ಕಥೆ ಖಜಾನೆ - ಕನ್ನಡ

ಲೇಖಕರು : ಸ್ಟೋರಿವೀವರ್ರಿಗಾಗಿ ಸೌರ ವ್ರೈಟರ್ಸ್ ಗ್ರೂಪ್
ನಿರೂಪಕರು : ಸುಂದರ್ ರಾಜ್
ಸಂಪಾದಕರು : ಸೌಮ್ಯ ಕೆ.ಎನ್

ಒಂದು ಬುದ್ಧಿವಂತ ಮೊಲ ತನ್ನ ಸ್ನೇಹಿತ ಆಮೆಗೆ ಸಹಾಯ ಮಾಡುತ್ತದೆ. ಅವೆರಡೂ ನರಿಯನ್ನು ಹೇಗೆ ಮೋಸಗೊಳಿಸಿದವು ಎಂಬುದನ್ನು ತಿಳಿಯಿರಿ.

ಆಹಾರಕ್ಕಾಗಿ ಒಂದು ಪ್ರಾಣಿ ಮತ್ತೊಂದು ಪ್ರಾಣಿಯನ್ನ ಅವಲಂಬಿಸಿರುವ ಆಹಾರ ಸರಪಳಿಯ ಕುರಿತು ಮಕ್ಕಳಿಗೆ ಈ ಕಥೆಯ ಮೂಲಕ ತಿಳಿಸಿಕೊಡಬಹುದು. ಅಲ್ಲದೇ, ಕಾಡಿನಲ್ಲಿ ಕಾಡುಪ್ರಾಣಿಗಳ ಜೀವನ ಶೈಲಿ ಹೇಗಿರುತ್ತದೆ ಎಂಬುದನ್ನ ಮನವರಿಕೆ ಮಾಡಿ ಕೊಡಬಹುದು. ಬುದ್ದಿವಂತಿಕೆ ಮತ್ತು ಸಂವಹನ ಕೌಶಲ್ಯವು ಸಂಕಷ್ಟದ ಸಂಧರ್ಭದಲ್ಲಿ ಹೇಗೆ ಬಳಕೆಗೆ ಬರುತ್ತದೆ ಎಂಬುದರ ಕುರಿತು ಚರ್ಚಿಸಬಹುದು. ಕಷ್ಟಕಾಲದಲ್ಲಿ ಸ್ನೇಹಿತರು ಪರಸ್ಪರ ನೆರವಾಗಬೇಕೆಂಬ ನೀತಿ ಮಕ್ಕಳಿಗೆ ಮನದಟ್ಟಾಗುವಂತೆ ಮಾಡುಬಹುದು. ಕಥೆಗೆ ಸಂಬಂಧಿಸಿದಂತೆ ಮಾಡಬಹುದಾದ ಕೆಲವು ತರಗತಿಯ ಚಟುವಟಿಕೆಗಳು :

1. "ಈ ಕಥೆಯಲ್ಲಿ ನಿಮಗೆ ಇಷ್ಟವಾದ ಪಾತ್ರ ಯಾವುದು ಮತ್ತು ಏಕೆ?" ಎಂದು ಕೇಳಿರಿ.
2. ನರಿಯ ಸಂಕಷ್ಟದಲ್ಲಿ ಆಮೆ ನೆರವಾಗುವಂತೆ ಕಥೆಯನ್ನು ನಿಮ್ಮದೇ ಆದ ಕಲ್ಪನೆಯಲ್ಲಿ ಮುಂದುವರೆಸಿ.
3. ಸಂಕಷ್ಟದ ಸನ್ನಿವೇಶದಲ್ಲಿ ಸ್ನೇಹಿತರು ನೆರವಾಗುವುದಕ್ಕೆ ಸಂಬಂಧಿಸಿದಂತೆ ಮಕ್ಕಳ ಅನುಭವವನ್ನು ಸಂಗ್ರಹಿಸುವುದು.
4. "ಈ ಕಥೆಯಲ್ಲಿ ಕಂಡುಬಂದ ನೀತಿಯನ್ನು ನಿಮ್ಮ ಜೀವನದಲ್ಲಿ ಹೇಗೆ ಅಳವಡಿಸಿಕೊಳ್ಳುವಿರಿ" ಎಂದು ಮಕ್ಕಳಿಗೆ ಕೇಳಬಹುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಸಂಜೀವ್ ಜೈಸ್ವಾಲ್
ನಿರೂಪಕರು : ಮಧು ಹೆಚ್.ಸಿ
ಸಂಪಾದಕರು : ನೂರ್ ಫಾತೀಮಾ

ಗೆಳೆಯರ ಜೊತೆ ಓಟದಲ್ಲಿ ಎಲ್ಲರಿಗಿಂತ ಮುಂದೆ ಓಡುತ್ತಿದ್ದ ಜಿಂಕೆಗೆ ಇದ್ದಕ್ಕಿದ್ದಂತೆ ಏನಾಯ್ತು ನೋಡಿ?

