പലതാണിന്ന് പ്രധാനവാര്‍ത്തകള്‍. മുനമ്പം ജുഡീഷ്യല്‍ കമ്മീഷന്റെ പരിഗണനാ വിഷയങ്ങള്‍ തീരുമാനിച്ചതുണ്ട്. മനോരമയില്‍ അതാണ് ലീഡ് വാര്‍ത്ത. വിഴിഞ്ഞത്തെ വരുമാനം സംബന്ധിച്ച് അദാനിയുമായി കരാറായതുണ്ട്. മാതൃഭൂമി അതാണ് ലീഡാക്കിയത്. ബിരുദ പഠന കാലയളവ് കൂട്ടുകയോ കുറയ്ക്കുകയോ ചെയ്യാന്‍ സൗകര്യമേര്‍പ്പെടുത്തിയതുണ്ട്. മാധ്യമത്തില്‍ അതാണ് ലീഡ്. ക്ഷേമ പെന്‍ഷന്‍ തട്ടിപ്പ് ചെറിയകളിയല്ല എന്ന് എല്ലാ പത്രങ്ങളും പറയുന്നുണ്ട്. കേരള കൗമുദിയും ദീപികയും അതാണ് ലീഡാക്കിയത് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

നിരാലംബർക്കും നിസ്സഹായാർക്കുമായി നൽകുന്ന ക്ഷേമപെൻഷൻ ഗസറ്റഡ് ഓഫീസർമാർ അടക്കമുള്ള സർക്കാർ ജീവനക്കാരും കൈപ്പറ്റുന്നു എന്നതാണ് ഇന്നത്തെ പ്രധാന വാർത്ത. സ്വന്തം ക്ഷേമം സിന്ദാബാദ് എന്നാണ് മാതൃഭൂമിയുടെ തലക്കെട്ട്. കയ്യിട്ടുവാരല്ലേ എന്ന് മലയാള മനോരമ. കയ്യിട്ടുവാരൽ എന്ന് ദീപിക... എല്ലാത്തിലും സർക്കാർ ഉദ്യോഗസ്ഥരുടെ തൊലിയുരിക്കുന്ന കാർട്ടൂണുകളുമുണ്ട്. ക്ഷേമ പെൻഷനിലും കയ്യിട്ടുവാരി എന്ന് കോൺഗ്രസിന്റെ വീക്ഷണവും ക്ഷേമപെൻഷൻ തട്ടിയെടുത്ത് സർക്കാർ ഉദ്യോഗസ്ഥരും എന്ന് ബിജെപിക്കാരുടെ ജന്മഭൂമിയും. എന്നാൽ ദേശാഭിമാനി ഈ വാർത്തയിലും സർക്കാർ അനുകൂല കോൺ കണ്ടെത്തിയിട്ടുണ്ട്. വെട്ടിപ്പ് പുറത്തായത് സർക്കാർ പരിശോധനയിൽ എന്ന്....

| Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

പണി നടക്കുന്ന റോഡിൽ, അടച്ചിട്ട ഭാ​ഗത്ത് കിടന്നുറങ്ങിയവർക്ക്

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

രാജ്യത്തിന്റെ നട്ടെല്ലായ നമ്മുടെ ഭരണഘടനക്ക് 75 വയസ്. മതേതരത്വവും സോഷ്യലിസവും ഭരണഘടനയുടെ ആമുഖത്തിൽ നിന്ന് ഒഴിവാക്കണമെന്ന ആവശ്യം സുപ്രീം കോടതി തള്ളി. ഭരണഘടനയുടെ ജൻമദിനാഘോഷത്തിന് ഒന്നാം പേജ് പൂർണമായും സമർപ്പിച്ചുള്ള ഡിസ്‌പ്ലേയാണ് മലയാള മനോരമയിൽ. മാതൃഭൂമി, ദേശാഭിമാനി ഉൾപ്പെടെ ഒട്ടുമിക്ക പത്രങ്ങൾക്കും ഇന്നത്തെ ലീഡ് ഇതുതന്നെ. സംഭൽ പൊലീസ് വേട്ടയിൽ മരണം അഞ്ചായതും, പാലക്കാട് തോൽവിയെത്തുടർന്നുള്ള ബി.ജെ.പിയിലെ പൊട്ടിത്തെറിയും, പെർത്ത് ടെസ്റ്റിലെ ഇന്ത്യയുടെ ചരിത്രവിജയവും ഉൾപ്പെടെ അറിയാൻ ഏറെയുണ്ട് ഇന്നത്തെ പത്രങ്ങളിൽ |കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഉത്തർപ്രദേശ് സംഭൽ ശാഹി ജമാ മസ്ജിദ് സർവേക്കിടെയുണ്ടായ സംഘർഷവും മുന്നുപേർ കൊല്ലപ്പെട്ടതുമാണ് പത്രങ്ങളിൽ ഇന്നത്തെ പ്രധാന വാർത്ത. ഇന്ത്യൻ പ്രീമിയർ ലീഗ് താരലേലത്തിൽ ചരിത്രത്തിലെ ഏറ്റവും വിലയേറിയ താരമായി ഋഷഭ് പന്ത് മാറിയത് മിക്ക പത്രങ്ങളിലും ഒന്നാംപേജിലുണ്ട്. റോഡിന് കുറുകെ കെട്ടിയ കയർ കഴുത്തിൽ തട്ടി തിരുവല്ലയിൽ ബൈക്ക് യാത്രികൻ മരിച്ച വാർത്തയും പ്രാധാന്യത്തോടെ പത്രങ്ങളിലുണ്ട്. ജാർഖണ്ഡിൽ ഹേമന്ദ് സോറൻ സത്യപ്രതിജ്ഞക്കൊരുങ്ങുമ്പോൾ മഹാരാഷ്ട്രയിൽ ആര് മുഖ്യമന്ത്രിയാകുമെന്നതിൽ സസ്പെൻസ് തുടരുകയാണ്..

കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

തെരഞ്ഞെടുപ്പ് ഫലവും അതിന്റെ വിശകലനവും തന്നെയാണ് ഇന്ന് പത്രങ്ങളിൽ പ്രധാന വിഭവം.

ഹാപ്പിയല്ലേ? എല്ലാവർക്കുമുണ്ട് എന്തെങ്കിലുമൊക്കെയെന്ന് മലയാളമനോരമ തലക്കെട്ട്. മനം മാറാതെ എന്നാണ് മാതൃഭൂമി ലീഡ്. മഹാരാഷ്ട്രയിലും ജാർഖണ്ഡിലും ഭരണത്തുടർച്ച, വയനാടും, പാലക്കാടും, ചേലക്കരയിലും വിജയത്തുടർച്ച എന്ന് സൂചിപ്പിക്കുകയാണ് തലക്കെട്ട്. യു.ഡി.എഫിന് പ്രിയ കേരളം, ഇടതുചേലിൽ ചേലക്കര എന്ന് മാധ്യമം. ചേലോടെ മുന്നോട്ട് എന്നാണ് ചേലക്കരയിലെ വിജയം ഉയർത്തി ദേശാഭിമാനി തലക്കെട്ട് നൽകിയത്. അതേസമയം മഹാരാഷ്ട്രയിലെ വിജയമാണ് 'മഹാജയം'എന്ന തലക്കെട്ടോടെ ജന്‍മഭൂമിയിലെ പ്രധാനവാർത്ത.. നേരത്തെ സൂചിപ്പിച്ചതുപോലെ എല്ലാവർക്കും ആശ്വസിക്കാൻ വകനൽകുകയാണ് തെരഞ്ഞെടുപ്പുഫലം.

കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുനമ്പം വഖഫ് ഭൂമി വിഷയം പരിഹരിക്കാൻ സർക്കാർ ജുഡീഷ്യൽ കമ്മീഷനെ നിയമിക്കാൻ തീരുമാനിച്ചതും കൈവശക്കാരെ ഒഴിപ്പിക്കില്ലെന്നും നോട്ടീസിൽ തുടർനടപടി ഇല്ലെന്നതുമാണ് ഇന്ന് മിക്ക പത്രങ്ങളുടെയും ലീഡ് വാർത്ത. യു.എസ് കോടതി അറസ്റ്റ് വാറന്റ് പുറത്തിറക്കിയിട്ടും അദാനിക്കെതിരെ ഒരു നടപടിയും കേന്ദ്രസർക്കാർ സ്വീകരിക്കാത്തതും മനോരമ ഒഴികെയുളള പത്രങ്ങൾ ഒന്നാം പേജിൽ നൽകി. സാഹിത്യകാരനും നാടകകൃത്തുമായ ഓംചേരി എൻ.എൻ പിളള അന്തരിച്ചതാണ് മലയാള പത്രങ്ങളിലെ ഒന്നാംപേജിലുളള മറ്റൊരു പൊതുവാർത്ത. തെരഞ്ഞെടുപ്പ് ഫലം വരുംമുൻപെ മഹാരാഷ്ട്ര റിസോർട്ട് രാഷ്ട്രീയത്തിന് ഒരുങ്ങുന്നത് മലയാള മനോരമക്ക് സൂപ്പർ ലീഡാണ് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

