അറുപതിലേറെ പേർ പീഡിപ്പിച്ചെന്ന പത്തനംതിട്ട സ്വദേശിനിയായ പ്രായപൂർത്തിയാകാത്ത പെൺകുട്ടിയുടെ വെളിപ്പെടുത്തലിൻ്റെ ഞെട്ടലിലാണ് കേരളം. ഇപ്പോൾ 18 വയസുള്ള കായികതാരമാണ് 13ാം വയസുമുതൽ പീഡിപ്പിക്കപ്പെട്ടത്. മാതൃഭൂമി ഇത് പ്രധാന തലക്കെട്ടാക്കി. ഐഎഎസുകാർക്കിടയിൽ ചേരിപ്പോര് കൂടുതൽ രൂക്ഷമായതാണ് മലയാള മനോരമയിലെ പ്രധാന വാർത്ത. സർക്കാർ കൊണ്ടുവന്ന കടാശ്വാസ പദ്ധതിയിൽ അപേക്ഷിക്കാനാകാതെ കർഷകർ വലയുന്ന വാർത്തയാണ് മാധ്യമം ലീഡ്.

പി.വി അൻവർ തൃണമൂൽ കോൺഗ്രസിൽ ചേർന്നു. ജാമ്യാപേക്ഷ മാറ്റിയതോടെ ബോബി ചെമ്മണൂർ ജയിലിൽ തുടരും.

കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മലയാളത്തിൻ്റെ ഭാവഗായകൻ പി.ജയചന്ദ്രൻ അന്തരിച്ചതാണ് ഇന്ന് പത്രങ്ങളിൽ പ്രധാന വാർത്ത. നാളെ പറവൂരിലാണ് സംസ്കാരം.

ലൈംഗിക അതിക്രമം നടത്തിയെന്ന നടിയുടെ രഹസ്യമൊഴിയിൽ ബോബി ചെമ്മണൂർ റിമാൻഡിലായി. വാളയാർ സഹോദരിമാരുടെ ദുരൂഹ മരണത്തിൽ സി.ബി.ഐ മാതാപിതാക്കളെക്കൂടി പ്രതി ചേർത്ത് അനുബന്ധ കുറ്റപത്രം സമർപ്പിച്ചു. വയനാട് ഡിസിസി ട്രഷററുടെ ആത്മഹത്യയിൽ എം.എൽ.എ ഐ സി ബാലകൃഷ്ണനെയും, DCC പ്രസിഡൻ്റിനെയും പ്രതി ചേർത്തു...

കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ചാൻസലറുടെ അമിതാധികാരം ഉൾപ്പെടെ സർവകലാശാലകളിൽ കേന്ദ്രത്തിന് പിടി മുറുക്കാനുള്ള യുജിസി മാർഗരേഖക്കെതിരെ കോടതിയെ സമീപിക്കാനൊരുങ്ങുകയാണ് കേരളം. ലൈംഗികാധിക്ഷേപം നടത്തിയെന്ന നടി ഹണി റോസിന്റെ പരാതിയിൽ അറസ്റ്റിലായ ബോബി ചെമ്മണ്ണൂരിനെ ഇന്ന് കോടതിയിൽ ഹാജരാക്കും. കേരള ഫിനാൻഷ്യൽ കോർപറേഷൻ റിലയൻസിൽ നടത്തിയ നിക്ഷേപത്തിലെ അഴിമതി ഗൂഢാലോചനയെക്കുറിച്ചുള്ള കൂടുതൽ വിവരങ്ങളാണ് മാധ്യമത്തിന്റെ പ്രധാന തലക്കെട്ട്. തിരുപ്പതി ക്ഷേത്രത്തിൽ തിക്കിലും തിരക്കിലും ആറു പേർ മരിച്ചു. രണ്ടു ബഹിരാകാശ പേടകങ്ങളെ ബഹിരാകാശത്ത് സംയോജിപ്പിക്കുന്ന ISRO സ്‌പെഡെക്‌സ് ദൗത്യം വീണ്ടും മാറ്റി. പെരിയ കേസിൽ മുൻ എം.എൽ.എ ഉൾപ്പെടെ നാലുപേരുടെ ശിക്ഷ ഹൈക്കോടതി മരവിപ്പിച്ചു | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

