Rannsókn á máli tveggja manna sem grunaðir eru um að leggja á ráðin um hryðjuverk er lokið. Nú er í höndum saksóknara að ákveða hvort ákæra verði gefin út.

Á þriðja tug fangaklefa hafa staðið ónotaðir vegna rekstrarvanda Fangelsismálastofnunar. Forstjóri stofnunarinnar áætlar að hægt verði að fullnýta fangelsin á næsta ári.

Mikið traust hefur ríkt milli oddvita stjórnarflokkanna frá fyrsta degi þar sem tekist hefur verið á um mörg krefjandi verkefni. Þetta segir forsætisráðherra sem útilokar ekki hrókeringar milli embætta.

Tækjabúnaður kínverska fyrirtækisins Huawei verður áfram notaður til innviðauppbyggingar á Íslandi þrátt fyrir bann Bandaríkjanna á vörur fyrirtækisins. Iðnaðarráðherra segir Bandaríkjamenn ekki hafa beitt stjórnvöld þrýstingi.

Veður er óvenjumilt þennan veturinn. Golfarar á Akureyri spókuðu sig á Jaðarsvelli í blíðunni í dag. Veðurfræðingur segir stefna í hlýjan vetur.

-------

Það er ekki margt sem bendir til þess að það sé 1. desember á morgun. Snjór hefur varla sést víðast hvar á landinu það sem af er vetri. Ef hann hefur fallið hefur hann horfið tiltölulega fljótt úr byggð hið minnsta. Hlýindin hafa verið mikil, og til að mynda var spáð að hiti færi yfir 13 stig á stöku stað norðanlands í morgun. Bjarni Rúnarsson ræddi við Theodór Frey Hervarsson um þetta óvenjulega tíðafar.

Breytingar á flokkun og endurvinnslu kalla á að allir taki þátt, segir Eygerður Margrétardóttir sérfræðingur Sambands Íslenskra sveitarfélaga í umhverfis- og úrgangs málum og það á eftir að koma betur í ljós hvað áhrif kerfi sem tengir gjald og magn sorps hefur. Við höldum áfram umfjöllun um fjórflokkun sorps sem gengur í garð á höfuðborgarsvæðinu um áramótin. Flokka verður sundur lífrænan úrgang, pappír, plast og svo annað rusl. Þetta verða miklar og kerfisbundnar breytingar segir Eygerður og sveitarfélögin eru mislangt á veg komin að mæta þeim. Anna Kristín Jónsdóttir tók saman.

Aðalfréttin á býsna mörgum frönskum fréttavefjum var í morgun um upphefð snittubrauðsins eða langbrauðsins sem í daglegu tali kallast baguette í Frakklandi og reyndar víðast hvar um hinn vestræna heim. Menningar- og vísindastofnun Sameinuðu þjóðanna UNESCO hefur tilkynnt að brauðinu góða verði bætt á menningarminjaskrá stofnunarinnar. Með í kaupunum fylgir lífsstíllinn sem fylgir bagettunni, svo sem hvar hún er keypt, borin heim og borðuð.Það hlotnast sem sagt ekki öllum frönskum snittubrauðum sá heiður að komast á menningarminjaskrána. Þau sem eru framleidd í verksmiðjum og seld í stórmörkuðum eru forsmáð og útilokuð. Bakarísbrauðin