ಈ ಕಥೆಯ ಮೂಲಕ ಮಕ್ಕಳಿಗೆ ಹೊಸ ಪದಗಳ ಪರಿಚಯ, ಸರಳ ವಾಕ್ಯ ರಚನೆ ಹಾಗೂ ವಿವಿಧ ರೀತಿಯ ಪ್ರಾಣಿಗಳ ಪರಿಚಯವನ್ನು ಮಾಡಿಕೊಡಬಹುದು. ಕಥೆಗೆ ಸಂಬಂದಿಸಿದಂತೆ ಮಾಡಬಹುದಾದ ಕೆಲವು ತರಗತಿಯ ಚಟುವಟಿಕೆಗಳು :

1. ಮಕ್ಕಳು ಸ್ನೇಹಿತರೊಂದಿಗೆ ಯಾವೆಲ್ಲಾ ಆಟ ಆಡುತ್ತಾರೆ ಹಾಗೂ ಅದರ ಅನುಭವ ಕುರಿತು ಮಾತನಾಡಲು ಅವಕಾಶ ಮಾಡಿಕೊಡುವುದು
2. ಮಕ್ಕಳು ಬಿದ್ದಾಗ ಅವರ ಪೋಷಕರು ಅವರನ್ನು ಹೇಗೆ ಸಮಾಧಾನ ಮಾಡುತ್ತಾರೆ ಎಂಬುದನ್ನು ಚರ್ಚಿಸುವುದು
3. ಜಿಂಕೆಯ ಸ್ಥಾನದಲ್ಲಿ ನೀವಿದ್ದಿದ್ದರೆ ಏನು ಮಾಡುತ್ತಿದ್ದಿರಿ? ಎಂಬುದನ್ನ ಕಲ್ಪಿಸಿಕೊಂಡು ತಿಳಿಸಿ.
4. ಜಿಂಕೆಯು ಬಿದ್ದಾಗ ಅದರ ಸ್ನೇಹಿತರು ಓಟವನ್ನು ಬಿಟ್ಟು ಜಿಂಕೆಯ ಸಹಾಕಾರ ನಿಂತುದರ ಕುರಿತು ಮಕ್ಕಳ ಅಭಿಪ್ರಾಯ ಸಂಗ್ರಹಿಸುವುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಬಿಜಲ್ ವಚ್ಚರಜಾನಿ
ನಿರೂಪಕರು : ಬಸವರಾಜಪ್ಪ
ಸಂಪಾದಕರು : ಬಸವರಾಜಪ್ಪ

ತಿನ್ನುವುದನ್ನು ಇಷ್ಟಪಡುವ ನೀಮಾಳನ್ನು ಭೇಟಿ ಮಾಡಿ. ಜಾರುವ ಲಿಚಿ, ಮೆತ್ತಗಿನ ನೇರಳೆ ಹಣ್ಣು, ಹುಳಿಯಾದ ಹುಣಸೆ, ಹೊಳೆಯುವ ಪಾಲಕ್ – ಅವಳಿಗೆ ಎಲ್ಲವೂ ಇಷ್ಟ!! ತಿನ್ನುತ್ತ, ಅಗಿಯುತ್ತ ವರ್ಷವಿಡಿ ಕಳೆಯುವ ನೀಮಾ ಜೊತೆ ನೀವೂ ಸೇರಿಕೊಳ್ಳಿ..

ಈ ಕಥೆಯ ಮೂಲಕ ಮಕ್ಕಳಿಗೆ ಋತುಗಳು ಹಾಗೂ ಅದರ ಗುಣಲಕ್ಷಣಗಳನ್ನು ತಿಳಿಸಿಕೊಡಬಹುದಲ್ಲದೇ ನಿರ್ದಿಷ್ಟ ಋತುಗಳಲ್ಲಿ ದೊರೆಯಬಹುದಾದ ವಿವಿಧ ತರಕಾರಿ ಮತ್ತು ಹಣ್ಣುಗಳು ಹಾಗೂ ಆರೋಗ್ಯ ವೃದ್ದಿಸುವಲ್ಲಿ ಅವುಗಳ ಮಹತ್ವದ ಕುರಿತು ತಿಳಿಸಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು. 

