Kosmos 94.1 Landbou

Die Namibiese Ministerie van Landbou is steeds in konsultasie met die Openbare Dienste Bestuursafdeling van die regering om 51 poste te skep vir staatsveeartse regoor die land. Die aansoek is deur die Ministerie in Februarie gedoen. Die Ministerie het toestemming ontvang om die poste te skep op die voorwaarde dat daar ‘n verlaging sal wees in salarisse vir die poste wat op vlak 6 van openbare dienste is. Dr Albertina Shilongo die Ministerie se Hoof Veeartsenybeampte gesels met ons vanoggend...

Daar is kommer oor toekomste tekorte aan slagdiere by Meatco. Dit beïnvloed meer as net uitvoerkwotas maar het ook ‘n invloed op die huide wat uitgevoer word na die Italiaanse leermark. Rosa Hamukuaja-Thobias, die Bestuurder van Korporatiewe Aangeleenthede sluit by Kosmos 94.1 Landbounuus aan en sê die markte met die hoogste waarde sal spesiale aandag geniet...

Talle boere en voerkraaleienaars weet eerstehands watter skade longkwale vir ’n beesboerdery kan inhou. Alhoewel longontsteking ’n multifaktoriale siekte is en ’n groot verskeidenheid virusse daartoe kan lei, word besmetlike beesrinotrageïtis gereeld in kuddes en voerkrale gediagnoseer. Dr Faffa Malan, bekende Suid-Afrikaanse veearts is ons gas vanoggend om meer hieroor te gesels....

Reaksie is ontvang oor die onderhoud wat Kosmos 94.1 Landbounuus oor die prys en produksie van avokado’s in Namibië gedoen het met Derek Donkin van Suptrop in Suid-Afrika... die onafhanklike landbou navorser Wallie Roux gesels vanoggend met ons oor die plaaslike produksie van avokado’s en dan, ook die nuwe heffings wat die Namibiese Akkerbouraad ingestel het op groente en vrugte...

Daar is talle besprekingspunte oor die druk van Covid-19 op produsente in Namibië, maar baie min word gesê oor plaaswerkers en die impak van die pandemie op hulle bestaan. Danie van Vuuren die Landbou Werkgewersvereniging by die Namibiese Landbou Unie sluit by ons aan...

Landbou kenners het hulle kommer uitgespreek oor die profyt wat op die oomblik gemaak word op die verkoop van avokado's in Namibië. Kenners meen die verkoopsprys in Namibië vir Suid-Afrikaanse avokado’s is tussen 300 en 1 000 persent van dit wat die produsent vra. Derek Donkin van Subtrop in die buurland wat avokado, lietsjie en mango produsente bystaan, is ons gas.

Agra se gewilde jaarlikse speenkalf kompetisie word vandag van stapel gestuur by ‘n spikkeries geleentheid by die Agra Bank Windhoek Ring by die Skougronde in Windhoek. Piet Stoman van Agra het meer...

Daar is ‘n nuwe aanlyn inisiatief vir boere in Namibië - farmersonline punt com punt na... dit is ‘n kreatiewe platform vir veilings en selfs die koop en verkoop van plaasgereedskap en ander goedere. Die stigter, David Tiboth is ons gas...

George Potgieter, 2018 Suid-Afrikaanse Wildboer van die Jaar, sê die uitdagings vir die bedryf is enorm. Baie wildsplase kan verwag om 80% van hul inkomste te verloor en indien die inperkings onbepaald voortduur, en dit kan selfs meer wees. Dit is ’n kettingreaksie waarin die internasionale jagmark die waarde van teeldiere bepaal en stoetwild se veilingspryse onder druk plaas. Hy gesels met ons hieroor...

Die Namibiese Akkerbouraad het ‘n memorandum van verstandhouding onderteken met die Universiteit van Namibië vir navorsing in verband met plaaslike produksie, waarde toevoeging, bemarking en meer, van gewasse in die land. Die hoop is dat die navorsing sal lei na verbeterde voedselsekerheid in die land. Fidelis Mwazi, die Hoof Uitvoerende Beampte van die Akkerbouraad gesels in diepte met ons hieroor vanoggend.