സിപിഎം പ്രവർത്തകൻ റിജിത്ത് വധത്തിൽ ഒമ്പത് ആർഎസ്എസുകാരെ കോടതി ജീവപര്യന്തം തടവിന് ശിക്ഷിച്ചതാണ് പത്രങ്ങളിലെ പ്രധാന തലക്കെട്ട്. വൈസ് ചാൻസലറാകാൻ 10 വർഷം പ്രൊഫസറായി പരിചയം വേണമെന്ന നിബന്ധന യുജിസി മാറ്റുന്നതോടെ ഇനി ആർക്കും വിസി ആകാമെന്ന് മാധ്യമത്തിൽ വാർത്ത. തിബറ്റിലെ ഭൂകമ്പത്തിൽ മരണസംഖ്യ 126 ആയി. കോൺഗ്രസിനെ വെട്ടിലാക്കിയ ഡി.സി.സി ട്രഷറർ എൻ.എം വിജയന്റെ ആത്മഹത്യാകുറിപ്പിൽ അന്വേഷണം തുടരുകയാണ് പൊലീസ് | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ചൈനയിൽ കഴിഞ്ഞ ആഴ്ച റിപ്പോർട്ട് ചെയ്ത ഹ്യൂമൻ മെറ്റ ന്യൂമോ വൈറസ് ഇന്ത്യയിൽ അഞ്ചു കുഞ്ഞുങ്ങൾക്ക് സ്ഥിരീകരിച്ചു. ഇവരിൽ രണ്ടുപേർ ബംഗ്‌ളൂരുവിലും ഒരാൾ ചെന്നൈയിലുമാണ്. സർവകലാശാലകളിലെ നിയമനത്തിൽ കരട് ചട്ടങ്ങൾ യുജിസി പുറത്തിറക്കിയപ്പോൾ വൈസ് ചാൻസിലർ നിയമനത്തിൽ ഉൾപ്പെടെ ഗവർണർക്ക് അധികാരമേറുമെന്ന വാർത്ത പത്രങ്ങളുടെ ഒന്നാം പേജിൽ പ്രാധാന്യത്തോടെയുണ്ട്. ഐ.സി.ബാലകൃഷ്ണൻ എംഎൽഎ ഉൾപ്പെടെയുള്ളവർക്കെതിരെ വെളിപ്പെടുത്തലുമായി എൻ.എം വിജയന്റ കത്തുകൾ പുറത്തുവന്നത് സിപിഎം ആയുധമാക്കുകയാണ്. ഛത്തീസ്ഗഡിൽ മാവോയിസ്റ്റുകൾ വാഹനം ബോംബ് വെച്ച് തകർത്തതിൽ എട്ട് ജവാന്മാർക്ക് വീരമൃത്യു. ജയിൽ മോചിതനായ പിവി അൻവർ യുഡിഎഫിനോട് കൂടുതൽ അടുക്കുകയാണ്. ഇന്ത്യ വിരുദ്ധ നിലപാടിലൂടെ വിവാദം സൃഷ്ടിച്ച കനേഡിയൻ പ്രധാനമന്ത്രി ജസ്റ്റിൻ ട്രൂഡോ രാജിവച്ചു. പാർട്ടി നേതൃസ്ഥാനവും ഒഴിഞ്ഞു | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പി.വി അൻവർ എംഎൽഎ അറസ്റ്റിലായതാണ് ഇന്നത്തെ പത്രങ്ങളുടെ കോഴിക്കോടൻ പതിപ്പുകളിൽ പ്രധാനവാർത്ത. നിലമ്പൂരിലെ കരുളായി വനത്തിൽ ആദിവാസി യുവാവ് കാട്ടാനയുടെ ആക്രമണത്തിൽ കൊല്ലപ്പെട്ടതിനെ തുടർന്നുണ്ടായ പ്രതിഷേധവും വനംവകുപ്പിന്റെ ഓഫിസിൽ കാണിച്ച കടുത്ത രോഷവുമൊക്കെയാണ് അൻവറിന്റെ അറസ്റ്റിലെത്തിച്ചത്. മനോരമയിലും മാധ്യമത്തിലും അതാണ് ലീഡ്. പക്ഷേ മാതൃഭൂമിയിൽ അഭിമന്യു വധക്കേസാണ്. കേസ് നടത്തിപ്പിന്റെ നിരീക്ഷണത്തിന് സിപിഎം പ്രത്യേക സംവിധാനം ഏർപ്പെടുത്തുന്നുവെന്ന്. പെരിയ ഇരട്ടക്കൊലക്കേസിലെ പ്രതികൾക്ക് കണ്ണൂർ ജയിലിൽ പി.ജയരാജന്റെ നേതൃത്വത്തിൽ പാർട്ടിക്കാർ ആചാരപരമായ സ്വീകരണം കൊടുക്കുന്നതുമുണ്ട് പത്രങ്ങളിൽ | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ആകാശപ്പരപ്പിൽ ആദ്യമായി വിത്തുമുളപ്പിച്ച വിക്രം സാരാഭായ് സ്‌പേസ് സെന്ററിന്റെ നേട്ടമാണ് പത്രങ്ങളുടെ ഒന്നാം പേജിലെ ഒരു പ്രധാന ആഘോഷം. മാതൃഭൂമിയിൽ അതാണ് ലീഡ്. നമ്മുടെ പയർ മുളച്ചു എന്ന് മനോരമ. 19 വർഷത്തെ കേസിനൊടുവിൽ ഒരു രാഷ്ട്രീയക്കൊലയിൽ വിധിയോട് അടുക്കുന്ന വാർത്തയുമുണ്ട്. കണ്ണൂർ കണ്ണപുരത്ത് സിപിഎം പ്രവർത്തകനായ റിജിത്തിനെ വധിച്ച കേസിലാണ് ഒൻപത് ആർഎസ്എസുകാരെ കുറ്റക്കാരായി കണ്ടെത്തിയത്. 2005ൽ നടന്ന കൊലപാതകമാണ്. കൊല്ലത്ത് യുവതിയെയും കുട്ടികളെയും തലയറുത്ത് കൊന്ന കേസിലെ പ്രതികളായ സൈനികരെ 19 വർഷത്തിന് ശേഷം പിടികൂടിയ വാർത്തകളുണ്ട്. കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