1. ಕಥೆಯಲ್ಲಿ ಕಂಡುಬಂದಂತಹ ಕಾಲಗಳು ಯಾವುವು? ಅದರಲ್ಲಿ ನಿಮಗಿಷ್ಟವಾದ ಕಾಲ ಯಾವುದು? ಮತ್ತು ಯಾಕೆ? ಎಂದು ಚರ್ಚಿಸುವುದು.
2. ನಿರ್ದಿಷ್ಟ ಋತುಮಾನದಲ್ಲಿ ಕಂಡುಬರುವ ಹಣ್ಣುಗಳು ಮತ್ತು ತರಕಾರಿಗಳನ್ನು ಪಟ್ಟಿ ಮಾಡಲು ತಿಳಿಸುವುದು.
3. ಬೇಸಿಗೆ, ಮಳೆ ಹಾಗೂ ಚಳಿಗಾಲದಲ್ಲಿ ಕಂಡುಬರುವ ವಾತಾವರಣದ ಲಕ್ಷಣಗಳನ್ನು ತಿಳಿಸಿ.
4. ಋತುಮಾನಗಳಿಗೆ ತಕ್ಕಂತೆ ನಾವು ಸೇವಿಸಬೇಕಾದ ಆಹಾರ, ತೊಡಬೇಕಾದ ಬಟ್ಟೆ ಹಾಗೂ ಉತ್ತಮ ಆರೋಗ್ಯಕ್ಕಾಗಿ ಅನುಸರಿಸಬೇಕಾದ ಕ್ರಮಗಳನ್ನು ಕುರಿತು ಗುಂಪಿನಲ್ಲಿ ಚರ್ಚಿಸಿ.

ಲೇಖಕರು : ಸ್ಟೋರಿವೀವರ್ರಿಗಾಗಿ ರುಕ್ಮಿಣಿ ಬ್ಯಾನರ್ಜಿ
ನಿರೂಪಕರು : ಪ್ರಶಾಂತ್
ಸಂಪಾದಕರು : ಸೋಮಶೇಖರ್

ಮಕ್ಕಳು ತಮ್ಮ ಅನುಭವವನ್ನು ಇತರರೊಂದಿಗೆ ಹಂಚಿಕೊಳ್ಳಲು ಬಯಸುತ್ತಾರೆ. ಪುಸ್ತಕ ಕೊಳ್ಳಲು ಹೋಗುವುದು ಅಂತಹ ಅನುಭವಗಳು ಹೇಗೆ ಮಜಾ ಕೊಡುತ್ತವೆಂದು ತಿಳಿಸುತ್ತದೆ.

ಪುಸ್ತಕಗಳ ಪ್ರಾಮುಖ್ಯತೆಯನ್ನು ಚರ್ಚಿಸುವುದರ ಮೂಲಕ ಮಕ್ಕಳಿಗೆ ಪುಸ್ತಕ ಓದುವಂತೆ ಪ್ರೇರೇಪಿಸುವುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು.

1. ಕಥೆಯನ್ನು ಮಕ್ಕಳು ತಮ್ಮ ಸ್ವಂತ ಮಾತುಗಳಲ್ಲಿ ಹೇಳುವಂತೆ ತಿಳಿಸುವುದು.
2. ಮಕ್ಕಳಿಗೆ ತಿಳಿದಿರುವ ಪುಸ್ತಕಗಳನ್ನು ಪಟ್ಟಿ ಮಾಡುವುದು.
3. ಮಕ್ಕಳು ಓದಿರುವ ಪುಸ್ತಕಗಳ ಅನುಭವವನ್ನು ಪರಸ್ಪರ ಗುಂಪಿನಲ್ಲಿ ಹಂಚಿಕೊಳ್ಳುವಂತೆ ತಿಳಿಸುವುದು.
4. ಪುಸ್ತಕಗಳ ಪ್ರಾಮುಖ್ಯತೆಯ ಬಗ್ಗೆ ಚರ್ಚಿಸುವುದು.
5. ಪುಸ್ತಕಾಲಯದಲ್ಲಿ ಮಕ್ಕಳಿಗೆ ಆಗಿರುವ ಅನುಭವಗಳ ಕುರಿತು ಹಂಚಿಕೊಳ್ಳಲು ತಿಳಿಸುವುದು.
6. ಮಕ್ಕಳಿಗೆ ಆಸಕ್ತಿಕರವಾದ ಸಣ್ಣ ಪುಸ್ತಕಗಳನ್ನು ಓದುವುದಕ್ಕೆ ಒದಗಿಸುವುದು. ನಂತರ ಅದರ ಅನುಭವವನ್ನು ಹಂಚಿಕೊಳ್ಳಲು ತಿಳಿಸುವುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಮ್ಯಾಥ್ಯೂ ಕಲೀಲ್
ನಿರೂಪಕರು : ನಟೇಶ್ ಕುಮಾರ್ ಆರ್.ಜಿ
ಸಂಪಾದಕರು : ನಟೇಶ್ ಕುಮಾರ್ ಆರ್.ಜಿ

