Koɗo men hannde

By RFI Fulfulde

Koɗo men hannde episodes

May 06, 2024 Pelle rewɓe afriknaaɓe nantinii ɓe waɗan diiño yeeso suudu sariya Banjul ngam dartinnde ndee eɓɓoore faade haddugol rewɓe nder Gammbiya
Gooto e depiteeɓe Gammbiya, naɓii eɓɓoore sariya ka suudu sarɗiyankooɓe ngam dartinngol sariya haɗuɗo sunningol walla haddugol sukaaɓe rewɓe. Si ndee eɓɓoore laatike, haddugol sukaaɓe rewɓe ɓee, laatoto ko newinaa. Kono pelle rewɓe ɗuuɗuɗe huɗuɓe Gammbiya e caggal leydi hollii oo sariya waawaa laataade. E ndee yontere faltiinde, rewɓe afriknaaɓe iwii Senegaal, Mali, Moritani e leyɗe goɗɗe nantinii yahan Banjul ngam waɗugol diiño yeeso suudu sarɗiyankooɓe ɓee e ɗee balɗe ngarooje. E ɓen no tawaa Faatimata Jallo Ba, winndiyanke, heɓanoowo hakkeeji rewɓe. ko kanko woni koɗo men hannde. Himo jaaboo lamnde IbrahiimaTimmbi Bah.
5 min
May 02, 2024 Holko saabii Basiiru Jomaay Faay suɓiima wadde njillu mum aranu e nder ɗee leyɗe tati ɗe Moritani, Gammbi e Gine? Keɗoɗen
Hooreejo laamu Senegaal hari hino e njillu Gine-Bisawo e ndee talataare. Ko ndii woni leydi tataɓiri ndi Basiiru Jomay Fay jehi e muuɗun gila o suɓa hooreejo Senegal. Hari o yiillike e Moritani wonndude e Gammbi e ɗee balɗe saaliiɗe. Holko saabii yo o suɓo ɗee leyɗe tati e nder njillu makko aranu?....

Mbele ko laawol politik caggal leydi ngol Makki Saal hooreejo leydi kiɗɗo wonunoo e mun, Basiiru Jomay Fay jokkitoto? Koɗo men hannde ko Elhaaj Seydu Nuuru Jah, jaayndeyankeejo, hertorɗo politik. Himo jaaboo lamnde Ibrahiima Timmbi Bah
6 min
May 01, 2024 Senegaal: e ndee ñalaande mawninoore gollooɓe, senndikaaɓe kollitii ɗaminaare mum en..keɗoɗen
Ko hannde ñannde go’o lewru jowaɓuru adunaaru ndun mawninta ñalawma teddiniraaɗo gollooɓe. Hikka gollooɓe Senegaal, mawninee oo ñalawma e sahaa mo hooreejo keso suɓaa ka hoore laamu. Kawtal pelle senndikaaji rendinɗi golloɓe no haɓɓorii Bassiiru Jomaay Faay ko heewi, tinŋtini ko faati e ɗoftagol hakkeeji gollooɓe ɓee e ɗuytugol coggu ñaameteeji ɗin.

