Þegar Þorsteinn Magnússon, dómari við Héraðsdóm Reykjavíkur, felldi í gær úr gildi virkjanaleyfi Hvammsvirkjunar má segja að nýr kafli í nærri þriggja áratuga sögu þessarar framkvæmdar hafi verið skrifaður. Þetta var í fyrsta skipti sem virkjanaleyfi var fellt úr gildi með dómi og í fyrsta skipti þar sem látið var reyna á lög um stjórn vatnamála fyrir dómi.

Og prófessor í umhverfisrétti við Háskóla Íslands telur að full þörf sé á að endurskoða lög um stjórn vatnamála, þau hafi gilt frá 2011 en oft á tíðum hafi gleymst að fara eftir þeim.

„Í þrjú ár hafa Vesturlönd sameinast um að veita því landi, sem greiðir frið okkar og frelsi dýru verði, eins mikla fjárhagsaðstoð og þau mögulega geta. En fyrir eitt land öðrum fremur hefur skelfilegt hlutskipti Úkraínumanna og sundursprengt land þeirra reynst uppspretta stjarnfræðilegra tekna fyrir ríkiskassann. Og það land er Noregur!“ Þannig hefst leiðari danska blaðsins Poltiken á þriðjudaginn var, skrifaður af ritstjóranum Christian Jensen sem dregur hvergi undan. Ævar Örn Jósepsson fjallar um deilur Dana og Norðmanna.