ಅಮೀರ್‌ನಿಗೆ ಫಾರೂಕಜ್ಜನ ತೋಟ ಎಂದರೆ ತುಂಬಾ ಇಷ್ಟ. ಆದರೆ, ಯಾವುದೋ ಕೀಟಗಳು ತೋಟದ ಗಿಡಗಳನ್ನೆಲ್ಲ ತಿನ್ನುತ್ತಿವೆ. ಕೀಟಗಳಿಂದ ಗಿಡಗಳನ್ನು ರಕ್ಷಿಸಲು ಅಮೀರ್ ಏನು ಮಾಡಬಹುದು?

ಪರಿಸರದ ಪ್ರಾಮುಖ್ಯತೆಯನ್ನ ಅರಿತು ಪರಿಸರದೊಂದಿಗೆ ಉತ್ತಮ ಭಾಂಧವ್ಯವನ್ನು ಹೊಂದುವ ಮೂಲಕ ಅದನ್ನ ಉಳಿಸಿ-ಬೆಳೆಸಿ ಮುಂದಿನ ಪೀಳಿಗೆಗೆ ಹಸ್ತಾಂತರ ಮಾಡುವ ಸುಸ್ಥಿರ ಅಭಿವೃದ್ಧಿಯ ಕುರಿತಾಗಿ ಮಕ್ಕಳಿಗೆ ತಿಳಿಸಬಹುದು. ಮಕ್ಕಳಿಗೆ ಪರಿಸರದ ಕುರಿತು ಆಸಕ್ತಿ ಮೂಡಿಸಿ ಕೈದೋಟ ಬೆಳೆಸಲು ಪ್ರೇರೇಪಿಸುವ ಮೂಲಕ ಮಕ್ಕಳಲ್ಲಿ ಪರಿಸರ ಪ್ರೇಮವನ್ನು ಹುಟ್ಟಿಸಬಹುದು. ಕಥೆಗೆ ಸಂಬಂದಿಸಿದಂತೆ ಮಾಡಬಹುದಾದ ಕೆಲವು ತರಗತಿಯ ಚಟುವಟಿಕೆಗಳು :

1. ಮಕ್ಕಳೊಂದಿಗೆ ಪರಿಸರದಲ್ಲಿ ಕಂಡುಬರುವ ವಿವಿಧ ರೀತಿಯ ಗಿಡ-ಮರ, ಹೂವು-ಹಣ್ಣು, ಪ್ರಾಣಿ-ಪಕ್ಷಿಗಳ ಕುರಿತು ಚರ್ಚಿಸಬಹುದು.
2. ಮರಗಳ ಪ್ರಾಮುಖ್ಯತೆ ಕುರಿತು ಚರ್ಚಿಸುವುದು.
3. ಮಕ್ಕಳು ತಮ್ಮ ಊರುಗಳಲ್ಲಿ ರಸ ಗೊಬ್ಬರ ತಯಾರಿಸುವ ಬಗ್ಗೆ ಚರ್ಚಿಸಬಹುದು.
4. ಪರಿಸರ ಸ್ನೇಹಿ ದುಂಬಿಗಳು (ಕೀಟಗಳು) ಹಾಗೂ ಪರಿಸರ ನಾಶ ಪಡಿಸುವ ಕೀಟಗಳ ಕುರಿತು ಚರ್ಚಿಸಬಹುದು.
5. ನಿಮ್ಮ ಕುಟುಂಬದ ಸದಸ್ಯರೊಂದಿಗೆ ನೀವು ಯಾವಾಗಲಾದರೂ ತೋಟದಲ್ಲಿ ಕೆಲಸ ಮಾಡಿದ್ದೀರಾ? ನೀವು ಇದರಿಂದ ಏನನ್ನು ಕಲಿತಿದ್ದೀರಿ?
6. ನೀವು ತೋಟ ಅಥವಾ ಉದ್ಯಾನವನದಲ್ಲಿ ನೈಸರ್ಗಿಕ ಸ್ಥಳದಲ್ಲಿ ಸಮಯ ಕಳೆಯುವಾಗ ನಿಮಗೆ ಹೇಗನಿಸುತ್ತದೆ?
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಸೋರಿತ್ ಗುಪ್ತೋ 
ನಿರೂಪಕರು : ಪ್ರದೀಪ್
ಸಂಪಾದಕರು : ಚಂದ್ರಶೇಖರ್

ಬಂಟಿ ಎಂಬ ಹುಡುಗಿಗೆ ಸೋಪು ಹಚ್ಚಿ ಸ್ನಾನ ಮಾಡುವುದು ಎಂದರೆ ಚೂರು ಇಷ್ಟವಿಲ್ಲ. ಬಂಟಿ ಒಂದು ರಾತ್ರಿ ಕನಸನ್ನು ನೋಡುತ್ತಾಳೆ. ಕನಸಿನಲ್ಲಿ ಅವಳು ಏನನ್ನು ನೋಡುತ್ತಾಳೆಂದು ತಿಳಿಯೋಣಾ ಬನ್ನೀ?

