പുതു വർഷത്തിൽ പുതു ചിന്തകൾ പങ്കു വയ്ക്കുകയാണ് പത്രങ്ങൾ. വരട്ടെ സമാധാനത്തിന്റെ Al വർഷമെന്ന് മാധ്യമം. ഒരു കുഞ്ഞു മൊബൈൽ ഫോണിലേക്ക് ലോകം ചുരുങ്ങുമ്പോൾ വരാനിരിക്കുന്ന പുതിയ സാങ്കേതിക വിദ്യകളെക്കുറിച്ചാണ് മാതൃഭൂമിയും പറയുന്നത്. പുതുവർഷത്തിൽ ഒരു പിടി നല്ല വാർത്തകളുമായാണ് മനോരമ ഒന്നാം പേജ്.

മുണ്ടക്കൈ - ചൂരൽമല ഉരുൾപൊട്ടൽ അതി തീവ്രമെന്ന് ദുരന്തത്തിന്റെ 153 - ആം നാൾ കേന്ദ്രം സമ്മതിച്ചു. പൊലീസ് റിപ്പോർട്ട് അവഗണിച്ച് കൊടി സുനിക്ക് ഒരു മാസം പരോൾ. നിമിഷ പ്രിയയുടെ വധശിക്ഷ യെമൻ പ്രസിഡന്റ് ശരിവച്ചു. മോചന സാധ്യത മങ്ങുകയാണ്.

ദക്ഷിണ കൊറിയയിൽ വിമാനം തകർന്ന് 179 പേർ മരിച്ചതാണ് പത്രങ്ങളിലെ പ്രധാന തലക്കെട്ട്. ഇടുക്കിയിൽ യുവാവിനെ ആന ചവിട്ടി കൊന്നു. നടൻ ദിലീപ് ശങ്കറിനെ ഹോട്ടൽ മുറിയിൽ മരിച്ച നിലയിൽ കണ്ടെത്തി. മൊത്തത്തിൽ മരണ വാർത്തകളാണ് ആദ്യ പേജിൽ. അതേസമയം വീട്ടിൽ സോളാർ സ്ഥാപിച്ചവർക്ക് മീറ്റർ കുരുക്ക് എന്ന വാർത്തയാണ് മലയാള മനോരമയിലെ പ്രധാന വാർത്ത. കോഴിക്കോട് പോഴിക്കാവ് കുന്നിടിക്കലിനെതിരെ പ്രതിഷേധിച്ചവരെ പൊലീസ് മർദ്ദിച്ച വാർത്തയും പത്രങ്ങളിൽ പ്രാധാന്യത്തോടെയുണ്ട്. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പെരിയ ഇരട്ടക്കൊലയിൽ സിപിഎം മുൻ എംഎൽഎ ഉൾപ്പെടെ 14 പ്രതികൾ കുറ്റക്കാർ എന്ന സിബിഐ കോടതി വിധിയാണ് പത്രങ്ങളിൽ പ്രധാന തലക്കെട്ട്. തെളിഞ്ഞു സത്യം എന്ന് മാതൃഭൂമി, ഇവർ കൊന്നതാണ് എന്ന് മനോരമ, സിപിഎം നേതാക്കൾ പ്രതിയായതും