Koɗo men hannde

Cameroun, rewɓe 8 waraama e nder yoyontere, si en tuugike e limoore nde jaagorgal toppitiingal rewɓe e ɓeynguureeji. Ngal limngal hino maapini ardiiɓe Cameroun. Hakkunde lewru 1ɓuru e 4ɓuru, ko famɗi fof, rewɓe 50 waraama. E hitaande faltiinde ko 77 ko fittaandu mun itta, e limooje ardiiɓe ndi ndin. Ɗii warngooli adi dukooji mawɗi e nder Cameroun. Daraniiɓe hakkeeji rewɓe noddi hooreeɓe ɓee, ɓamugol darareeji ngam dartingol ɗii fitinaaji. E bi’ol, Djaïli Amadou Amal, winndiyanke mawɗo, sariya hino haana ñinneede, sakaaɓe ɓee janngine nafoore kiwal rewɓe. Ko kanko woni koɗo men hannde. Djaïli Amadou Amal hino jaaboo laamnde Ibrahima Timbi Bah.

Niger, yoga konunkooɓe eɓɓii samminingol laamu général Abdourahmane Tiani. Ɗum ko ñande jamma aljuma ina weeta aset jawtuɗo oo, kono laataaki. Konunkooɓe daraniiɓe ngam kiwal e ndeenka hooreejo leydi ndin fawi junngo e ɓee konunkooɓe murtuɓe. Ɓeen ko jeyaaɓe e konu heeriingu Niger. Ko kamɓe woni e haɓude e kuliyankooɓe. Ko ngol woni laawol aranol yo konunkooɓe Niger ina eɓɓa liɓugol laamu Général Abdourahmane Tiani e wonndiiɓe mun.

Holko saabii ndee eɓɓoore samminere laamu ? Ko holɗum ndee eɓɓoore battina e ngardiigu Niger ? Mbele ɗum addan luural e nder nguu konu ? Koɗo men hannde ko Dr Mamadou Gaani Sow, hertorɗo kisal, jannginoowo to Iniwersite Nouakchott. Himo jaaboo laamde Ibrahima Timbi Bah..

Guinée Bissau, ɓiɓɓe leydi ndin suɓoto e alat aroowo sariya mawɗo keso. Oo sariya waylan

alhaali laamu Guinée Bissau. Si woote makko laatike, o ɓeydanay hooreejo leydi on doole. Leydi ndi naata e regime présidentiel e ɗemngal faransiire. E bi’ol konunkooɓe ardiiɓe Guinée Bissau, ndee eɓɓoore ko ngam tabintingol laamu demokarasi, dartina lurre hakkunde juɓɓule ndii leydi. Kono lunndiiɓe laamu njaɓaa ɗum.

Ɓe noddii ɓiɓɓe leydi ndin waasa taweede e ɗee woote. Ko baylanɗe honɗe waɗaa e ngal doosgal kesal? Mbele ngal dartinan liɓe laamu heewɗe waɗude e nder ndii leydi? Koɗo men hannde ko Ibrahima Diallo, ardiiɗo fedde politik Congrès National Africain tawaaɗo kadi e CNT, suudu lomtiindu depiteeɓe Guinée Bissau.... Himo jaaboo laamnde Ibrahima Timbi Bah.

Ko en kawtal, hay gooto e men waawata eggude. Ko Abdoualye Maiga, hooreejo jaagorɓe Mali nantini ɗii konnguɗi Abdelmadjid Tebboune, hooreejo Algerie, e nder njillu makko ngu o waɗi Alger. Ɗii konnguɗi hino holli wonndema jokkondiral hakkunde Mali e Algerie moƴƴiti. Ɗum ko caggal lebbi 15 luural hakkunde ɗee leyɗe ɗiɗi. Hooreeɓe ɓee, feññinii faandaare maɓɓe gollidude ngam tabintingol jam e nder diiwal sahel.

Ko holɗum Mali tamƴini heɓugol e nder gollidal maɓɓe e Algerie? Mbele Algerie no e laawol heɓtugol darnde maɓɓe tiɗnde nde ɓe njoginoo e nder diiwal sahel? Koɗo men hannde ko Mamadou Oumar Ly, jogiiɗo ganndal ko faati e ngal diiwal sahel. Himo jaaboo laamnde Ibrahima Timbi Bah..

Guinée, ko yimɓe cappanɗe woni ko maayi e lannoode ndee yontere faltiinde e nder leegal Dar – Es –Salam, e nder Conakry. Ko mowre tuundi walla ñooge wonnde e ngaal leegal woni ko saami e hoore cuuɗi yimɓe hoɗuɓe sera mayre. Sifa ndee kasaare wonaa jooni fuɗɗi. E hitaande 2017, yimɓe 9 maayno ɗon caggal nde ndeen mowre tuundi yani e hoore maɓɓe.

Gila ɗum, hooreeɓe leydi ndin, hino aadi eggingol ndiin toondi wonundi e yimɓe hoɗuɓe sera ɗon. Kono haa hannde ndeen eɓɓoore laataaki. E bi’ol Ibrahima Aminata Diallo, neɗɗo sosiyete siwil Guinée, immiiɗo dari fii yoo ndee mowre tuundi egginee, ko welsindaare tan saabi ɗee mayeele. Ko kanko woni koɗo men hannde. Himo jaaboo laamnde Ibrahima Timbi Bah.