ಮಕ್ಕಳಿಗೆ ದೈನಂದಿನ ಜೀವನದಲ್ಲಿ ಸ್ವಚ್ಛತೆಯ ಪ್ರಾಮುಖ್ಯತೆ ಮತ್ತು ಆರೋಗ್ಯದ ಬಗ್ಗೆ ಅರಿವುಂಟಾಗುವಂತೆ ಮಾಡಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು :

1. ನೀವು ಸ್ನೇಹಿತರೊಡನೆ ಯಾವೆಲ್ಲಾ ಆಟಗಳನ್ನು ಆಡುತ್ತೀರ? ಎಲ್ಲಿ ಆಡುತ್ತೀರ?
2. ಆಟವಾಡುವಾಗ ಸಾಮಾನ್ಯವಾಗಿ ಬಿಳಿ ಬಣ್ಣದ ಉಡುಪು ಅಥವಾ ಹೊಸ ಉಡುಪುಗಳನ್ನು ತೊಡದಂತೆ ಪೋಷಕರು ಸಲಹೆ ನೀಡುತ್ತಾರೆ. ಇದಕ್ಕೆ ಕಾರಣವೇನು?
3. ಆಟವಾಡುವ ಮೊದಲು ಮತ್ತು ಆಟವಾಡಿದ ನಂತರ ನಿಮ್ಮ ದೇಹದಲ್ಲಿ ಆಗುವ ಬದಲಾವಣೆಗಳೇನು? ನಿಮ್ಮ ಅನುಭವವನ್ನು ತಿಳಿಸಿ.
4. ಆಟವಾಡುವಾಗ ನಿಮ್ಮ ಬಟ್ಟೆಗಳು ಹೇಗೆ ಕೊಳಕಾಗುತ್ತವೆ?
5.  ಬಟ್ಟೆಗಳಂತೆ ನಿಮ್ಮ ದೇಹವೂ ಕೂಡ ಕೊಳಕಾಗುವ ಸಾದ್ಯತೆ ಇದೆಯೇ? ಹೇಗೆ?
6. ದೇಹ ಅಥವಾ ಬಟ್ಟೆಗಳು ಕೊಳಕಾಗುವುದರಿಂದ ಆರೋಗ್ಯದ ಮೇಲೆ ಏನಾದರೂ ಪರಿಣಾಮ ಬೀರುತ್ತದೆಯೇ ? ಏನೆಲ್ಲಾ ಪರಿಣಾಮಗಳು ಬೀರಬಹುದೆಂದು ಗುಂಪಿನೊಂದಿಗೆ ಚರ್ಚಿಸಿ.
7. ಆಟವಾಡುವುದಕ್ಕೂ ಮುನ್ನ ನಿಮ್ಮ ಆರೋಗ್ಯದ ಹಿತ ದೃಷ್ಟಿಯಿಂದ ನಿಮ್ಮ ದೇಹದ ಸ್ವಚ್ಛತೆಗಾಗಿ ನೀವು ಅನುಸರಿಸುತ್ತಿರುವ ಅಥವಾ ಅನುಸರಿಸಬಹುದಾದ ಮುಂಜಾಗ್ರತಾ ಕ್ರಮಗಳೇನು ? ಗುಂಪಿನಲ್ಲಿ ಚರ್ಚಿಸಿ ತಿಳಿಸಿ.
8. ಆಡವಾಡಿ ಮರಳಿದ ನಂತರ ದೇಹವನ್ನು ಸ್ವಚ್ಛವಾಗಿಸಿಕೊಳ್ಳಲು ನೀವು ಅನುಸರಿಸಬೇಕಾದ ಕ್ರಮಗಳೇನು?
9. ಆರೋಗ್ಯ ಮತ್ತು ಸ್ವಚ್ಛತೆಗಾಗಿ ನಿಮ್ಮ ಮನೆಯವರು ನಿಮಗೆ ಅನುಸರಿಸುವಂತೆ ನೀಡುವ ಸಲಹೆಗಳೇನು?
10. ನಿಮ್ಮ ಕುಟುಂಬದಲ್ಲಿ ಆರೋಗ್ಯ ಮತ್ತು ಸ್ವಚ್ಛತೆಗಾಗಿ ಪ್ರತಿನಿತ್ಯ ಅನುಸರಿಸುತ್ತಿರುವ ಅಭ್ಯಾಸಗಳು ಯಾವುವು?
11. ನಿಮ್ಮ ಮನೆಯವರು ಸೂಚಿಸಿದರೂ ನಿಮಗೆ ಅನುಸರಿಸಲು ಕಷ್ಟವಾಗುವ ಅಥವಾ ಇಷ್ಟವಾಗದ ಅಭ್ಯಾಸವೇನು?
12. ಕಣ್ಣಿಗೆ ಕಾಣದ ಕ್ರಿಮಿ-ಕೀಟಗಳು, ಅವುಗಳಿಂದ ಉಂಟಾಗುವ ಪರಿಣಾಮಗಳು ಹಾಗೂ ಅನುಸರಿಸಬೇಕಾದ ಕ್ರಮಗಳ ಕುರಿತಾಗಿ ಮಕ್ಕಳಿಗೆ ಸೂಕ್ತ ಮಾರ್ಗದರ್ಶನ ನೀಡುವುದು.
13. ಆರೋಗ್ಯ ಮತ್ತು ಸ್ವಚ್ಛತೆಗೆ ಸಂಬಂಧಿಸಿದ ದೃಶ್ಯವನ್ನು ತರಗತಿಯಲ್ಲಿ ಪ್ರದರ್ಶಿಸಬಹುದು.

