Koɗo men hannde

Miliyar 50 dollars, jonneteeɗi e nder duuɓi 3. Ko ɗin hooreejo Siin fodi hooreeɓe Afrik timmuɓe 50 tawaaɓe e jonnde waɗunde e ndee yontere saaliinde hakkunde Siin e Afrik. Ɗii kaalisiiji gollirte e banŋe mahanteeri, ngeygu, ndema e mbaylaaji, e b’iol Cii Jinping, hooreejo Siin. Kono feccere ɗii kaalisiiji ko jonnirteeɗi ñamaande. Mbele ko habbanoo e ndee jonnde koo laatike? Mbele feere newinannde yoɓugol ɗee ñamaale heɓike e ndee jonnde sabu leyɗe hewɗe Afrik hino joganii Siin ñamaale tiiɗɗe? Koɗo men hannde ko Mammadu Faalilu Jallo fagguduyanke. Himo jaaboo lamnde Ibrahiima Timmbi Bah.    

Keɗoɗen ɗoo jooni ñoggannde jewte waɗaaɗe ka taskaram On Tottaama Konngol e nder ndee yontere. Ko Faatumata SI Sawaane waɗani ka Gine

Hannde e alkamisa ñannde 5, 9ɓuru timmata duuɓi tati gila fedde konunkooɓe nde Jeneral Maamadi Dummbuya woni hoore mum ardii leydi ndin. Ɗum ko caggal nde ɓe ciwlii laamu Alfa Konnde e maayde hitaande 2021 tawi himo laamitii mannda tataɓo. E battane ngal ñallal maanditaare duuɓi tati arugol CNRD e laamu, RFI Fulfulde yewtidii e hooreejo jaagorɓe Gine Aamadu Wuuri BAH lollirɗo (BAH Wuuri). Men lamndike mo ko waawa maanditeede e ɗii duuɓi tati laami faddewu. Himo jaaboo lamnde Faatumata Si-Sawaane.

Gila hannde haa e ajuma aroore Pekin no jaɓɓii jonnde faatiinde e jokkondiral hakkunde Shiin e Afrik. Hooreeɓe leyɗe Afrik ɗuuɗuɗe hino tawaa e ndee jonnde. Faandaare hooreeɓe Shin ko mawningol jokkondiral hakkunde maɓɓe e leyɗe Afrik.

Ngal jokkondiral no tiiɗi sabu ko Shiin woni leydi araniri gollidayndi e Afrik e banŋe faggudu. Kaalisiiji heɓiiɗi e ngueygu

hakkunde Pekin e Afrik no fawi e miliyaarji 167 dollars e nder lebbi jeego'o arani e ndee hitaande hikka. Faandaare Shiin ko ɓeydude semmbinnde ngal jokkondiral saaha mo tawata, Leyɗe Ndentuɗe Amerik e Dental Leyɗe Erop hino ballondirde e maɓɓe e nder Afrik, ko ɗum holli Aamadu Bah, hertorɗo faggudu e oogirɗe. Ko kanko woni koɗo men hannde. Himo jaaboo lamnde Ibrahiima Timmbi Bah.

Hooreejo jaagorɓe Españ waɗii njillu e ndee yontere saaliinde e nder leyɗe tati hirnaange Afrik. Pedro Sanchez, yiilike Moritani, Gambi e Senegaal, leyɗe tati laatiiɗe immorde ɗannootooɓe Afrik faadee e Españ. E nguu jillu hooreejo jaagorɓe Españ ciifii sarti
noddiraaɗo immigration circulaire ɗun woni ɗannoo golla arta e leydi mun.

Yo e kiikiiɗe  talaata 26 Pedro Sanchez hooreejo jaagorɗe Espaañ yottii nder Moritani ,toon o yewtidii e  Mohammed Uld Ghazuwani. Caggal ɗon o hewti e Alkamiisa nder Dakaar, Basiiru Jomay Faay jaɓɓii mo.  E toɓɓe jewtaaɗe ɗen, no tawaa geɗe faggudu, tawti ɗee ɗanle ɗe rewaani sariya. Ɓe aadondirii dow dow ko wi'etee Memorandum Cirkulaar woni hokkude ɗannotooɓe ɓee lawol yahude gollowa nde arta e leydi mumen.