RDC, ñawu ebola no ɓeydo tan yaajude. E nder ndee yontere faltiinde, limoore nde ndee nawnaare wari fawi e 2 000, raaɓaaɓe ɓeen ɓuri 5 000. Ko e oo sahaa fedde adunaaru toppitiinde cellal OMS jeertini wonndema haa hannde nguu ñawu huɓindaaka. E hille, eɓɓooje ardiiɓe RDC ngam haɓugol nguu ñawu waawali ustude layugol maggu. Kolko saabi ɗum ? Fii honɗum ndee nawnaare no saabaade maayeele heewɗe?

Mbele wiɗtooji faatiiɗi nguu ñawu jibinii marke? Koɗo men hannde ko profeseer Thierno Baldé, ardiiɗo saldu OMS haɓooru Ebola e nder République Démocratique du Congo. Himo

jaaboo laamnde Ibrahima Timbi Bah...

République Démocratique du Congo, ñawu ebola no ɓeydo tan yaajude. E nder ndee yontere faltiinde, limoore ɓe ndee nawnaare wari fawi e 2 000, raaɓaaɓe ɓeen ɓuri 5 000. Ko e oo saaha fedde adunaaru toppitiinde cellal OMS jertini wonndema haa hannde nguu ñaw huɓindaaka. E hille, eɓɓooje ardiiɓe RDC ngam haɓugol nguu ñaw waawali ustude layugol maggu. Ko holɗum saabi ɗum ? Fii honɗum ndee nawnaare no saabaade maayeele hewɗe ? Mbele wiɗtooji faatiiɗi nguu ñaw jibinii marke ? Koɗo men hannde ko Dr Alpha Mamoudou Diallo, hertorɗo cellal renndo, joganiiɗo Ebola anndal. Himo jaaboo laamnde Ibrahima Timbi Bah...

Ko Patrick Vieira suɓaa ko wona eltoowo ɗiɗɗal ngenndi fuku-koyngal Senegal. Oo Faransinaao mo duuɓi 50 lomtinaama Pape Thiaw, caggal nde heewɓe ŋiñi golle makko e hoore oo kippu e ngal deesewal fuku koyngal adunaaru faltiingal. Patrick Vieira ardoto ngal ɗiɗɗal leydi ndi o jibina e nder ɗii duuɓi nay arooji ɗoo. E bi’ol Yoro Mangara, jaayndeyankeejo hertorɗo coftal ɓalli, suɓagol Patrick Vieira ko feere moƴƴere. Ko kanko wani koɗo men hannde. Himo
jaaboo laamnde Ibrahima Timbi Bah...

Layugol jeereende e yooro no ɓeydo tan e nduu adunaaru. E nder ɗii duuɓi 30 sakkitiiɗi leyɗe yooruɗe ɗee, ɓeydori 75 %. Ko heewi e ɗeen limoore ko Afrik woni. Ngam ƴeewugol peeje haɓirɗe ngoon yooro, ko ɓuri leyɗe 190 hino renndi fewndoɗoo Mongolie e nder kawrital noddiraangal Cop 17, haɓirngal jeereende. E maggal, dabareeji heñoraaɗi hino haana
ɓameede ngam haɓugol yooro e keesiɗugol leydi, ko ɗum holli Hawa Mohamed Lamine Sidibé Moritaninaajo daraniiɗo kiwal taariindi. Ko kanko woni koɗo men hannde. Himo jaaboo laamnde Ibrahima Timbi Bah...

Guinee ƴamii France hokkitaɓe laalagal (ƴi'al hoore) Bokar Biro Barry,gooto e haɓunooɓe e laamu tuubaaku e ndii leydi ko saabii warngo makko e hitaande 1896,nde ɓee tuubaakooɓe naɓi hoore makko to France.Hannde hooreeɓe Guinee no njelii gartol kedde Bokaar Biro faa ɓe mooɓa ɗum e leydi mum ,ngal waasa hollineede ley suudu mooɓirɗi kaake taariki leydi
France.Ndu kibaaru nanaama balɗe ceeɗa tan caggal nde Guinée ƴamtunoo France dewtere ɓur'aana Samori Toure wuƴƴanoode e ɗin wakkatiiji ɓooyɗi. Guinee no ɗaminii hewtude ƴi’al hoore Bokar Biro Barry hono kuuje taarika ndii leydi keddiiɗe to leyɗe janane.Koɗo men hannde ko Mamadou Dinnde DIALLO,imo wartana en e nafa gartol ngal ƴi’al hono kedde
goɗɗe piiji taariki ndii leydi,ko saabii hooreeɓe Guinée no ɗaɓɓita ɗee kuuje finatawa hannde,ko waɗi Afrik no e hemtaade kedde finatawaaji mum e ɗee leyɗe tuubaakuuɓe naɓunooɗe ndii jawdi e wakkatiiji laamu muɓɓen ɗo Afrik.Keɗoɗen yeewtere hakkunde makko e Rama DIALLO.