Glo dit of nie, maar KLETS en Afrikaans.Radio is een jaar oud! Dankie aan een en elk wat luister, deel, vir ons skryf en ons op ons tone hou. Ons waardeer jul ore en jul tyd. Hier is op die volgende jaar! Cheers!

Die span be-KLETS vandag die Nosiviwe Mapisa-Nqakula rumoer – die storie wat almal se ore laat spits. Dr. Piet Croukamp kom wei uit met sy kennermening, wat beslis 'n paar wenkbroue gaan laat lig. Afrikaans.Radio · KLETS · KLETS - YouTube

In KLETS gesels die span met Dr. Micki Pistorius. Micki is 'n Suid-Afrikaanse forensiese sielkundige en skrywer. Sy was die eerste profielskrywer in Suid-Afrika wat aan baie hoë-profiel sake gewerk het, wat onder andere reeksmoordenaars insluit.

Sy is bekend vir haar outobiografie, Catch me a Killer (2000), waarop 'n televisiereeks van dieselfde naam gebaseer was, wat in 2024 vrygestel is. Micki gesels met ons oor die reeks, reeksmoordenaars, en ander interessanthede.

Verder vertel Colene waar jy die beste hot cross bun kan kry vir die paasnaweek en van 'n 103-jaar-oue tradisie in Frankryk. Dr. Micki Pistorius · Micki Pistorius - Profiler On Record (YouTube) · Afrikaans.Radio · KLETS · KLETS - YouTube

Colene is terug uit die Noorde en die Afrika hitte ontmoedig haar. Die span gesels met Prof Johan Oberholster van Die MootProjek in Pretoria. Johan vertel waar die inspirerende projek begin het wat die krag van 'n gemeenskappe wat saam werk illustreer. Hy deel raad en struikelblokke wat vermy moet word om soortgelyke projekte in jou buurt of dorp te vestig.

Suid-Afrikaners is baie lojaal aan hul kaarte en punte en die Olimpiese Spele se atleetdorp gaan seker maak daar is genoeg kondome. Die MootProjek · Afrikaans.Radio · KLETS · KLETS - YouTube

In hierdie KLETS episode neem Colene ons saam op 'n avontuur na die noorde om die Nothernlights te ervaar. Colene deel haar opwinding en verwondering oor die skouspel wat die Noorderligte is, terwyl jy dit wel eintlik net kan sien deur jou selfoon se lens.

Colene “preek” en deel haar gedagtes oor hoe beskawing se wyn duurder is en kollektiewe verantwoordelikheid ons ondergang is. Afrikaans.Radio · KLETS · KLETS - YouTube

In KLETS vandag gesels Matthys met die Animal Healer en Communicator Hettie Richter oor hoe sy met diere gesels en hulle help om hul behoeftes en gedrag te verstaan.

Sy gebruik haar intuïsie om die boodskappe te interpreteer wat die diere oordra deur hul liggaamstaal, vokalisasies, en energiepatrone. Deur genesing en kommunikasie help Hettie om die lewenskwaliteit van diere te verbeter en 'n dieper verbinding tussen jou en jou dier te bevorder.

Sophia, 'n ander deelnemer aan die gesprek, kry ook die kans om haar gedagtes te deel. Sy vertel Matthys presies wat sy van hom en ook van haarself dink en Colene se "hallo" uit die noorde.

Volgende week is ons terug en dan hoor ons alles van die Noorderligte. Hettie Richter · Afrikaans.Radio · KLETS · KLETS - YouTube

Vandag op KLETS vier ons Nasionale Melktert Dag!

Die koningin van die Melktert, Lucinda Rosa Neethling van Die Melktert Kommissie Band, gesels oor die terte, haar musiek, kuns en liedjies. Ons ontmoet ook Liriek, die dogtertjie van Lucinda en Bouwer. Verder deel Matthys se ma haar maklike mikrogolf melktert resep met ons.

Volgende week is Colene in die noorde en hoor ons meer van haar soektog na die noordelike ligte. So tot dan bak 'n melktert en leef stadiger! Die Melktert Kommissie · Afrikaans.Radio · KLETS · KLETS - YouTube

Is dit vandag D-dag vir Suid-Afrikaners? Die minister van Finansies, Enoch Godongwana, lewer vandag sy begrotingsrede vir 2024. Dit mag een van die moeilikste wees, want die koffers is leeg, maar die ANC moet steeds die regering aan bewind hou.

Ons KLETS met Andre Cilliers, valutastrateeg by TreasuryONE, oor wat ons vanjaar van die minister kan verwag. Hoe lyk die vooruitsigte vir die staatskas, en is die IMF op ons spoor?

Terwyl Fikile in Rusland kuier en ministers smul aan KFC, staan die vraag: om te "bribe" of nie te "bribe" nie. That is the question! Afrikaans.Radio · KLETS · KLETS - YouTube

In 'n spesiale uitsending van KLETS gesels Matthys met krimi-skrywer Sidney Gilroy oor sy nuutste boek, "Bloedsomer", wat Mooibaai as agtergrond het. Hierdie gesprek laat ons die man agter die karakters soos Sollie en nou ook Petunia beter verstaan.

Sidney is ook die aanbieder van die #BOEKPOD op Afrikaans.Radio, en hy gee 'n voorskou oor wat ons kan verwag in die komende podsendings.

"Bloedsomer" sal vanaf 8 Maart 2024 beskikbaar wees. As jy belangstel om die boek aanlyn aan te skaf, kan jy gerus die skakels onder besoek. Sidney Gilroy · Bestel Bloedsomer · Afrikaans.Radio · KLETS · KLETS - YouTube

Laat ons jou lei deur die tuin van liefde op hierdie spesiale dag van Val-in-die-tuin!

As jy nog nie jou dag beplan het nie, sit terug en luister na Dr. Eugene Viljoen, 'n vooraanstaande kliniese sielkundige en seksuoloog, wat sy insigte deel oor die lekkernye en uitdagings binne verhoudings en tussen die lakens.

Ons gesels ook met Sidney Gilroy oor die nuwe potgooi #BOEKPOD wat nou op Afrikaans.Radio beskikbaar is.

Ons deel in die komiese avonture van Juju en sy party lede terwyl hulle worstel om hul snot te hou, en Colene probeer om minder te vloek terwyl sy die mag van liefde en vriendelikheid omarm. Mag Cupido se pyl almal se harte tref, behalwe die ANC se harte. #VoetsekANC Dr. Eugene Viljoen · Afrikaans.Radio · KLETS · KLETS - YouTube

In die spesiale uitsending van Klets gesels ons met Dr. Piet Croucamp, 'n politieke analis en senior dosent aan die NWU se besigheidsskool, oor gisteraand se staatsrede.

Ons vreeslose President Squirrel het baie "recovery" planne voorgehou en het gewys dat waar sy intellek kort skiet, sy verbeeldingskrag verseker nie agterbly nie!

Piet werp vir ons lig op die president se optrede. Hy deel waardevolle insigte oor die stand van die ANC, die militêre intriges van KZN, en wat die president nie gesê het nie. Verder gesels ons oor die Republiek van Kaapstad, moontlike toekomstige president en parlementslede wat binnekort wat binnekort die brood wat hulle nou bak self gaan moet eet.

Ons sluit af met 'n ernstige besinning oor die toekoms van Suid-Afrikaanse kinders. Afrikaans.Radio · KLETS · KLETS - YouTube