Kiwal taariindi

E oo taskaram Kiwal Taarindi en yewtay ko yowitii e no tuuɗe woɓɓe no wi’i ɗum kurujuru toppitortee ka ndunngu. Saɓu teskaama e leyɗe goɗɗe ɗen tuuɗe weddeteeɗe e dow laawi ko caɗeele tan addanta yimɓe ɓee tinŋtinii e ɗee waame walla ilamji.
Honno ɗee tuuɗe waawa topitireede haa ɗe waasa maapinde jamaa on tentinii e ɗii ilamji ?
Ngam yewtude e dow ndee toɓɓere en bismoto Madaani SIH ardiiɗo fedde sindika renndinde gollooɓe to banŋe laaɓal to SONAGED, sosiyete toppitiiɗo laaɓal e nder Senegaal. Kono ko adii en heɗoto seeditande gooto e heɗiyankooɓe men. Ka joofingol en bismoto Faatumata Binta Jallo gooto e ardiiɓe fedde nde wonaa laamuyankoore daraniinde kiwal taarindi to Gine wi'eteende ACOREC.

E ooɗo taskaram men yewtay ko yowitii e lamɗam ñaamayɗam gese remeteeɗe e nder Kasamaans e worgo Senegaal. Oo alhaali yowitiiɗo e lamɗam ñaamayɗam leyɗeele remeteeɗe ɗen ina ɓeydoo saɗtude e nder Kasamaans sabu ustaare won e baraasuuji kaɓotooɗi ndiyam lanɗam no w’iee "dig anti-sel" e fransiire e njuɓɓudiiji goɗɗi ɗi ƴewtaaka kono kadi ɗi toppitaaka no haaniri. Holno no oo alhaali siforii ? Ko woni battane mun ?

E taskaram yawtuɗo en yewtuno ko faati e caɗeele yowitiiɗe  e layugol jeereende ndee e nder Afrik. Hannde e oo ɗoo taskaram en yewtay ko yowitii e peeje haanaaɗe ƴetteede ngam etaade faddagol Afrik .
Ngam yewtude e dow ɗee toɓɓe en bismoto Alfa Umaar BAH ko diiseteeɗo ka jaagorgal toppitiingal taariindi Gine
Kono ko adii e heɗoto miijo ngo gooto e heɗiyankooɓe amen addani  en tongoonde MhatsApp. Ka joofingol e bismoto kadi rewɓe ɗiɗo hertorɓe kala ko faati e taarind,  Musoukoro Sidiɓe, Moritanaajo e Mariyama Sawaane Ginenaajo tawaaɗo e fedde nde wonaa-laamuyankoore wi'eteende "Gine Ekoloji".

Afrique: Quelles solutions face à l'avancée de la désertification?

E oo ɗoo taskaram en yewtay ko yowitii e battane mbayliigu weeyo ka demal e nder yoga e leyɗe Afrik. Wano nokkuuji goɗɗi ndiyam toɓɓo ɗam ɗuuɗi hikka haa woɓɓe no wondi e kullhuli wota ɗam bonnanɓe ko remaa kon. Kono kadi ɗam ndiyam woni sabu waameeji naatude e ngese e koɗanɗe. Ɗum ko ko batinta kadi ka demal (remuru) hay so tawii e leyɗe goɗɗe ndiyam saaƴaani wano no woowiri non. Holko woni battane mum tigi tigi e ndema kaa ? Holi caɗeele ɗum addanta e baŋŋe nguura ?Ngam yewtude e dow ɗee toɓɓe en bismoto koɗo men Lamiin Ibn Umar Jallo ganduɗo fii taarindi e demal. Kono ko adii en heɗoto jantoore nde gooto e nultondiraaɗo amen to Kamerun Rufaa'u Baaba Ashwariya waɗani en.En
joofiniran e konngol Hajja Ijjatu Jallo,ginenaajo remoowo yeeya. Ko nii woni mbaadi yewtere nden.

Wano woowiri non lewru kala, e oo ɗoo taskaram en yewtay fii darnde rewɓe afriknaaɓe ko yowitii e mbayliigu weeyo walla reenude taarindi men. Ko foti wonde darnde maɓɓe e nder pelle ɗe ɓe tawaa e mum ɗen? Holɗe e pehe woɓɓe e maɓɓe woni e ƴettude ngam haɓude mbayliigu weeyo?

Ngam yewtude e dow ɗee toɓɓe en bismoto hoɓɓe men Faatumata Binta JALLO, ginenaajo tawaaɗo e fedde AGOREC woni fedde dariinde e daditiinde ngam haɓuɗe mbayliigu weeyo e Kaja BA, Wiɗtotooɗo senegalnaajo to baŋŋe taarindi ka duɗal mawngal ngal Sheekh Anta Joop.

Kono ko adii en heɗoto Mussokoro Sidibe, hertorɗo to baŋŋe taarindi moritanaajo, sosuɗo hello e dow YouTube wi'eteengo "MS Environnement et developpement durable ", ɗum ko ngam ɓamtaare taariindi e findinde e waajaade renndo ngoo.

E e oo ɗo taskaram en yewtay ko yowitii e tuuɗe teskaaɗe e maaje ɗee e nder Afrik . Ɗum ko sabu ngal nanondiral siifaa ngal e battu ngu ɓalɗe jeenay waɗaa ngu "Nice" wuro daande maayo e nder France. Nanondiral ngal yoiwtii ko e maayo-mawngo ngoo no reenirtee walla no hiwirtee. Holko ngal nanondiral waawi battinde e caɗeele ɗe leyɗe Afriknaaje godɗe ngondi ko wai’i no tuuɗe haa tinŋti noon tuundi poore, walla kadi e ŋakeende lijji.

Ngam yewtude e dow nee toɓɓere en bismoto Tafsir DIALLO, bagginoowo sariya to jaagorgal Gine kalfinengal awo. Omo tawanoo e sete jahannooɗo Gine e ngal tummbondiral Unoc3. Kono ko adii en heɗoto Dokteer Mariyama Jallo hooreejo yiilirde suudu widtotoondu gedde maayo to Boussoura e dowla Gine tawtoranooɗo e nguu battu. Kono ko addii em heɗoto Lamiin bn Umar Jallo heɗiyankooɓe men rokkuɗo liijo makko e oo alhaali. Ka joofingol en bismoto Mbacke Sek Senegaalnaajo daraniiɗo hunndaari ndii tinŋtini maayo ngo leegal Haan.

E e oo ɗo taskaram en yewtay ko faati e ñalawma teddiniraaɗo taariindi mawninteeɗo ñannde jowi nduu lewru woni janngo. Hikka toɓɓere yewteteende fii mun e oo ñalorma yowitii ko peeje fotaaɗe lelneeɗe ngam haɓude tuundi poore e nder winndere ndee kala.

Ngam yewtude e dow ndee toɓɓere e ko faati e oo ñalawma en bismoto hoɓɓe amen, hono Ceerno Saaliwu Jallo jannginoowo e wiɗtotooɗo ka duɗe mawɗe hertorɗo baŋŋe taariindi ardiiɗo fedde nde wonaa laamuyankoore daraniinde taariindi wi'eteende Gine ekoloji.

Kono ko, addii en heɗoto Moodu Fall senegalnaajo ardiiɗo fedde dariinde ngam laɓɓinde Senegaal andiraaɗo Moodu Poore. Gila duuɓi sappo e jeenay himo haɓa tuundi poore e nder Senegaal. Ka joofingol en bismoto Fatima Kane Moritanaajo wayloowo kurujuru haa tenti non tuuɗe poore. Tedduɓe ko nii woni mbaadi yewtere mon.

E ndee jantoore sakkitiinde e calsalol men peewtungol e moƴƴinde mahanteeri. Kaalaten ko e holno leydi heɓiratee, gila e leydi mahateendi hoɗorde haa e ndemateendi. Teskaama gila e gure dowri ndi haa e gure teeru mawɗe ɗee, leydi ina heewi addude caɗeele e kareeli kaɓɓodiiɗi. Ko ɓuri saabaade ɗum noon ko ŋakkeende heɓugol kaayitaaji timmuɗi keptinaaɗi to laamu. E oo taskaraam, maa en paam caɗeele kaɓɓodiiɗe e leydi e nder Senegal.

Tummbondiral aduniyankeewal, Kop16 fuɗɗiima gila ñannde 21 nduu lewru 10ɓuru to Kali e nder Kolombiya. Ngal gasata ko aset 1 lewru 11ɓuru. Hikka noon, toɓɓere ndee jonnde heerori ko ko wi’etee e fransiire "Biodiversité" reenugol noonanteeri puɗi e kulle.

Paandaale ngal tummbondiral ko waɗde feere haa leyɗe winndere ndee fof, ɗoftoo podooje majje kadi tabintina kisal e goodal puɗi e kulle. Ina jeyaa e majje kadi wallugol no leyɗe ɓurɗe hatojinde ɗee keɓa kaalisi.

Hannde e nder yewtere men Kiwal Taariindi, en kaalat holno noonanteeri kulle e puɗi ndeenirtee. En mbismoto haralleeɓe e oo fannu.

E e oo ɗo taskaram en yewtay ko faati e battane mbayliigu weeyo e demal. Heewɓe e yimɓe hoɗuɓe e Afrik banŋe worgo sahara na wondi e caɗeele weeyo sabu golleeji maɓɓe fof ko e ndema tuugnii. Holko tigi mbayliigu weeyo waawi battinde e demal ? Ko woni ɗen caɗeele ? Ko fotti wonude dabereeji ɗin ? Ngam yewtude e dow ɗee toɓɓe en bismoto Dokteer Alaaji Sanusi Bah, Ingeñioorjo e wiɗtotooɗo e banŋe ndema.

Kono ko addii en heɗoto gooto e remooɓe Malinaaɓe ngam o anndina en ko mbayliigu weeyo addanimo e caɗeele. Ka joofingol en bismoto Delle Tudakku ardiiɗo kawtal pelle renndingal rewɓe remooɓe to Benin.