrif á landslag stjórnmálanna í Evrópu. Þeir varpa fram eftirfarandi spurningum: Hafa vinstri flokkar glatað tengslum sínum við verkafólk? Er hugmyndin um upplýstan kjósanda úrelt á tímum tæknibyltingarinnar og falsfrétta? Hvaða áhrif höfðu vandamál Verkamannaflokksins um gyðingahatur á kosningarnar? Í síðari hluta hlaðvarpsins fara Bjarni og Þórarinn út í akademískt frelsi, Ísland, Miðflokkinn og velta því fyrir sér hvort að tengsl akademískra stofnana við fjármagn grafi undan gæðum þeirra.

Sökum veikinda og prófatíðar hefur meðlimum hlaðvarpsins ekki tekist að setjast niður í nokkurn tíma. Eyþór og Þórarinn ákveða því að fá Ívar Elí aftur í heimsókn. Hlaðvarpið er að mestu óundirbúið og tekur á eftirfarandi málefnum:
Neysluhyggju
Loftslagsmálum
Kapítalisma
Afhverju vinstri-flokkar gáfust upp á verkafólki
Kynþáttahatri (Deeyah Khan og Daryl Davis)
Hillary Clinton
Sameiningu pólitískra hópa.

Góða skemmtun.

Í þessu hlaðvarpi setjast Kristín og Þórarinn niður með Þorsteini V. Einarssyni og ræða um karlmennsku. Þorsteinn er forsprakki hugverksins #Karlmennskan sem leitast eftir að brjóta niður kynjaðar staðalímyndir sem samfélagið setur okkur. Kristín og Þórarinn hafa spurningar og leiðir það til áhugaverðrar samræðu um femínisma, karlmennsku, samfélagið, pólitík, aðferðarfræði „vondra/góðra“ femínista og fleira.

Kristín, Þórarinn og Eyþór rökræða bæði kynjakvóta og kvennakvóta. Til þess eru notuð tvö tilvik sem nýverið leituðu í fréttirnar. Annarsvegar er rætt um þegar Íslandsbanki tilkynnti að bankinn myndi koma til með að hætta að auglýsa hjá þeim fjölmiðlum sem ekki hefðu jafnrétti kynjanna á sinni stefnuskrá. Og hinsvegar er rætt um nýja stefnu Samfylkingarinnar um kvennakvóta. Flokkurinn vildi rótfesta þau feminísku markmið sem hann gefur sig út fyrir og töldu flokksmenn að sú hugmynd væri fýsilegri heldur en kynjakvóti.

Hvenær gengur grín of langt?
Í þessu hlaðvarpi fjalla Eyþór, Þórarinn og Ívar Elí um siðferði uppistandara og nota dæmi þess þegar Anna Svava gerði grin að Reykjavíkurdætrum í uppistandi sínu með Birni Braga.

Í þessu hlaðvarpi fjalla Þórarinn, Kristín og Eyþór um Norðurvígi, innflytjandamál og hvað það þýðir að vera Íslendingur.

Stunda Samtökin 78' hatursorðræðu? Í þessu hlaðvarpi ræða Eyþór, Þórarinn og Kristín um tjáningafrelsi. Farið er yfir siðferðislegar spurningar þessa hvar línan eigi að liggja og hvar tjáningafrelsi verður of rúmt. Einnig er talað um andstæðinga Donald Trump, Trigger Warnings, Safe spaces, Kína og sjálfstæðar hugsanir.