Koɗo men hannde

Ndimaaku jaayndeyankooɓe e jaayndeeji no yaarude caggal e nder leyɗe ɗuuɗuɗe e nduu adunaaru. Ko ɗum holli RSF, fedde daraniinde ndiimaaku konngol. Ndee fedde maadinii wonnde fodde jaayndeyankooɓe cappanɗe njeeɗiɗo (67) waraama e adunaaru nduu e ɗii lebbi sappo e ɗiɗi (12) faltiiɗi. Njeeɗiɗo e maɓɓe, ko e nder Afrik pittaali maɓɓe ngitta. Hino woodi kadi jaayndeyankooɓe cappanɗe diftaaɓe e fawaaɓe kaso. Ɗee ɓittanɗe no holla wonnde ardiiɓe Afrik woɓɓe hino jokki torrugol jaayndeyankaagal , e biol Abdoul Malick Diallo, jaayndiyanke kadi hooreejo fedde Presse Solidaire. Ɗii torraaji saabike yo banndiraaɓe amen woɓɓe hulu yantingol kabaaruuji ñiŋooji laamuuji ɗii. Ko ɗum holli Abdoul Malick Diallo. Ko kanko woni koɗo men hannde. Himo jaaboo lamnde Ibraahiima Timmbi Bah.

To Benin, eɓɓoore samminire laamu woopi/woofi. Ɓurɓe ɗuuɗude e konunkooɓe eɓɓunooɓe ngol liɓugol laamu Patrice Talon nanngaama. Ko konunkooɓe leydi Nigeria walliti Benin jaggugol oo bone. Abuja nelduno Cotonou laaɗe weeyo ɗiɗi, faddiiɗe bommbooje e hoore daaka konunkooɓe wonuɓe jaggal ndee eɓɓoore samminere laamu. Fedde Leyɗe hirnaange Afrik CEDEAO nantinii wonndema nde nelday konu Nigeria, Ghana, Cote d’Ivoire e Sierra Leone ngam hiwgol laamu Benin. Hol saabi yo konu Nigeria wallu Benin sakkagol ndee eɓɓoore liɓal laamu ? Holko saabi CEDEAO darike no yaawiri fii hiwgol laamu Patrice Talon ? Koɗo men hannde ko Professeur Bacary Gueye, hertorɗo dawro. Himo jaabo lamnde Ibrahima Timbi Bah.

Hooreeɓe leydi ndi nantini keñen sakkiike samminere, ɗun caggal ndee beete alat oo konunkooɓe yaltii e suudu tele leydi ndii nantinde ɓamti laamu nguu. Ndee eɓɓoore ciwlagol laamu Benin, waɗi e sahaa ndee woteeji hooreeyaku sarti e hitaande warore ndee, woote ɗe fedde mawnde lummndiide laamu ngu " les democrates" tawetaake saabe ɗereeji maɓɓe njaɓaaka. E on saha e bannge rewo Benin caɗeele rafi ndeenaagu ana taska e ɗii lebbi, teeŋti e kippanɗe pelle kuliyankooje.

Konunkooɓe anniyinooɓe samminde laamu ngu hollitii ɗee caɗeele woni sabaabu on alhaali, huunde nde hooreejo Benin jaati Patrice Talon holliti wana goonga. E yeewtere ndee oo waɗi jamma hanki, o noddi ɓiɓɓe leydi ndii njokka golle mum en sabu deeƴere warti e nder ngallure ndee. Yalla holno mbawɗen faamude ndee samminere laamu Benin sakkaade keñen? Koɗo men hannde ko Housseynou BAH, jaayndeyanke, heertoriiɗo Politik.

Omo njaɓo laamɗe Minati DIALLO

FIFA, fedde winndereyaŋkoore huufnge fukuba, ƴetti pellital yamirde clubaaji ɗii heddodaade e fettooɓe maɓɓe afriknaaɓe haa ñande 15 lewru ndu gonɗen. Ɗum ko yontere tan hade foolotiro CAN 2025 to Maroc fuɗɗaade. Ngal pellital ina luulndi aadi woppitde feettooɓe ɓee onte ɗiɗi ko adii foolotiro ngoo ina fuɗɗo. Ɗum ina jogori addande diɗɗe ɗee caɗeele. Holno bawɗen faamirde ngal pellital FIFA ? Holko ngal waawi battinde e heblagol kippuuji Afrik ɗii e oo CAN ? Abdullaay Jallo yeewtidii e Haaruuna Dem, jaayndiyaŋke keeroriiɗo coftal-ɓalli.