ಲೇಖಕರು : ಸ್ಟೋರಿವೀವರ್ರಿಗಾಗಿ ಶಾಮಿಮ್ ಪದಮ್ಸೀ
ನಿರೂಪಕರು : ರೇಷ್ಮಾ
ಸಂಪಾದಕರು : ನೂರ್ ಫಾತಿಮಾ

ಹೊಲಗಳಲ್ಲಿ ತೆನೆ ಕಾಳುಗಳನ್ನು ತಿನ್ನಲು ಬರುವ ಪಕ್ಷಿಗಳು ಬೆದರಿ ಓಡಿ ಹೋಗುವಂತೆ ಮಾಡಲು ಬೆದರುಬೊಂಬೆಗಳನ್ನು ಕಟ್ಟಿರುತ್ತಾರೆ. ಆದರೆ ಪುಟ್ಟ ಗೌರಿ ಯೋಚಿಸುವುದೇ ಬೇರೆ! ಅದೇನೆಂದು ಓದಿ ತಿಳಿಯಿರಿ.

ಈ ಕಥೆಯ ಮೂಲಕ ಮಕ್ಕಳೊಂದಿಗೆ ಕನಸುಗಳ ಕುರಿತಾಗಿ ಚರ್ಚಿಸಬಹುದು. ಮನೆಯಲ್ಲಿ ಹಿರಿಯರಿಗೆ ಮಕ್ಕಳು ಮಾಡುವ ಸಹಾಯಗಳ ಕುರಿತು ಚರ್ಚಿಸಬಹುದು. ಮಕ್ಕಳೊಂದಿಗೆ ಸಂತೋಷ, ದುಖಃ, ಭಯ ಮುಂತಾದ ಭಾವನೆಗಳ ಬಗ್ಗೆ ಚರ್ಚಿಸಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು:

1. ಮಕ್ಕಳಿಗೆ ಕಥೆಯನ್ನು ಕೇಳಿಸುವ ಮೊದಲು ಮಕ್ಕಳು ಎಂತೆಂತಹ ಕನಸುಗಳನ್ನು ಕಂಡಿರುವರೆಂದು ಚರ್ಚಿಸುವುದು.
2. ಮನೆಗೆಲಸದಲ್ಲಿ ಪೋಷಕರಿಗೆ ಹೇಗೆಲ್ಲಾ ನೆರವಾಗುವಿರೀ? ಎಂದು ಪ್ರಶ್ನಿಸುವುದು.
3. ಹೊಲದ ಬೆಳೆ ತಿನ್ನಲು ಬರುವ ಪಕ್ಷಿಗಳನ್ನು ಓಡಿಸುವುದಕ್ಕೆ ನೀವು ನೀಡುವ ಸಲಹೆಗಳೇನು?
4. ನೀವು ಹಗಲಿನಲ್ಲಿ ಯಾರೊಂದಿಗಾದರೂ ಮಾತನಾಡಿದ ವಿಚಾರದ ಕುರಿತಾಗಿಯೇ ಕನಸನ್ನು ಕಂಡಿರುವಿರಾ?
5. ಬೆದರು ಬೊಂಬೆಗಳು ವಿಚಿತ್ರವಾಗಿ ಕಾಣುವಂತೆ ತಯಾರಿಸಲು ಕಾರಣವೇನು? ಹಾಗೂ ಅದರಿಂದ ಆಗಬಹುದಾದ ಪರಿಣಾಮಗಳೇನು ? 
6. ನಿಮಗೆ ಎಂದಾದರೂ ಭಯವುಂಟುಮಾಡುವಂತಹ ಕನಸು ಬಿದ್ದಿದೆಯೇ? ಅರದ ಅನುಭವಗಳನ್ನು ಹಂಚಿಕೊಳ್ಳಿ.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಸೌಮ್ಯ ರಾಜೇಂದ್ರನ್
ನಿರೂಪಕರು : ಶ್ರೀನಿವಾಸ್ ಕುಮಅರ್
ಸಂಪಾದಕರು : ವೀರಭದ್ರಯ್ಯ ಎಂಬಿ

