Á morgun er liðið eitt frá frá því að eldgos hófst í Geldingadölum. Gosið stóð yfir stóran hluta síðasta árs en engin eldvirkni hefur verið þar síðan seint í haust. Margir lögðu leið sína í Geldingadali til að bera það augum. Kristján sigurjónsson ræðir við Þorvald Þórðarson eldfjallafræðing sem fylgdist grannt með þróun gossins allt frá upphafi.

Og í síðari hluta þáttarins lítum við til Svíþjóðar þar sem framleiðsla vindorkuvera hefur aukist til muna seinustu ár. Nokkurrar andstöðu gætir meðal Svía um þau miklu áform sem uppi eru.

Helstu atriði frétta:

Borgaryfirvöld í Mariupol segja að enginn hafi fallið í sprengjuárás á leikhús, þar sem yfir þúsund manns leituðu skjóls. Forseti Kína sagði við forseta Bandaríkjanna, í samtali um Úkraínu, að stríð sé engum til góðs.

Daglega koma um fimm til tíu börn með covid á Landspítala. Ekki eru öll lögð inn vegna covid, en fjöldi covid-sjúklinga þyngir starfsemina, segir yfirlæknir barnadeildar Landspítalans.

Umhverfis- orku og loftslagsráðherra segir að það komi ekki til greina að fresta loftslagsmarkmiðum vegna afleiðinga stríðsátaka í Úkraínu. Hagsmunir verði vart ríkari en þau áhrif sem loftslagsbreytingar geti valdið.

Eigandi Bjórlands fagnar úrskurði Héraðsdóms Reykjavíkur, sem í dag vísaði frá máli ÁTVR gegn tveimur vefverslunum með áfengi. Hann spáir því að lögum verði breytt innan skamms, frekar en að stjórnvöld fari í hart.

Grásleppusjómenn undirbúa nú vertíð í mikilli óvissu en þeir mega leggja net sín á sunnudag.

Umsjónarmaður: Bjarni Rúnarsson

Tæknimaður: Mark Eldred

Stjórn fréttaútsendingar: Valgerður Þorsteinsdóttir