E nder lewru 9ɓuru, Konu Maaje Faransi fawii junngo e laana ronndinooka toonuuji 6 doroogu " cocaine" e nder maaje Golf de Guinee, ɗum ko e nder saraaji maayo Afrik hirnaage. Fotde tonuuji 10 njitaama e nder laana. Wona ngol woni laawol aranol. E hitaande 2025, nanngugol doroogu yottiima e nokku maantiniiɗo. Ndee haɓande nde bateau PHA "Tonnere" nde helicoptere "Amphibie" waɗi woni jooni lebbi no tawaa e golle maɓɓe "Corymbe". E nder kaa laana fotde 650 marine e konunkooɓe no tawe e nder mambe. Ñannde golle ina mbaɗa e nder ngol yiilaagol. koɗo men hannde ko Arnaud Bollile no arta e gollle baɗaaɗe ngam fawde jungo e oo drogue e nder mayo Golf de Guinée. O yewtidii e Moussa Oumar Barry et Sory Ibrahima immodiiɓe e oo bateau gila Nouakchott faade Praia.

Doŋre Afrik ina anndiraa wonde nokku ɗo cammine laamu keewi. E nder duuɓi nay, ko famɗi fof leyɗeele jeeɗiɗi e nder duunde ndee, konunkooɓe liɓii laamuuji majje, won heen laabi keewi. Yeru mo ɓoyaani ko samminere laamu to Gine Bisaawo e sahaa mo njaltudi suɓngooji ɗii fadanoo. Holko woni sababuuji tigi-rigi ɗeen cammine laamu e nder Afrik? Mbele ɗum firti ko joofnugol demokarasi e nder ɗen leyɗeele? Kadi holno liɓugol laamu haɓirtee e nder Afrik ? Ko ɗeen ngoni yoga e naamne ɗe koɗo men hannde etotoo jaabaade. Innde makko ko Mammadu Umaar LIH, ko o ganndo dawrugol, keɓtinaaɗo e geɗe Afrik. O yeewtidii e Abdoulaye Diallo.

Mauritanie, Jemma 27 no weetude 28 lewru 11ɓuru, hitaande 1990 konunkooɓe ɓaleeɓe 28 wonuno ko wara. Ɓee, ko hooreeɓe leydi ndii woni ko sahimbini ɓee caggal nde ɓe tuume eɓɓoore liɓal laamu. Gila ɗum, ɓeynguuli walla jom cuuɗi ɓeen konunkooɓe hino jokki ƴamugol hakkeeji maɓɓe. Hitaande kala ñalaande ndeen maanditaare ɓe waɗan seppo.

E nder ɗii lebbi faltiiɗi, laamu Mauritanie holli annuye tottugol ɗii koreeji ɓee konunkooɓe kaalisi ndaamordi, walla njoɓtaari. Kono woɓɓe e kooreeji ɓee konunkooɓe waraaɓe jaɓaa ndee eɓɓoore. E ɓeen no tawaa Maïmouna Alpha Sy ardiiɗo fedde ɗiin koreeji. E bi’ol makko njoɓtaari waawaaka jaɓeede ɓawo sariya. Himo ƴami hooreeɓe leydi Mauritanie udditugol ñaawoore e hoore ngoo warngo. Ko kanko woni koɗo men hannde. Himo jaaboo lamnde

Ibrahima Timbi Bah.

Koɗo men hannde e oo kabaaru heeriiɗo faatiiɗo e Guinee, ko ko Professeur Bacary Gueye hertorɗo dawro. Hiɗen wonndi ɗoo e Ibrahima Timbi Bah ko kanko jáɓɓooto Professeur Gueye.

E leyɗe Afrique ɗuuɗuɗe limoore rewɓe torraaɓe hino ɓeydi. Ko ɗum holli Dieynaba Ndiom, renndoyanke, daraniiɗo hakkeeji rewɓe. Ko saabi ɓeydagol ɗii fitinaaji e hoore rewɓe hino ɗuuɗi, ko kareeli e nder leyɗe, welsindaare, fina-tawaaji e pali walla sakkanɗe sarɗinyankooje woni geɗe gaɗooje sariya oo yuɓɓineede. Ɗum ko yi’annde oo debbo renndoyankeejo. Wano mauritanie, debbo wullitiiɗo caggal doolannde hino waawi kañum tigi faweede kaso. Ngam dartinngol ɗii fitinaaji, Dieynaba Ndiom no waaji janngingol potal ka nder ɓeynguureeji e ka ɗuɗe ɗee kañum e fawugol yaggine e dow torrooɓe rewɓe ɓee. Ko kanko woni koɗo men hannde. Himo jaaboo lamnde Ibrahima Timbi Bah.

Ko Tieman Hubert Coulibaly woni koɗo man hannde. Oo, ko jaagorɗo Mali kiɗɗo kalfinanooɗo geɗe caggal leydi e ndenaagu. Waɗii hannde duuɓi joyi ko o dogi leydi makko, o fayi Cote d'Ivoire. Hannde Mali no jogii caɗeele mawɗe. Fedde kuliyankoore JNIM ɗeɗɗi laamorgo Bamako, dartinii naatugol kuɓɓam e nder leydi ndin. Ɗum saabike Malinaaɓe e faggudu leydi ndii hino wonndi e caɗeele mawɗe.

Hannde kulol mawngol no woodani janngo Mali. E bi’ol Tieman Hubert Coulibaly ko waawi dartinde ɗumɗoo wo ko jonnde kaaldal e kawral.  Himo jaaboo lamnde Sory IBRAHIM