Einkareknir fjölmiðlar fá styrki úr ríkissjóði til fréttaflutnings og umfjöllunar um samfélagsmál til loka næsta árs. Menntamálaráðherra segir fjölmiðla styrkjast með þessari lagasetningu en þingmenn Miðflokksins og Pírata fordæmdu fjölmiðlafrumvarpið þegar það var samþykkt í dag.

Búið er að fullbólusetja helming fullorðinna Bandaríkjamanna gegn kórónuveirunni.

Japanir hafa framlengt neyðarástand vegna COVID19 til 20. júní. Ólympíuleikarnir eiga að hefjast í Tókýó 23. júlí.

Það þyrfti að ráðast í umfangsmiklar aðgerðir til að verja innviði á Reykjanesskaga vegna eldsumbrota sem búast má við á næstu árum, áratugum og öldum. Verja þarf bæi, orkuver, heita- og kaldavatnslagnir og háspennulínur. Hópursem almannavarnir hafa kallað til, telur að rétt sé að hefjast handa við forvarnir frekar en að bregðast við þegar eldgos er hafið. Ragnhildur Thorlacius sagði frá og talaði við Ara Guðmundsson.

Enn eru ónýttur um háfur milljarður króna vegna ferðagjafarinnar sem staðið hefur öllum eldri en 18 ára til boða frá því í júní í fyrra. Fram til mánudags er mögulegt að nýta og sækja um gjöfina. Á þriðjudag stendur ný ferðagjöf síðan til boða. Arnar Páll Hauksson segir fá.

Eftir nýafstaðnar kosningar til skoska þingsins var Nicola Sturgeon leiðtogi Skoska þjóðarflokksins ekki sein á sér að lýsa yfir að niðurstöðurnar gæfu öðru þjóðaratkvæði um sjálfstæði byr undir báða vængi. Við nánari athugun er spurning hvort svo sé í raun og þá hvernig hún muni taka á flókinni stöðu. Sigrún Davíðsdóttir sagði frá.