ಮನೆಯಲೊಂದು ಇಲಿ ಸೇರಿಕೊಂಡಿದೆ. ಇಲಿಯಿಂದ ಏನೆಲ್ಲಾ ಅವಾಂತರವಾಯಿತು ಗೊತ್ತಾ. ಪುಟಾಣಿಗಳಿಗೆ ಮುದ ನೀಡುವ ಕತೆ ಇದು.

ಮನೆಯಲ್ಲಿ ಇಲಿಗಳಿರುವುದರಿಂದ ಆಗುವುದರ ಅನಾಹುತ ಹಾಗೂ ಅವುಗಳು ಮನೆಗೆ ಬಾರದಂತೆ ತಡೆಯುವ ಕ್ರಮಗಳ ಕುರಿತು ಮಕ್ಕಳಿಗೆ ತಿಳಿಸುವುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು.

1. ಮನೆಯಲ್ಲಿ ಇಲಿಯಿಂದ ಆಗಿರುವ ಅನುಭವಗಳನ್ನು ಹಂಚಿಕೊಳ್ಳುವಂತೆ ತಿಳಿಸುವುದು.
2. ಮನೆಯಲ್ಲಿ ಇಲಿ ಇದ್ದರೆ ಉಂಟಾಗುವ ಪರಿಣಾಮಗಳ ಬಗ್ಗೆ ಚರ್ಚಿಸುವುದು.
3. ಮನೆಯಲ್ಲಿ ಇಲಿ ಸೇರಿಕೊಳ್ಳದಂತೆ ವಹಿಸಬಹುದಾದ ಮುಂಜಾಗ್ರತಾ ಕ್ರಮಗಳನ್ನು ಗುಂಪಿನಲ್ಲಿ ಚರ್ಚಿಸುವುದು.
4. ಕಥೆಯಲ್ಲಿನ ಕುಟುಂಬದವರಿಗೆ ನೀವು ನೀಡುವ ಸಲಹೆಗಳೇನು?
    

ಲೇಖಕರು : ಸ್ಟೋರಿವೀವರ್ರಿಗಾಗಿ ವೀಣ ಶೇಷಾದ್ರಿ
ನಿರೂಪಕರು : ಕೆ.ಜಿ ಬಸವರಾಜ್
ಸಂಪಾದಕರು : ಸಿದ್ದರಾಮೇಶ್ವರ

ಒಂದು ದಿನ ಬೆಳಗ್ಗೆ ಕಟ್ಟಿಗೆ ಕಡಿವ ಗುರಾ ಸ್ವಲ್ಪ ಸೌದೆಯನ್ನು ತರಲು ಕಾಡಿಗೆ ಹೊರಟ. ಒಂದು ಮರವನ್ನು ಏರಿ ಒಂದು ದೊಡ್ಡ ರೆಂಬೆಯ ಕೊನೆಯಲ್ಲಿ ಕುಳಿತುಕೊಂಡ. ನಂತರ ತಾನು ಕುಳಿತಿದ್ದ ರೆಂಬೆಯನ್ನು ಕಡಿಯಲು ಶುರು ಮಾಡಿದ. ಆ ಹಾದಿಯಲ್ಲಿ ಹೋಗುತ್ತಿದ್ದ ಗ್ರಾಮದ ಪೂಜಾರಿ, ಮರ ಗುರಾನನ್ನು ನೋಡಿ ನಿಂತು ಮಾತಾಡಿದ. ಹೀಗೆ ಮಾಡಿದರೆ ರೆಂಬೆ ಮುರಿದು, ನೀನು ಕೆಳಗೆ ಬಿದ್ದು ಸಾಯುವೆ ಎಂದು ಪೂಜಾರಿ ಎಚ್ಚರಿಸಿದ. ಮುಂದೇನಾಯಿತು ಎಂದು ತಿಳಿಯಲು ಇಥಿಯೋಪಿಯಾದ ಈ ಜಾನಪದ ಕಥೆ ಓದಿ.

