ഇന്ന് പത്രങ്ങൾക്ക് ലീഡ് വാർത്തകൾ പലതാണ്. സിറിയയിലെ സംഭവ വികാസങ്ങളാണ് മാധ്യമത്തിൻ്റെ പ്രധാന വാർത്ത. സിറിയയിൽ ഇസ്രായേൽ കൈയേറ്റം എന്ന് തലക്കെട്ട്. മുണ്ടക്കൈ പുനരധിവാസത്തിൽ ഉൾപ്പെടെ കേന്ദ്രത്തിനെതിരെ മുഖ്യമന്ത്രി ആഞ്ഞടിച്ചതും, സ്മാർട് സിറ്റിയിലെ വിശദീകരണവും പത്രങ്ങളുടെ ഒന്നാം പേജിലുണ്ട്. പമ്പ-അച്ചൻകോവിൽ- വൈപ്പാർ നദീസംയോജന പദ്ധതി - കേരളത്തോട് വീണ്ടും ജലച്ചതി എന്നാണ് മാതൃഭൂമി ലീഡ്. പി.ആർ പ്രവർത്തനങ്ങൾക്ക് പബ്ലിക് റിലേഷൻസ് വകുപ്പിനെ മാത്രമേ ആശ്രയിക്കാറുള്ളൂ എന്ന മുഖ്യമന്ത്രിയുടെ വാദത്തെ ഖണ്ഡിച്ച് പി.ആർ.ഡിക്കും പി.ആർ എന്ന വാർത്ത പുറത്തു കൊണ്ടു വരുന്നു മലയാള മനോരമ. പത്രത്താളുകളിലേക്ക് വിശദമായി...| കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ പുനരധിവാസത്തിൽ സർക്കാറിനെ ഹൈക്കോടതി രൂക്ഷമായി വിമർശിച്ചതാണ് പത്രങ്ങളുടെ ഇന്നത്തെ ലീഡ് വാർത്ത. ആരെയാണ് നിങ്ങൾ വിഡ്ഢികളാക്കുന്നത് എന്ന് മലയാള മനോരമ. കണക്കില്ല കണക്കിന് കിട്ടിയെന്ന് മാതൃഭൂമി. വയനാട് ദുരന്തബാധിതരെ അപമാനിക്കരുത് എന്ന് മാധ്യമം. മാർ ജോർജ് കൂവക്കാട് കർദിനാളായി അഭിഷിക്തനായ വാർത്തയും പത്രങ്ങൾ പ്രാധാന്യത്തോടെ നൽകി. ആരാധനാലയ നിയമം റദ്ദാക്കണമെന്ന ഹരജികളിൽ 12ന് ചീഫ് ജസ്റ്റിസിൻ്റെ നേതൃത്വത്തിലുള്ള പ്രത്യേക ബഞ്ച് വാദം കേൾക്കും എന്നതാണ് മറ്റൊരു പ്രധാന വാർത്ത. സിറിയൻ വിമതർ ഡമസ്കസിന് അടുത്തെത്തിയതും ദക്ഷിണകൊറിയൻ പ്രസിഡൻ്റിനെ പുറത്താക്കാനുള്ള നീക്കം പരാജയപ്പെട്ടതും ഉൾപ്പെടെ അന്താരാഷ്ട്ര വാർത്തകളും നിരവധിയുണ്ട് പത്രങ്ങളിൽ നമുക്ക് വിശദമായി പരിശോധിക്കാം... | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

