glichzitig

okay, achtungachtung, 1000 triggerwarnige, for real! churz vor de feministische demo redemer über kanibalismus, bei statt penis, pädophilie und zebra-fetisch. mier hend euch gwarnt. nochher wirds aber chli agnehmer: mier stellet euch manufucktura vor. es chliunternehme mit coolem name und no coolere sextoys us holz aka. stosshölzer. machet bi de verlosig uf instagram mit zum de schönsti dildo aller dildos gwünne ond schiiiiiiebt euch dieses holz rein! prost und bis bald ihr coole.

selflove, kondom, lohnunglichheit und hetero-privilegie.

kapitalismus isch scheisse, sex ufem chuchitisch isch besser als im bett und d'covid-19 impfig isch eifach nurno geil! i dere folg goht's um: gschlechtskrankheite, schlüpfendi pen1s, sex, d'frauebewegig und klauti velos. e ganz normali glichzitig folg also. pardey hardey! 🍻

übrigens: am 8. juni podcastemer live uf instagram. chömed verbii und stossend mit üs ah: mier freuend üs! 💜

ok luegend liebi grätscher*inne, es isch eso: milena hockt grad 18 stund am tag irgendwie am laptop und probiert, begleitet vo ganz viel panik, das semester z’überläbe, während eva sich mit kanadische behörde umeschloht und di meisti ziit vom tag eifach mit prokrastiniere verbringt. 🥲 was het das alles mit üsere neue folg z’tue? nüt, viellicht bitzli öpis, oder redemer doch ganz viel drüber? mier wüssends nid, okay! mier hend die folg nämli au nonid glost, lol! drum gönned eu ein glichzitig-überraschungs paket, inklusive verlosig vonere livia-mensturations-relief-dings und super leckerem sloegin-roselemonade fizz irgendwas. 🎉

cheers und danke für eure support, ier sind di tollschte!

p.s: au ganz toll (oder sogar no bitzli toller) sind alli wo üs uf patreon supportend: bitzli extra liebi für eu, DANKE! 💜

ier meinend mier hend bis jetzt keis blatt vors muul gnoh? denn schnallend eu ah und spitzed euri öhrli, hüt erreichemer nämli es neus level an intimität – and we love it! geronimos würdend säge TMI, mier sägend: let’s talk ✨menstruation✨! schmerze, durchfall, feststeckendi tampons und natürlich sex. passend dazue gits es glas rotwii. cheers!

kei ahnig, was mier gnau trinket aber es isch uf jede fall besser as tee. 🍸i dere folg bringemer ein fakt nochem andere: de jack und d'anna hürotet. ärsch sind vo nase abglöst worde. d'eva cha ned multitaske, d'milena ned trinke. sprochnochrichte sind kacke. de geronimo söll sini citruscreme für sich bhalte. de johnny depp chan uf züri cho. 🚀 das eifach nur wenigi bispiel vo relevantem wüsse woner asammlet bim lose. und wenner fertig sind, denn slided doch in eusi dm's und gehnd eus 10'000 franke uf patreon. ok? ok! 😘

hello again 👋🏼 do simmer wieder. und mier machet en podcast, oder??! für die folg zeichnet mier eu mol es cover (fanart welcome 🎨): d'eva hockt ufme thron. i ihrem gsicht zwei penis. d'jungfrau milena blickt nebedra abschätzig uf es paar toti tube. i ihrere hand es barbie ohni bei. höch obe am himmel es flugzüg mit zeugen jehovas dinne, wo üs zuezwinkeret. irgendwo im bild stoht en lehrer (het öper lehrer gseit?) mit eme künstliche gebiss. chönders eu öpe vorstelle? es isch würkli weniger düster, als was es jetzt tönt – aber loset selber, iehr coole! 💜

jo, mier trinkend tee. ohni jägermeister. es isch leider ned andersch gange. us gründ 😇und mier redet au ned einisch über sex. who are we??? trotzdem gemmer eu wieder mol alles vo eus: tips fürd generation z (wil mier jo soooo viel älter und soooo viel weiser sind, joke!), s'rezept für schlechti drinks und ganz viel fakte, wie zum bispiel: wenn stei flüssig wäret, hätt d'schwiiz s'frauestimmrecht scho länger. ier wennd üs au öpis zrug geh? denn bitte en schaukelstuehl und e graui perücke. mier bruched das. au us gründ. viel spass mit üsere 10te (!!!) folg! 💜

folg nr. 9 mit verlosig nr. 1 💜 ehr kennet eus: mer send wedermol fokussiert, strukturiert und vorbereitet. d milena vergisst ab und zue s podcaste und winkt lieber frömde lüüt zue. deför verzellt euch d eva es seeehr unterhaltsams bispel vo mansplaining. usserdem gohts um katholischi partyskills (mer send anti), intrusive thoughts (mer send pro) und sex mit socke (chonnt drufa) 🧦 oh, und gehnd eus bitte chli liebi. mer hend müesse en balke über eusi tolle logo-boobies haue und send biz traurig. anyway, vell glöck bi de verlosig, luisa, de matte sloe gin isch de wahnsinn 😍

froge über froge. wer findet schwein herziger? wer ignoriert ihri biologisch uhr meh? wer ritet öfters uf adler? wer isch dubai? wer würd eher polygam lebe, wer sich en nodle dur ihri klitoris steche oder bimne bollywood-film mitmache? das send dasmol d froge vom no niiiiie gspellte trinkspiel „wer im raum“. ✨ schnappet euch en negroni und rotet mit ihr legend*inne! und übrigens. falls ihr eu gfrogt hend wie de geronimo sin alltag und sis badzimmer so gstaltet - mer verrotets eu usführlich i dere folg. spitzet euri feministische ohre, es wird guet. und slided wie immer in üsi dm's, mier liebets wenner das machet! 💜