അഴിമതിക്കേസിൽ അദാനിക്ക് അമേരിക്കയിൽ അറസ്റ്റ് വാറണ്ട് പുറപ്പെടുവിച്ചതാണ് ഇന്നത്തെ പ്രധാനവാർത്തകളിൽ പ്രധാനം. ഏതാണ്ടെല്ലാ പത്രങ്ങളും ആ വാർത്ത പ്രധാന്യത്തോടെ വിന്യസിച്ചിട്ടുണ്ട്. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന് അന്താരാഷ്ട്ര ക്രിമിനൽ കോടതി അറസ്റ്റ് വാറന്റ് പുറപ്പെടുവിച്ച വാർത്തയുണ്ട്. മാധ്യമം ആ വാർത്ത സൂപ്പർലീഡാക്കിയിട്ടുണ്ട്. കേരളത്തിലാണെങ്കിൽ പഴയ ഭരണഘടനാവിരുദ്ധ പ്രസംഗം മന്ത്രി സജി ചെറിയാനെ തിരിഞ്ഞുകുത്തിയതുണ്ട്. അങ്ങനെ പല പ്രധാനപ്പെട്ട വാർത്തകളുമുളള ദിവസമാണിന്ന്‌ | Spotify | Apple Podcast | Amazon Music | Mediaone Podcast

ജനവിധി കഴിഞ്ഞു. ശനിയാഴ്ച ഫലം വരും വരെ കൂട്ടിക്കിഴിക്കലുകളുടെയും പ്രവചനങ്ങളുടെയും സമയമാണ്. പാലക്കാട്ടെ പോളിങിലെ കുറവും, മഹാരാഷ്ട്രയിലെയും ജാർഖണ്ഡിലെയും എക്സിറ്റ്പോൾ പ്രവചനവും പത്രങ്ങളുടെ ആദ്യപേജിൽ തന്നെയുണ്ട്.

ഇനി നെഞ്ചിടിപ്പ് എന്ന തലക്കെട്ടിൽ തെരഞ്ഞെടുപ്പ് 'മാധ്യമം' ദിനപത്രം ലീഡ് ആക്കി. അർജന്റീന ടീമിനൊപ്പം കേരളത്തിലേക്ക് മെസ്സിയും വരുമെന്ന കായിക മന്ത്രിയുടെ പ്രഖ്യാപനം പത്രങ്ങൾ പ്രാധാന്യത്തോടെ നൽകി. വൻകിട സംരംഭങ്ങൾക്കായി കേരളത്തിൽ പ്രത്യേക നിക്ഷേപ മേഖലകൾ രൂപീകരിക്കാൻ നിയമം വരുന്നു എന്നതാണ് മലയാള മനോരമ ലീഡ്. ബ്രാൻഡിങിന് വഴങ്ങിയിട്ടും കേരളത്തിന് കേന്ദ്രം വായ്പ അനുവദിക്കാത്തതാണ് മാതൃഭൂമിയിൽ പ്രധാന വാർത്ത. നമുക്ക് വിശദമായി പരിശോധിക്കാം.... | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം , മീഡിയവൺ

പാലക്കാട് ഉപതെരഞ്ഞെടുപ്പിൽ വോട്ടർമാർ പോളിങ് ബൂത്തിലേക്ക് നീങ്ങുമ്പോൾ, നിശബ്ദ പ്രചാരണദിനത്തിലെ പരസ്യവിവാദമാണ് എല്ലാ പത്രങ്ങളുടേയും ഒന്നാംപേജിൽ ഇടംപിടിച്ച വാർത്ത. പരസ്യമായി പലനിറം- പത്രങ്ങളുടെ സ്വഭാവമനുസരിച്ച് വ്യത്യസ്ത ഉള്ളടക്കം എന്നാണ് മലയാള മനോരമ നൽകിയ തലക്കെട്ട്. മഹാരാഷ്ട്രയിൽ വോട്ടെടുപ്പ് തലേന്ന് ബിജെപി നേതാവിൽ നിന്ന് കള്ളപ്പണം പിടിച്ച വാർത്തയ്ക്കും പത്രങ്ങൾ പ്രാധാന്യം നൽകി. 'ശ്വാസം കിട്ടാതെ ഡൽഹി- കൃത്രിമമഴ വേണമെന്ന് ആവശ്യം' എന്നാണ് മാധ്യമത്തിന്റെ ഇന്നത്തെ ലീഡ്. വീടുകളിൽ കെഎസ്ഇബി സ്മാർട് മീറ്റർ ഇപ്പോൾ പരിഗണിക്കേണ്ടെന്ന റെഗുലേറ്ററി കമ്മിഷൻ നിലപാടാണ് മാതൃഭൂമി ലീഡ് വാർത്ത. അണ്വായുധ നയം തിരുത്തി റഷ്യ യുക്രൈന് നൽകിയ മുന്നറിയിപ്പ് പത്രങ്ങളിലെ പ്രധാന രാജ്യാന്തര വാർത്തയാണ് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം | സീനിയർ ന്യൂസ് എഡിറ്റർ ജയപ്രകാശ്. എം, മീഡിയവൺ