വൈദ്യുതി നിരക്ക് വർധന തന്നെയാണ് പത്രങ്ങളുടെ പ്രധാന ലീഡ്. ഒന്നൊര അടിയെന്ന് മാധ്യമം, തുടർഷോക്കെന്ന് മാതൃഭൂമി, വൈദ്യുതാഘാതമെന്ന് മംഗളം, കരണത്തടിയെന്ന് ദീപിക. ഏഴ് റോഡുകൾക്ക് അംഗീകാരമെന്നതാണ് ദേശാഭിമാനി ലീഡെങ്കിലും ഒന്നാംപേജിൽ തന്നെ വൈദ്യുതി യൂണിറ്റിന് 16 പൈസ കൂടിയ വാർത്തയുണ്ട്. വയനാട് ദുരന്തത്തിൽ കണക്കുകൾകൊണ്ട് ആശയക്കുഴപ്പമുണ്ടാക്കരുതെന്ന് സർക്കാരുകളെ ഹൈക്കോടതി വിമർശിച്ചതും കേന്ദ്രത്തിന്റെയും കേരളത്തിൻറെയും ആരോപണ പ്രത്യാരോപണങ്ങളും മാധ്യമം ഉൾപ്പെടെ മൂന്നുപത്രങ്ങളുടെ ഒന്നാംപേജ് വാർത്തയാണ്. മുണ്ടക്കൈ ദുരന്തത്തിൽ മരിച്ച മൂന്നുപേരെക്കൂടി തിരിച്ചറിഞ്ഞു. വടകരയിൽ ദൃഷാനയെയും മുത്തശ്ശിയെയും ഇടിച്ചിട്ട് കടന്ന കാർ ഒൻപത് മാസത്തിന് ശേഷം കണ്ടെത്തി. സീബ്ര ലൈനിൽ ബസുകൾക്കിടയിൽ കുടുങ്ങി ബാങ്ക് ഉദ്യോഗസ്ഥൻ മരിച്ചു.. ദിലീപ് വിഐപിയോ എന്ന കോടതിയുടെ ചോദ്യമുൾപ്പെടെ പറയാൻ ഏറെയുണ്ട് പത്രങ്ങളിൽ..| കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

സ്മാർട്ട് സിറ്റി പദ്ധതിയിൽ നിന്ന് ദുബായ് കമ്പനിയെ ഒഴിവാക്കുമ്പോൾ നഷ്ടപരിഹാരം നൽകാനുള്ള മന്ത്രിസഭാ തീരുമാനം വിവാദമായതാണ് മിക്ക പത്രങ്ങളുടെയും ഇന്നത്തെ ലീഡ്‌. ഓവറാണ്, സ്മാർട്ടല്ല എന്ന് മലയാള മനോരമയിലെ തലക്കെട്ട്. നഷ്ട്ടപരിഹാരം വെറുതെയോ എന്ന് മാതൃഭൂമി. ഓവർ സ്മാർട്ട് നഷ്ടപരിഹാരം എന്ന് മാധ്യമം. നഷ്ടം നാടിന് , ലാഭം ദുബയ് കമ്പനിക്ക് എന്ന് മംഗളം. വിമാന നിരക്ക് കൂട്ടാൻ ഒരു മാസം മുൻപ് അറിയിക്കണമെന്ന വ്യോമയാന മന്ത്രിയുടെ നിർദേശവും മാതൃഭൂമി പ്രധാന വാർത്തയാക്കി. കാസർകോട് ഒരു വർഷം മുൻപ് മരിച്ച പ്രവാസിയുടെ മരണം കൊലപാതകമെന്ന് തെളിഞ്ഞതും , മന്ത്രവാദിനി ഉൾപ്പെടെ 4 പേർ അറസ്റ്റിലായതും പത്രങ്ങളിലുണ്ട്. പ്രോബ 3 ISRO വിജയകരമായി വിക്ഷേപിച്ചത് ഉൾപ്പെടെ അറിയാൻ ഏറെയുണ്ട് പത്രത്താളുകളിൽ. നമുക്ക് വിശദമായി പരിശോധിക്കാം.. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഇരുപത് വർഷത്തിന് ശേഷവും എങ്ങുമെത്താത്ത കൊച്ചി സ്മാർട്ട് സിറ്റി പദ്ധതിയിൽ നിന്ന് നടത്തിപ്പുകാരായ ടീകോമിനെ ഒഴിവാക്കുന്നു എന്നതാണ് ഇന്നത്തെ പ്രധാനവാർത്ത. സംഭലിലേക്ക് പുറപ്പെട്ട പ്രതിപക്ഷ നേതാവായ രാഹുൽഗാന്ധിയെ വഴിയിൽ തടഞ്ഞതുണ്ട്. അകാലിദൾ നേതാവ് സുഖ്ബീർ സിംഗ് ബാദലിന് നേരെ സുവർണക്ഷേത്രത്തിൽ വെച്ച് വെടിവെപ്പ് നടന്നതുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ബാങ്കിങ് നിയമഭേദഗതി ബിൽ ലോക്സഭ പാസാക്കിയതാണ് മാതൃഭൂമിയുടെ ഇന്നത്തെ ലീഡ്. ആലപ്പുഴ വാഹനാപകടത്തിൽ മരിച്ച അഞ്ച് വിദ്യാർഥികൾക്ക് നാട് യാത്രാമൊഴി നൽകിയത് 'കണ്ണീർ കായൽ' എന്ന തലക്കെട്ടിൽ മാധ്യമത്തിൽ. മറ്റുപത്രങ്ങളുടെ ഒന്നാം പേജിലുമുണ്ട് ഈ വാർത്ത. തർക്കത്തിലുള്ള ആറ് പള്ളികൾ യാക്കോബായ സഭ ഓർത്തഡോക്സ് വിഭാഗത്തിന് കൈമാറണമെന്ന സുപ്രിംകോടതി വിധിയാണ് പത്രങ്ങളിലെ മറ്റൊരു പ്രധാനവാർത്ത. തിരുവനന്തപുരത്ത് രണ്ടരവയസുകാരിയുടെ ജനനേന്ദ്രിയത്തിൽ മുറിവേൽപിച്ച മൂന്ന് ആയമാർ അറസ്റ്റിലായതും പത്രങ്ങൾ പ്രാധാന്യത്തോടെ നൽകി | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ആലപ്പുഴയിൽ കാറും ബസ്സും കൂട്ടിയിടിച്ച് 5 മെഡിക്കൽ വിദ്യാർഥികൾ മരിച്ച അപകട വാർത്തയാണ് ഇന്ന് പത്രങ്ങളുടെ ഒന്നാം പേജിലെ സങ്കടവാർത്ത.. അദാനിക്കെതിരായ ചർച്ചയുടെ കാര്യത്തിൽ ഇൻഡ്യ സഖ്യത്തിൽ തന്നെ ഭിന്നത ശക്തമാവുകയും ഭരണഘടന ചർച്ച ചെയ്യാൻ ഇൻഡ്യയും എൻഡിഎയും സമവായത്തിൽ എത്തുകയും ചെയ്തു. പാർലമെൻറ് സ്തംഭനം ഒഴിവാക്കാൻ സമവായം എന്നതാണ് മലയാള മനോരമക്കും മാധ്യമത്തിനും ഉൾപ്പെടെ ലീഡ്. വളപട്ടണം കവർച്ചയിൽ അയൽവാസി അറസ്റ്റിലായതും പത്രങ്ങളുടെ ഒന്നാം പേജിലുണ്ട്. മുൻ എംഎൽഎയുടെ മകൻ്റെ ആശ്രിത നിയമനത്തിൽ സുപ്രീംകോടതിയിൽ സർക്കാരിന് തിരിച്ചടി എന്ന വാർത്തയും പത്രങ്ങൾ പ്രാധാന്യത്തോടെ നൽകിയിരിക്കുന്നു.. നീലപ്പെട്ടിയിൽ അന്വേഷണം പോലീസ് പൂട്ടിക്കെട്ടിയത് ഉൾപ്പെടെ പത്രങ്ങളിൽ വാർത്തകൾ പലതുണ്ട്.... നമുക്ക് വിശദമായി പരിശോധിക്കാം.. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഫിൻജാൽ ചുഴലിക്കാറ്റ് അതിതീവ്ര ന്യൂനമർദ്ദമായി മാറിയിരിക്കുന്നു. കേരളത്തിലും മഴ കനക്കും.. ഇന്ന് നാല് ജില്ലകളിൽ റെഡ് അലേർട്ട് ആണ്. എല്ലാ പത്രങ്ങളുടെയും ഒന്നാം പേജിൽ ഈ വാർത്ത ഉണ്ടെങ്കിലും ലീഡുകൾ പലതാണ്. വൈദ്യുതി നിരക്ക് ഉടൻ കൂടുമെന്നും ഡിസംബർ ഒന്നു മുതൽ ബാധകമാകുമെന്നും മാധ്യമത്തിൽ.വഖഫ് കയ്യേറ്റത്തിൽ സംസ്ഥാനങ്ങളോട് പാർലമെൻറ് സമിതി വിവരങ്ങൾ തേടിയതാണ് മാതൃഭൂമി ലീഡ്. ഭിന്നശേഷി സംവരണത്തിൽ വീഴ്ചവരുത്തിയ എയ്ഡഡ് സ്‌കൂളുകളിൽ നിയമനം കുരുക്കിൽ എന്നതാണ് മലയാള മനോരമയിലെ പ്രധാന വാർത്ത.സിപിഎം സമ്മേളനങ്ങളിൽ തുടരുന്ന പൊട്ടിത്തെറിയും പത്രങ്ങൾ പ്രാധാന്യത്തോടെ നൽകിയിരിക്കുന്നു.ഇന്ന് ഭോപ്പാൽ വാതക ദുരന്തത്തിന് 40 വയസ്സ് തികയുകയാണെന്നും ഓർമ്മിപ്പിക്കുന്നു പത്രങ്ങൾ | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഭൂമി തരം മാറ്റാൻ ഫീസായി ജനങ്ങളിൽ നിന്ന് ഈടാക്കിയ 1510 കോടി സർക്കാർ വകമാറ്റി ചെലവാക്കിയെന്ന് ഹൈക്കോടതി കുറ്റപ്പെടുത്തിയ വാർത്തയുണ്ട്. അത് തിരികെ കാർഷികാഭിവൃദ്ധി ഫണ്ടിലേക്ക് അടക്കണമെന്ന് നിർദേശിച്ചിട്ടുമുണ്ട്. പല പത്രങ്ങളിലും അതാണ് പ്രധാനവാർത്തയായി കണ്ടത്. ഹേമ കമ്മിറ്റി റിപ്പോർട്ടിലെ മൊഴികളുടെ അടിസ്ഥാനത്തിൽ 35 കേസുകളും വെളിപ്പെടുത്തലുകളുടെ അടിസ്ഥാനത്തിൽ വേറെ 24 കേസുകളും ഉണ്ടെന്ന് മലയാള മനോരമയിൽ വാർത്തയുണ്ട്. ക്ഷേമപെൻഷൻ തട്ടിപ്പിൽ കുറ്റക്കാർക്കെതിരെ കർശന നടപടിയുണ്ടാകുമെന്ന് മാധ്യമത്തിൻ്റെ ലീഡ് വാർത്ത.... അങ്ങനെയങ്ങനെ നിരവധി പ്രധാനവാർത്തകളാണിന്ന്. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ഉത്തർപ്രദേശിലെ സംഭാൽ ജില്ലയിലെ ചന്ദൗസിയിലുളള ഷാഹി ജുമാമസ്ജിദിനെ സംബന്ധിച്ചുളള തർക്കത്തിൽ ജില്ലാകോടതിയുടെ തുടർനടപടികൾ സുപ്രീംകോടതി തടഞ്ഞതാണ് ഇന്നത്തെ പ്രധാനവാർത്ത. കൊടകര കളളപ്പണക്കേസിൽ തുടരന്വേഷണത്തിന് അനുമതിയുണ്ട്. പാലക്കാട്ടെ വിവാദ എൽഡിഎഫ് പരസ്യത്തിൽ അന്വേഷണം വേണ്ടെന്ന് വെച്ചതുണ്ട്. അങ്ങനെ പലതുണ്ട് വാർത്തകൾ | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