glichzitig

kenneder lüüt wo stolz ere fisch-fang im profilbild präsentieret? und settig wo en bmw, deför kei humor hend? oder settig wo dech uslachet well du inklusiv redsch? weg all dene hend mier en neui wunsch-zauberchraft: chotze uf abruef 🤮 i dere folg spielet mier truth or drink, mier rotzet und mier reded i de tele-züri stimm. ah, und well mier euch so fest gern hend (🥰), hend mier extra für euch untersuecht, öb sech chat-roulette i de legste 15 johr gänderet het. spoiler alert: nei. slided in dm’s met euchem neue lieblingshashtag #militärfisch! 💜

also nachdem mier die folg jetzt nomol glost hend müemer sege: vilecht settemer s nöchst mol wieder meh über feminismus und weniger über sex rede. aber jetzt esch sie halt do. another sex-folg 🤷🏼‍♀️deför nehmed mier euch während em lockdown uf paar reise mit 🌴 ihr erfahret zum bispiel wie d milena vo super-mario-köpf i de philippine traumatisiert worde isch und werom d eva uf de azore es taubs gsicht becho het. viel spass und muchos lovos! 💜

nochere intensive wuche müemer trinke. viel 🍻 nebem gin gohts hauptsächlich um intimrasur. das thema füehrt üs denn logischerwiis zu demos, boomers und em papst. d'milena rastet mol kurz no völlig us, d'eva singt eu defür öpis vor. am schluss merkt mer eventuell viellicht es chlises bizli dass mer allefalls betrunke sind. aber psssssst 🤫 viele dank, danke, team trimmt (und jetzt drück uf de abonnieren-knopf GERONIMO!) 💜

die folg isch biz andersch. mier redet ned einisch über toti tier, s wort „grätsche“ fallt selte, mier sind ned wökli lustig und lachend verhältnissmässig wenig. dafür redemer über politik und dr. martens 🛼 zuesätzlech bechömed ihr ganz viel tipps: sind anti-rassistisch, redend mit eurne eltere, zahlend üs für workshops und gäbend im Blocher kei fuessmassage 🙅🏼‍♀️ Und ja, mier hend üs imene messie-cheller boobie tattoos uf de arm tattowiere loh. simmer stolz druf? scho chli, lol. danke fürs lose und tschössssssss (gflüsteret) 💜

jap, ehr hend rechtig gseh: mer trenket tatsächlech mal ned aperol spritz. 🍻es gaht au bi dere folg weder um ganz vell. obwaldner traditione, multipli orgasme, nacktwandere, vulvafotis, heavy metal, d angelika, sexflüüge und toti fisch 🐠 d hauptrolle het neb de eva, wo horny af isch (and it shows) und de milena, wo im martin ned möcht ufs gsecht kacke (danke, velle dank) vor allem eine: de felix lobrecht. 🔥es werd also wedermol wirr. aber guet. gönnet euch. und schecket konstruktivi kriketikik. mer schicket euch deför liebi und postkarte! 💜

het huupe scho jemals zu sex gführt? werum kotzt d milena uf ihres natel? Und wievell nacktfötelis verschickt d eva pro tag? all das erfahreter i üsere zweite folg. ✨ d regle fürs trinkspiel esch übrigens: mir trinket eifach immer, wenn mir redet. machet gern mit 💜

üsi erschti folg, wohoo! mit viel aperol spritz, gschichte us üsere kindheit und en grosse preach an üsi mamis. cin cin! 🥂

p.s: folgend üs gern uf instagram, mir freued eus uf eues feedback! 💜