Mbele ndee eɓoore waawan dartinnde ɗalle nde rewaani sariya ? Hol nafoore ndee eɓɓoore jogani sukaaɓe Afrik

? Ko Professeur Abubakri Abba Kaan, depiteejo e nder leydi Españ woni koɗo men hannde.

Hertiyankooɓe 35 ummoriiɓe leyɗeele sappo e jeeɗiɗi Afrik timminii heblooji tiiɗɗi to Dakar ko faati e karallaagal ƴeewndagol molekiilji, ina heen PCR e ƴeewndo (sequencing) ngam anndude  sahaa tigi-rigi, mo wiriis "mpox", ganndiraaɗo kadi monkeypox. E bi'ol porofeseer Ceerno Balde gardinooɗo OMS to Dakaar faandaare ɓee hertiyankooɓe, ko yaltingol  "kits (reagent)" baawɗo  wallude ƴeewndo  "sequencing" wiriis oo. yuɓɓinaama e ballondiral e Fedde Adunaare Cellal (OMS) e Fedde Cellal Afrik Hirnaange (OMS). Keɗoɗen porofeseer Ceerno Balde gardinooɗo "hup urgence OMS falnde CEDEAO. 

Hannde ko aljuma e non kala aljuma, ko ñoganɗe ɗe njewtuɗon e nder ndee yontere e nder
taskaram On Tottaama Konngol. Keɗoɗen hakkunde mon e Muusa Umaar Bari

Mali, ko fanɗi fof yimɓe 15 waraama e alatiire faltiinde Tinzaouatène, keerol hakkunde Mali e Aljeri. E bi’ol yimɓe hoɗuɓe e oo nokku wonndude e murtuɓe CSP ko konu Mali wari ɓee, tawi ko siwilɓe. Konnguɗi ɗi Konu Mali yeddii. Bamako hollii kañun ko kuliyankooɓe wari. Ko laatii ko laaɓi e oo alhaali, ɓee waraaɓe, ko dronji saabii mayde maɓɓe. Wonaanon e ngol laawol ɗoo Konu Mali fuɗɗii gollirde Dron. Ko honɗun woni Dron ? Ko holno ɗun gollirtee, ko honto soodetee ? Koɗo men hannde ko neɗɗo mawɗo. Oon ko Jeneral Usmaan Kaan, hooreejo kiɗɗo  konu weeyo Senegaal. Himo jaaboo lamnde Ibrahiima Timmbi Bah.    

Fijooji Paralimpik fuɗɗoto hannde to Pari laamorgo Faransi. Ko ateleetɓe jukkuɓe walla ŋakkuɓe terɗe fottata e ngal kawrital waɗoowal haa ñannde 8 lewru 9 ɓuru. Hikka ko Ateleetɓe ujune 4 jeyaaɓe e leyɗe 182 tawtortee. E ɓen, 314 ko Afriknaaɓe. Mbele hiɓe waawaa heɓude medaayuuji e ngal pottital? Mohamed Abdullay Hameed, koolaaɗo kuuɓal fedde Handisport Moritani. Hino jaaboo lamnde Ibrahiima Timmbi Bah

. 

Gine, yimɓe 14 waraama hakkunde lewru 1ɓuru e 3ɓuru e nder ndee hitaande hikka. Ɓee yimɓe 14 ko konunkooɓe leydi ndii saabii mayde maɓɓe e nder seppooji, haɗaaɗi. Ko ɗun salndu fedde adunaaru ONU, daraniindu hakkeeji neɗɗanke jooɗiindu Gine holli e nder ciimtol. Ndee winndannde maandinii wonndema teddinngol hakkeeji neɗɗanke hino ŋaki Gine Sanne. Ko Ceerno Saadu Jallo toppitii njuɓɓudi nduu salndu ONU e nder Gine. O holli ɓe ƴamii cuuɗi ñaawirɗi ɗii yo udditu tefoore e ɗii warngooji.  Ko kanko woni koɗo men hannde. Heɗoɗen mo e faandu haala Ibrahiima Timmbi Bah.