പാർട്ടിക്കേറ്റ തിരിച്ചടിയും മറ്റു പത്രങ്ങൾ വിശദീകരിക്കുമ്പോൾ, സിബിഐയുടെ ഗൂഢാലോചന പൊളിഞ്ഞു. പ്രതി ചേർത്ത പത്തിൽ ഒൻപത് പേർക്കും കൊലപാതകത്തിൽ പങ്കില്ല എന്നാണ് ദേശാഭിമാനി ആംഗിൾ. മൻമോഹൻ സിങ്ങിന്റെ മൃതദേഹം പൂർണ സൈനിക ബഹുമതികളോടെ സംസ്‌കരിച്ചു. എന്നാൽ സംസ്‌കാരവുമായും സ്മാരകവുമായി ബന്ധപ്പെട്ട വിവാദം മുറുകി. കണ്ണൂർ, കാസർകോട് ജില്ലകളിലായി മൂന്നിടത്ത് കുട്ടികളടക്കം ആറുപേർ മുങ്ങിമരിച്ച വാർത്തയും പത്രങ്ങളിലുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ ചൂരൽമല പുനരധിവാസത്തിന് എസ്റ്റേറ്റുകളുടെ ഭൂമി ഏറ്റെടുക്കാൻ സർക്കാരിന് ഹൈക്കോടതി അനുമതി നൽകിയതാണ് പത്രങ്ങളിലെ പ്രധാന തലക്കെട്ട്. സൂചി കുത്തിയതിന്റെ വേദനയില്ലാതെ മരുന്ന് ശശീരത്തിലെത്തിക്കുന്ന സിറിഞ്ച് ബോംബെ ഐ.ഐ.ടി. കണ്ടെത്തിയിരിക്കുന്നു. മുതിർന്ന കോൺഗ്രസ് നേതാവ് എ.കെ ആന്റണിക്ക് ഇന്ന് എൺപത്തിനാലാം പിറന്നാൾ. മാരുതി എണ്ണൂറിന്റെ ശിൽപി അന്തരിച്ചതും പത്രങ്ങളിലുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഒരു ഒഴിവുദിവസത്തിൻ്റെ ഇടവേളക്ക് ശേഷം പത്രങ്ങൾ വരുമ്പോൾ രണ്ട്‍ യാത്രാമൊഴികളാണ് പ്രധാനം. എം ടി വാസുദേവൻ നായരുടേയും ഡോ. മൻമോഹൻ സിം​ഗിൻ്റെയും. മാതൃഭൂമിയും മലയാള മനോരമയും കോഴിക്കോട് എഡിഷനോടൊപ്പം എംടിക്കായി പ്രത്യേക പതിപ്പുകൾ ഇറക്കിയിട്ടുണ്ട്. മറ്റുപത്രങ്ങൾ ഒന്നാം പേജ് രണ്ടുപേർക്കുമായി പങ്കിട്ടിരിക്കുകയാണ്. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