ಕಥೆಯ ಮೂಲಕ ಮಕ್ಕಳಿಗೆ ಮರಗಳ ಅವಶ್ಯಕತೆ ಹಾಗೂ ಅವುಗಳ ನಾಶದಿಂದ ಆಗುವ ಪರಿಣಾಮಗಳ ಕರಿತು ತಿಳಿಸಿಕೊಡಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು.

1. ಕಥೆಯನ್ನು ತಮ್ಮ ಸ್ವಂತ ಮಾತುಗಳಲ್ಲಿ ಹೇಳುವಂತೆ ಮಕ್ಕಳಿಗೆ ತಿಳಿಸುವುದು.
2. ಮರಗಳನ್ನು ಕಡಿಯುವ ಕಾರಣಗಳ ಕುರಿತು ಚರ್ಚಿಸುವುದು.
3. ಮರಗಳ ಪ್ರಾಮುಖ್ಯತೆಯನ್ನು ಗುಂಪಿನಲ್ಲಿ ಚರ್ಚಿಸುವಂತೆ ತಿಳಿಸುವುದು.
4. ಮರಗಳ ವಿನಾಶದಿಂದ ಆಗುವ ದುಷ್ಪರಿಣಾಮಗಳ ಕುರಿತಾಗಿ ಚರ್ಚಿಸುವುದು.
5. ಕಥೆಯನ್ನು ನಾಟಕ ಶೈಲಿಯಲ್ಲಿ ಅಭಿನಯಿಸಲು ಮಕ್ಕಳಿಗೆ ಪ್ರೋತ್ಸಾಹಿಸಿ ಮಾರ್ಗದರ್ಶನ ನೀಡುವುದು.
6. ಇನ್ನಷ್ಟು ಕುತೂಹಲಕಾರಿಯಾಗಿ ಮುಂದುವರಿಯುವಂತೆ ಕಥೆಯನ್ನು ಮರುಸೃಷ್ಠಿ ಮಾಡುವಂತೆ ತಿಳಿಸುವುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಅರುಂಧತಿ ವೆಂಕಟೇಶ್
ನಿರೂಪಕರು : ನಟೇಶ್ ಕುಮಾರ್ ಆರ್.ಜಿ
ಸಂಪಾದಕರು : ನಾಗವೇಣಿ

ಅಜ್ಜ ಹಾಗೇ ಸುಮ್ಮನೆ ಸಂಜೆ ಅಡ್ಡಾಡಲು ಸಿದ್ಧವಾಗುತ್ತಿದ್ದರು. ಆದರೆ, ಕೈ ಚೀಲದಲ್ಲಿ ಏನೆಲ್ಲಾ ಎಂದು ನೆನಪೇ ಇರುತ್ತಿರಲಿಲ್ಲ. ಸದ್ಯ, ಅವರಿಗೆ ಸಹಾಯ ಮಾಡಲು ಸುಜ್ಜು ಇದ್ದಾನಲ್ಲ. ಈ ಪುಸ್ತಕ ವಿರುದ್ಧಾರ್ಥ ಕಲ್ಪನೆಗಳ ಬಗ್ಗೆ ತಿಳಿಸುತ್ತದೆ.

ಕಥೆಯ ಮೂಲಕ ಮಕ್ಕಳಿಗೆ ಹೊಸಪದಗಳ ಪರಿಚಯ ಹಾಗೂ ವಾಕ್ಯ ರಚನೆಯ ಬಗ್ಗೆ ತಿಳಿಸಿಕೊಡುವುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು. 

1. ಮರೆವಿಗೆ ಸಂಬಂಧಿಸಿದಂತೆ ಮಕ್ಕಳಿಗಿರುವ ಪೂರ್ವಜ್ಞಾನ ಹಾಗೂ ಅನುಭವಗಳನ್ನು ಹಂಚಿಕೊಳ್ಳುವಂತೆ ತಿಳಿಸುವುದು.
2. ಕಥೆಯಲ್ಲಿನ ಹೊಸ ಪದಗಳ ಅರ್ಥವನ್ನ ಮಕ್ಕಳೊಂದಿಗೆ ಚರ್ಚಿಸುವುದು.
3. ಅಜ್ಜ ತನ್ನ ಮರೆವಿನ ಸಮಸ್ಯೆಯನ್ನು ಸುಧಾರಿಸಿಕೊಳ್ಳಲು ನೀವು ಅಜ್ಜನಿಗೆ ನೀಡುವ ಸಲಹೆಗಳನ್ನು ಗುಂಪಿನಲ್ಲಿ ಚರ್ಚಿಸಿ.