Ngam yewtude e dow oo alhaali Abdullaay Jallo bismiima Suleymaan JALLO cukko hooreejo CNTS, kawtal pelle sendikaabe ɓurnde keptinaande e nder Senegaal. Heɗoɗee
.
6 min
April 29, 2024 Kanal Pulaagu udditan hannden dow Kanal+, keɗoɗen Jibi Uldu BA, hooreejo ndee eɓɓoore
Gila hannde e yamnde 12 on waawan ndaarude filmuuji e calcale e nder Kanal Pulaagu. Oo,ko Kanal (Chaine) keso mo Kanal+ waɗi e ɗemngal Fulfulde. E nder makko, ɓe hollan filmuujie calcale fewnaaɗe hono Senegaal, Gine, Mali Maroritani, haa hewta Kamerun…. Calcalefaatiiɗe e finaa-tawaaji Fulɓe. Ko ɗun holli men Jibi Uldu Bah, hooreejo oo Kanal Pulaaku. Kokanko woni koɗo men hannde. Oo maadinii wonndema ɓe waɗii honon oo kanal eMandenka. Himo jaboo lamnde Ibrahiima Timmbi Bah.
6 min
April 25, 2024 Hannde hiɗen jaɓɓii MARIYO SISSOKO teral fedde PAIGC nde Gine Bissaawo, himo arta e darnde ndee fedde ko yowitii e jeytaare leydi ndii
Hannde e alkamisa waɗii duuɓi 50 gila laamu njaggu follaa walla liɓaa Portigal. Ko ngal liɓal laamu saabii yo leyɗe afriknaaje hono Angola, Mozambik, Kapveer e Gine-Bissaawo ɗe Portigal ardornoo doole, heɓti ndimaagu majje. MARIYO SISSOKO, no tawanoo e ardiiɓe PAIGC, fedde konu e dawro Gine-Bisawo daraniinde ndimaagu leydi mayre. Ko kanko woni koɗo men hannde. Himo e faandu haala "Christophe BOISBOUVIER", banndiraawo amen mo rfi faransiire, MARIYO SISSOKO anndintina golle ɗe ɓe waɗi ngam yo leydi maɓɓe heɓtu ndimaagu mayri. Himo tuumi leyɗe haalooje faransiire kawtalje Gine-Bisawo saabagol anngal deeƴere laamu e nder leydi makko. Heɗoɗen mo.
6 min
April 24, 2024 Benen: e bi'ol Dr Abdel Aziiz Mosi, jannginoowo e iniwersite Paraku, cemmbe kuliyankooɓe ina ɓeydoo ngam ciwlanɗe ɗe ɓen ngaɗata
kuliyankaaku no taskaa e nder Atakora e Alibori baŋŋe rewo leydi ndii gila hitaande 2021. Fitinaaji ɓen kuliyankooɓe hino ɓeydoo ko sakkitiiɗo. Sabu hakkunde hitaande 2022 e hitaande 2023, ko timmi ciwlanɗe walla eɓɓooje ciwlanɗe 106 waɗii e nder ɗee Diiwe ɗiɗi e bi’ol Dr Abdel Aziiz Mosi, jannginoowo e iniwersite Paraku. E faandu haala Ibrahiima Timmbi Bah, o holli wonndema ɗee ciwlanɗe ko ngam ɓeydude cemmbe ɓee kuliyankooɓe. Ko kanko woni koɗo men hannde.
5 min
April 23, 2024 E bi'ol Huseeni BA hertorɗo falnde Sahel, Mali haanaa jaɓude haɓidugol Moritani e oo saaha
Lurral no taskaa hakkunde Moritani e Mali. Ko naatugol konunkooɓe Mali e gollidiiɓe maɓɓe Wagneer e nder Moritani saabii ngal luural. Sabu ɓee konunkooɓe no tuumaa waɗude fitinaaji e hoore siwilɓe Moritani. Konunkooɓe ardiiɓe laamu faddewu Mali imminii jaagorɓe maɓɓe Nuwakshoot ngam ñippigol ngal faayondiral kono ɗum battinaali. Sabu jaagorgalMoritani halfinaangal jokkondiral e leyɗe janane, noddii amabasaaderjo Mali jooɗiiɗo Nuwakshoot ngam hollugol mo mette-maɓɓe e ɗii fitinaaji. E bi’ol Huseyni Bah, wonaa e ngol laawol ɗoo Mali fuɗɗi waɗude fitinaaji siwilɓe Moritani. E faandu haala IbrahiimaTimmbi Bah, o ɓeydii wonnde Mali haanaa jaɓude haɓidude Moritani e oo saaha ɗoo. Keɗoɗen mo.
6 min
April 22, 2024 Artirgol deftirdu Lewopoold Sedaar Sengoor nder Senegaal, wallan janngooɓe e wiɗtotooɓe afriknaaɓe, ko bi'ol Porofeseer Muhammadu Mustafa Sow, jannginoowo taariika to Iniwersite Sheek Anta Diop. Keɗoɗen mo
Hooreeɓe leydi Senegaal aadike soodugol Deftirdu Lewopoold Sedaar Sengor ɗun won "bibliothèque" e Faransiire. Nduu deftirdu hooreejo Senegaal kiɗɗo, toowa ganndaljo ko Faransi wonanoo e yeeyeede. Artirgol ɗen defte timmuɗe teemeɗɗe nder Senegaal wallan sukaaɓe e wiɗtotooɓe Afriknaaɓe sanne e nder jannde maɓɓe. Ko ɗun hollii Porofeseer Muhammadu Mustafa Sow, jannginoowo taariika to IniwersiteSheek Anta Diop, mo Dakar. Ko kanko wonii koɗo men hannde. Himo jaaboo lamnde Ibrahiima Timmbi Bah.
6 min
April 19, 2024 Ñoggande yoga e miijooji neldaaɗi ka taskaram On Tottaama Konngol e ndee yontere
Keɗoɗen ɗoo jooni ñoggannde jewte waɗaaɗe ka taskaram On Tottaama Konngol e nder ndee yontere. Ko Muusa Umaar Bari waɗani en ndee ñoggande.
6 min
April 18, 2024 Benen: sukaaɓe durooɓe eltaama ko faatii e moƴƴinngol kosam e huɗo daabaaji. Isaaka Sumanu hooreejo mojobere Kisal Benin no sifoo ko woni faandaare nden
Fedde Kisal Benin e dow ballal ammbasadeer Faransi no heblude sukaaɓe durooɓe cappanɗe. Ngon hablo hino faatii e moƴƴingol kosam e huɗo daabaaji. Faandaare ndee, ko ɓamtugol ngaynaaka e nder wallugol sukaaɓe ɓee heɓugol golle. Sabu, e bi’ol Isaaka Sumanu hooreejo mojobere Kisal Benin, so ɓee sukaaɓe dañii golle ɓe naanataa e fitinaaji ɗi kuliyankooɓe woni e saabaade. Ko kanko woni koɗo men hannde. Himo jaaboo lamnde Hammadi Aadamu.
5 min

About Koɗo men hannde

From the publisher's feed

RFI Fulfulde no waɗa maakodal (tintidal) hoɓɓo, hertiyankooɓe e dillooɓe e baŋŋeeji kala. Ley oo taskaram heɗee yi'aango maɓɓe, miijooji maɓɓe e taskanɗe maɓɓe.