അഞ്ച്, എട്ട് ക്ലാസുകളിൽ ഇനി ഓൾ പാസ് ഇല്ല. കേന്ദ്ര വിദ്യാഭ്യാസ മന്ത്രാലയം പുറത്തിറക്കിയ വിജ്ഞാപനത്തിലെ വിവരങ്ങളാണ് പത്രങ്ങളിലെ പ്രധാന തലക്കെട്ട്. നല്ലേപ്പള്ളി അതിക്രമത്തോടെ ക്രിസ്തുമതവിശ്വാസികളെ ഒപ്പം നിർത്താനുള്ള ബി.ജെ.പി തന്ത്രത്തിന് മങ്ങലേറ്റ വാർത്തയും പത്രങ്ങൾ പ്രാധാന്യത്തോടെ നൽകി. ഇന്ത്യൻ സമാന്തരസിനിമക്ക് വഴികാട്ടിയ വിഖ്യാത സംവിധായകൻ ശ്യാം ബെനഗൽ അന്തരിച്ച വാർത്ത പത്രങ്ങളുടെ ഒന്നാം പേജിൽ തന്നെയുണ്ട്. ശൈഖ് ഹസീനയെ തിരിച്ചയക്കണമെന്ന് ബംഗ്ലാദേശ് ഇടക്കാല ഭരണകൂടം ഇന്ത്യക്ക് നയതന്ത്ര കുറിപ്പ് അയച്ചതാണ് പ്രധാന അന്താരാഷ്ട്ര വാർത്ത | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ - ചൂരൽമല പുനരധിവാസത്തിൽ പ്രാഥമിക രൂപരേഖ മന്ത്രിസഭ ചർച്ച ചെയ്തതാണ് പത്രങ്ങളിൽ പ്രധാന തലക്കെട്ട്. തൃശൂർ പൂരം കലക്കൽ വോട്ടിനു വേണ്ടിയുള്ള അട്ടിമറിയെന്ന പൊലീസ് റിപ്പോർട്ടാണ് മറ്റൊരു പ്രധാന വാർത്ത. എം.ടിയുടെ ആരോഗ്യനില മാറ്റമില്ലാതെ തുടരുന്നു. ഇസ്രായേൽ തുടരുന്ന വംശഹത്യക്കിടയിൽ തണുത്തു വിറങ്ങലിക്കുകയാണ് ഗസ്സ |കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പൊതുവായി കനമേറിയ ഒരു തലക്കെട്ട് ഇല്ലാത്തതുകൊണ്ടാകാം പത്രങ്ങൾക്ക് ഇന്ന് ലീഡ് വാർത്തകൾ പലതാണ്. അംഗീകാരമില്ലാത്ത വായ്പ വിലക്കി കേന്ദ്രനിയമം വരുന്നു എന്നതാണ് 'പലിശക്കാരെ പൂട്ടും' എന്ന തലക്കെട്ടിൽ മാതൃഭൂമി പ്രധാന വാർത്ത. മദ്യനയ കേസിൽ ഡൽഹി മുഖ്യമന്ത്രി അരവിന്ദ് കെജ്‌രിവാളിനെ പ്രോസിക്യൂട്ട് ചെയ്യാൻ അനുമതി നൽകിയതാണ് വോട്ടിനു മുൻപേ കുരുക്കിട്ട് ഇ.ഡി എന്ന തലക്കെട്ടിൽ മനോരമ ലീഡ്.പി.എസ്.സി വിവരച്ചോർച്ചയിൽ വാർത്ത നൽകിയ മാധ്യമം ലേഖകന്റെ ഫോൺ പിടിച്ചെടുക്കാനുള്ള ക്രൈംബ്രാഞ്ച് നീക്കമാണ് 'വാർത്തയ്ക്ക് വിലക്ക് ' എന്ന തലക്കെട്ടിൽ മാധ്യമം പ്രധാന വാർത്ത. എംടിയുടെ ആരോഗ്യനിലയിൽ നേരിയ പുരോഗതിയുണ്ടെന്നതിലൂടെ പത്രങ്ങളിലെ ഒന്നാം പേജ് ആശ്വാസം തരുന്നു. കേരളത്തിന് 10 പ്രത്യേക തീവണ്ടികൾ അനുവദിച്ചു. ജീവനൊടുക്കിയ നിക്ഷേപകനെ സിപിഎം ഏരിയ സെക്രട്ടറി നേരത്തെ ഭീഷണിപ്പെടുത്തുന്ന ശബ്ദസന്ദേശം പുറത്തുവന്നതോടെ സിപിഎം പ്രതിരോധത്തിലായ വാർത്തയുമുണ്ട് പത്രങ്ങളിൽ |

കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പ്രതിഷേധങ്ങൾക്കിടെ ശൈത്യകാല സമ്മേളനം സമാപിച്ചു. പാർലമെൻറ് കവാടത്തിൽ സമര വിലക്ക് ഏർപ്പെടുത്തിയതാണ് മാധ്യമം തലക്കെട്ട്. നടപടികളൊന്നുമില്ലാതെ അവസാന ദിനം എന്ന് മനോരമ. കേരള ബാങ്കിന്റെ പേരിലും തൊഴിൽ തട്ടിപ്പെന്നതാണ് മാതൃഭൂമി ലീഡ്. എം.ടി.യുടെ നില അതീവ ഗുരുതരമായി തുടരുന്നത് പത്രങ്ങളുടെ ഒന്നാം പേജിൽ തന്നെയുണ്ട്. മലയാള സിനിമയിൽ 11 സൂപ്പർഹിറ്റുകളുണ്ടായിട്ടും നഷ്ടം 1000 കോടിയെന്ന വാർത്ത മനോരമയിൽ |

കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