പെരിയ ഇരട്ടക്കൊലയിൽ സി.ബി.ഐ കോടതി ഇരട്ട ജീവപര്യന്തം ശിക്ഷ വിധിച്ചതാണ് പത്രങ്ങളിൽ പ്രധാന തലക്കെട്ട്. അതേസമയം കോവിഡ് വ്യാപനത്തിന് അഞ്ചുവർഷം പിന്നിടുമ്പോൾ ചൈനയിൽ പുതിയ വൈറസ് വ്യാപിക്കുന്നതിലെ ആശങ്കയാണ് ദേശാഭിമാനിക്ക് ഇന്ന് പ്രധാന തലക്കെട്ട്. സംസ്ഥാന സ്‌കൂൾ കലോത്സവത്തിന് ഇന്ന് തുടക്കമാവുകയാണ്. കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

കേരള ഫിനാൻഷ്യൽ കോർപറേഷനിൽ 101 കോടിയുടെ അഴിമതിയെന്ന പ്രതിപക്ഷ നേതാവിന്റെ ആരോപണമാണ് മാധ്യമത്തിന്റെ പ്രധാന തലക്കെട്ട്. മുങ്ങാൻ പോകുന്ന അനിൽ അംബാനി കമ്പനിയിൽ നിഷേപിച്ച കോടികൾ വെള്ളത്തിലായി. ക്ഷേത്രത്തിൽ പ്രവേശിക്കാൻ ഷർട്ടിടണോ ? ശിവഗിരി തീർത്ഥാടന സമ്മേളത്തിൽ കുടുക്കഴിച്ച ചർച്ചകൾക്ക് ചൂടുപിടിക്കുകയാണ്. കായിക മേളയിൽ പ്രതിഷേധിച്ച സ്കൂളുകൾക്ക് വിലക്ക് ഏർപ്പെടുത്തിയത് മാതൃഭൂമിയും മനോരമയും ഉൾപ്പെടെ മിക്ക പത്രങ്ങൾക്കും പ്രധാന തലക്കെട്ടാണ്. മുതിർന്ന മാധ്യമ പ്രവർത്തകനും എഴുത്തുകാരനുമായ എസ്.ജയചന്ദ്രൻ നായർ അന്തരിച്ച വാർത്തയും പത്രങ്ങൾ ഒന്നാം പേജിൽ നൽകി....

ചൂരൽമല മുണ്ടക്കൈ പുനരധിവാസ പദ്ധതിക്ക് മന്ത്രിസഭ അംഗീകാരം നൽകിയതാണ് പത്രങ്ങളിലെ പ്രധാന തലക്കെട്ട്. അതിവേഗം രണ്ട് ടൗൺഷിപ്പ് എന്ന് മലയാള മനോരമ. പുതിയ നാട് എന്ന് മാതൃഭൂമി തലക്കെട്ട്. യു.പി മൊറാദബാദിൽ പശുവിന്റെ പേരിൽ വീണ്ടും കൊല. സ്‌കൂൾ ബസ് മറിഞ്ഞ് വിദ്യാർഥിനി മരിച്ച അപകടം കണ്ണൂർ വളക്കൈയിൽ. കേരളത്തിലെ സസ്യ സമ്പത്തിനെക്കുറിച്ച് പതിനേഴാം നൂറ്റാണ്ടിൽ എഴുതിയ ഹോർത്തൂസ് മലബാറിക്കൂസ് ഇംഗ്ലീഷിലേക്കും മലയാളത്തിലേക്കും വിവർത്തനം ചെയ്ത സസ്യ ശാസ്ത്രജ്ഞൻ ഡോ.കെ എസ് മണിലാൽ അന്തരിച്ചു. വാർത്തകൾ നിരവധിയുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast