ಕಥೆ ಖಜಾನೆ - ಕನ್ನಡ

ಲೇಖಕರು : ಸ್ಟೋರಿವೀವರ್ರಿಗಾಗಿ ಪಂಕಜ್ ಚತುರ್ವೇದಿ
ನಿರೂಪಕರು : ಪ್ರಸಾದ್ ಕೆ.ವಿ
ಸಂಪಾದಕರು : ಪ್ರಸಾದ್ ಕೆ.ವಿ

ಸರಳ ವಿಚಾರಗಳಿಂದಲೇ ನಮಗೆ ಸಂತಸ ಲಭಿಸುತ್ತದೆ. ಈ ಕಥೆಯನ್ನು ಓದಿದರೆ ಅದು ಹೇಗೆಂದು ನಿಮಗೆ ಅರಿವಾಗುತ್ತದೆ.

ಮಕ್ಕಳಿಗೆ ಹೊದಪದಗಳ ಪರಿಚಯ ಹಾಗೂ ವಾಕ್ಯ ರಚನೆಯ ಕುರಿತು ತಿಳಿಸಿಕೊಡಬಹುದು. ಅನುಪಯುಕ್ತ ವಸ್ತುಗಳನ್ನು ಅಲಂಕಾರಿಕ ವಸ್ತುಗಳನ್ನು ತಯಾರಿಸುವ ಬಗ್ಗೆ ಮಕ್ಕಳಿಗೆ ತಿಳಿಸಿಕೊಡುವುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿ ಚಟುವಟಿಕೆಗಳು.

1. ಗಾಳಿಪಟ ಹಾರಿಸುವುದರ ಬಗ್ಗೆ ಮಕ್ಕಳಿಗಿರುವ ಅನುಭವಗಳನ್ನು ತರಗತಿಯಲ್ಲಿ ಹಂಚಿಕೊಳ್ಳಲು ತಿಳಿಸುವುದು.
2. ಸ್ನೇಹಿತರೊಡಗೂಡಿ ಮಕ್ಕಳು ಬಯಲಿನಲ್ಲಿ ಆಡುವ ಆಟಗಳನ್ನು ಪಟ್ಟಿ ಮಾಡುವುದು.
3. ಅನುಪಯುಕ್ತ ವಸ್ತಗಳನ್ನು ಅಲಂಕಾರಿಕ ವಸ್ತುಗಳನ್ನಾಗಿಸುವ ಗುಂಪು ಚಟುವಟಿಕೆ ನೀಡುವುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಕವಿತ ಮಂದಣ್ಣ
ನಿರೂಪಕರು : ಕುಮಾರ್
ಸಂಪಾದಕರು : ಸೌಮ್ಯ ಕೆ.ಎನ್

ಲೀಲು ತನ್ನ ತರಗತಿಯ 36 ವಿದ್ಯಾರ್ಥಿಗಳ ಜೊತೆಗೆ ಸಂತೆಗೆ ಹೋದಳು. ಟಿಕೆಟ್ ಖರೀದಿಸಲು ಎಷ್ಟು ಮಕ್ಕಳಿದ್ದಾರೆ ಎಂದು ಸರ್ ಆಗಾಗ ಎಣಿಸಬೇಕಾಗುತ್ತಿತ್ತು. 1, 2, 3, ಎಂದು 36ರವರೆಗೆ ಎಣಿಸುವ ಬದಲು ಇನ್ನೂ ಸುಲಭವಾಗಿ ಎಣಿಸಲು ಆಗುವುದೇ? ಜೊತೆ, ಜೊತೆಯಾಗಿ ಎಣಿಸುವುದನ್ನು ಕಥೆ ಮೂಲಕ ತಿಳಿಸುತ್ತಾ ಮಗ್ಗಿಯನ್ನು ಕತೆಯಲ್ಲಿ ಪರಿಚಯಿಸಿದೆ.

ಕಥೆಯ ಮೂಲಕ ಮಕ್ಕಳಿಗೆ ಗಣಿತ ವಿಷಯಕ್ಕೆ ಸಂಬಂಧಿಸಿದ ಸಂಕಲನ, ವ್ಯವಕಲನ, ಗುಣಾಕಾರ ಮತ್ತು ಭಾಗಾಕಾರ ಅಂಶಗಳು, ದಿನನಿತ್ಯ ಅವುಗಳ ಬಳಕೆ ಮತ್ತು ಪ್ರಾಮುಖ್ಯತೆ ಕುರಿತು ತಿಳಿಸುವುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು.

1. ಶಾಲಾ ಪ್ರವಾಸದಲ್ಲಿ ಮಕ್ಕಳ ಅನುಭವಕ್ಕೆ ಬಂದ ಗಣಿತ ಅಂಶಗಳ ಕುರಿತು ಚರ್ಚಿಸುವುದು. ಉದಾ: ಪ್ರವಾಸಕ್ಕೆ ಎಷ್ಟು ಮಕ್ಕಳು ಬಂದದ್ದರು? ಶಿಕ್ಷಕರು ಎಷ್ಟು ಮಂದಿ ? ಪ್ರವಾಶ ಶುಲ್ಕ ಎಷ್ಟು? ನಿಮ್ಮ ತರಗತಿಯಿಂದ ಸಂಗ್ರಹವಾದ ಶುಲ್ಕ ಎಷ್ಟು? ಇತರೆ.
2. ಮಕ್ಕಳಿಗೆ ತಿಳಿದಿರುವಷ್ಟು ಮಗ್ಗಿ ಹೇಳುವಂತೆ ತಿಳಿಸುವುದು.
3. ಮಕ್ಕಳು ತಮ್ಮ ದೈನಂದಿನ ಜೀವನದಲ್ಲಿ ಗಣಿತಾಂಶಗಳನ್ನು ಬಳಸುವ ಅನುಭವಗಳನ್ನು ಹೇಳಲು ತಿಳಿಸುವುದು.
4. ಗಣಿತ ವಿಷಯಕ್ಕೆ ಸಂಭಂದಿಸಿದಂತೆ ಕೆಲವು ಚಟುವಟಿಕಾ ಪ್ರಶ್ನೆಗಳನ್ನು ನೀಡಿ ಉತ್ತರಿಸುವಂತೆ ತಿಳಿಸುವುದು. ಉದಾ: ನಿಮ್ಮ ತರಗತಿಗೆ ಇಬ್ಬರು ವಿದ್ಯಾರ್ಥಿಗಳು ಹೊಸದಾಗಿ ಸೇರಿಕೊಂಡರೆ ಆಗ ನಿಮ್ಮ ತರಗತಿಯ ಒಟ್ಟು ವಿದ್ಯಾರ್ಥಿಗಳ ಸಂಖ್ಯೆ ಎಷ್ಟು. ಉದಾ: ಆರು ವಿಷಯಗಳನ್ನು ಮೂರು ಶಿಕ್ಷಕರು ಸಮನಾಗಿ ವಿಭಾಗಿಸಿಕೊಂಡು ಬೋಧಿಸುವುದಾದರೆ ಒಬ್ಬೊಬ್ಬ ಶಿಕ್ಷಕರಿಗೆ ಬೋಧಿಸಲು ಎಷ್ಟು ವಿಷಯಗಳು ಸಿಗುತ್ತದೆ. ತರಗತಿಯಲ್ಲಿ ಒಂದು ಬೆಂಚಿಗೆ 4 ವಿದ್ಯಾರ್ಥಿಗಳಂತೆ
5. ಬೆಂಚಿನಲ್ಲಿ ಎಷ್ಟು ಜನ ವಿದ್ಯಾರ್ಥಿಗಳು ಕುಳಿತುಕೊಳ್ಳುವರು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಅಮರ್ ಗೋಸ್ವಾಮಿ 
ನಿರೂಪಕರು : ಹಾಲೇಶ್ 
ಸಂಪಾದಕರು : ಸೋಮಶೇಖರ್ 

ಕಾಡಿನ ರಾಜನಾದ ಸಿಂಹ ನಾಡಿನ ರಾಜ ಅರಸನನ್ನು ಅನುಕರಣೆ ಮಾಡಲು ಹೊರಟ್ಟಿದ್ದಕ್ಕೆ ಏನಾಯ್ತು ಗೊತ್ತಾ? ಒಳ್ಳೆ ಕುಲುಕಾಟದ ದರ್ಬಾರ್! ಈ ತಮಾಷೆಯ ಕಥೆ ಕೇಳಿದರೆ ಸಮಾಚಾರವೇನೆಂದು ತಿಳಿಯುತ್ತದೆ.
ಈ ಕಥೆಯಲ್ಲಿ ಬರುವ ಹೊಸ ಪದಗಳನ್ನ ಮಕ್ಕಳಿಗೆ ಪರಿಚಯಿಸುವುದು. ಇನ್ನೊಬ್ಬರನ್ನ ಅನವಶ್ಯಕವಾಗಿ ಅನುಸರಿಸುದಕ್ಕಿಂತ ನಮ್ಮ ಸ್ವಂತ ವ್ಯಕ್ತಿತ್ವ ನಮಗಿರಬೇಕು ಎಂಬ ನೀತಿಯನ್ನ ಮಕ್ಕಳಿಗೆ ಅರ್ಥೈಸುವುದು. ಕಥೆಗೆ ಸಂಬಂದಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು : 

1.  ಇನ್ನೊಬ್ಬರನ್ನ ಅನವಶ್ಯಕವಾಗಿ ಅನುಸರಿಸಿದರೆ ಆಗುವ ಅಪಾಯದ ಕುರಿತು ಚರ್ಚಿಸಬಹುದು. 
2. ಪ್ರಾಣಿಗಳು ಹಾಗೂ ಅವುಗಳ ಗುಣಲಕ್ಷಣಗಳ ಕುರಿತು ಚರ್ಚಿಸಬಹುದು. 
3.  ಹಿಂದಿನ ಕಾಲದಲ್ಲಿ ರಾಜನ ವೈಬೋಗಿಕ ಜೀವನ ಹಾಗೂ ಅಧಿಕಾರಗಳ ಕುರಿತು ವಿದ್ಯಾರ್ಥಿಗಳ ಕಲ್ಪನೆಗಳನ್ನ ಚರ್ಚಿಸಬಹುದು. 
4. ಆನೆ ಅಂಬಾರಿ ಹೊರುವ ಕುರಿತು ವಿದ್ಯಾರ್ಥಿಗಳಿಗಿರುವ ಅನುಭವವನ್ನು ಚರ್ಚಿಸಬಹುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ವಿನಾಯಕ ವರ್ಮ
ನಿರೂಪಕರು : ಪ್ರಶಾಂತ್
ಸಂಪಾದಕರು : ಬಾಲಾಜಿ

ಅಕ್ಕುವಿಗೆ ಈ ದಿನವೇಕೋ ಬೇಸರವಾಗಿದೆ, ಅವಳಿಗೆ ಕೋಪ ಬಂದಿದೆ. ಅಕ್ಕುವಿನ ಕೋಪ ಕಡಿಮೆಯಾಗಿದ್ದು ಹೇಗೆ? ನಿಮಗೂ ಕೋಪ ಬಂದಾಗ ಏನು ಮಾಡಬೇಕು ಎಂಬುದನ್ನು ತಿಳಿದುಕೊಳ್ಳಿ..

ಈ ಕಥೆಯ ಮೂಲಕ ಮಕ್ಕಳಿಗೆ ನವರಸಭಾವಗಳ ಕುರಿತು ತಿಳಿಸಿ ಆ ಭಾವಕ್ಕೆ ತಕ್ಕಂತೆ ಧ್ವನಿ ಏರಿಳಿತ ಹಾಗೂ ಮುಖಭಾವ ಬದಲಾವಣೆ ಮಾಡುವುದನ್ನು ಕಲಿಸಿವುದರ ಮೂಲಕ ಮಕ್ಕಳಿಗೆ ಅಭಿನಯದಲ್ಲಿ ಆಸಕ್ತಿ ಮೂಡುವಂತೆ ಮಾಡಬಹುದು. ಅಲ್ಲದೇ ಭಾವನೆಗಳನ್ನ ನಿರ್ವಹಣೆ ಮಾಡುವುದು ಹೇಗೆ ಎಂಬುದನ್ನು ಮಕ್ಕಳಿಗೆ ತಿಳಿಸಿಕೊಡಬಹುದು. ಕಥೆಗೆ ಸಂಬಂಧಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು :

1. ಕೋಪ ಬಂದಾಗ ಮಕ್ಕಳ ನಡವಳಿಕೆಯಲ್ಲಾಗುವ ಬದಲಾವಣೆಗಳು ಹಾಗೂ ಆ ಸಂಧರ್ಭದಲ್ಲಿನ ಅವರ ಅನುಭವಗಳ ಕುರಿತು ಚರ್ಚಿಸಬಹುದು
2. ನಿಮಗೆ ಕೋಪ ಬಂದಾಗ ನಿಮ್ಮ ಪೋಷಕರು ನಿಮ್ಮನ್ನು ಹೇಗೆ ಹೇಗೆ ಸಂಭಾಳಿಸುತ್ತಾರೆ? ಹಾಗೆಯೇ ನಿಮ್ಮ ಪೋಷಕರಿಗೆ ಕೋಪ ಬಂದಾಗ ನೀವು ಏನು ಮಾಡುತ್ತೀರಿ?
3. ಕೋಪ ನಿರ್ವಹಣೆ ಮಾಡಲು ಮಕ್ಕಳಿಗೆ ತಿಳಿದಿರುವ ವಿಧಾನಗಳನ್ನು ಹಂಚಿಕೊಳ್ಳಲು ತಿಳಿಸುವುದು.
4. ಕೋಪವನ್ನು ನಿರ್ವಹಿಸುವುದು ಹೇಗೆ ಎಂಬ ತಂತ್ರಗಳನ್ನ ಶಿಕ್ಷಕರು ಮಕ್ಕಳಿಗೆ ತಿಳಿಸಿಕೊಡುವುದು.
5. ಅಕ್ಕು ತನ್ನ ಅಪ್ಪನೊಂದಿಗೆ ಮಾತನಾಡಿದ ನಂತರ ಅವಳ ಭಾವನೆಗಳು ಹೇಗೆ ಬದಲಾಗಿದ್ದವು?
6. ಕಥೆಯಲ್ಲಿನ ಪಾತ್ರಗಳಿಗೆ ತಕ್ಕಂತೆ ಭಾವಾಭಿನಯವನ್ನು ಮಾಡುವ ಚಟುವಟಿಕೆಯನ್ನು ನೀಡಬಹುದು.
7. ಅಪ್ಪ ಅಕ್ಕುವನ್ನು ಶಾಂತಗೊಳಿಸಲು ಮಾಡಿದ ಕ್ರಮಗಳ ಬಗ್ಗೆ ನಿಮ್ಮ ಅನಿಸಿಕೆಯೇನು ? ಇನ್ನೇನಾದರೂ ಪ್ರಯತ್ನ ಮಾಡಬಹುದಿತ್ತೆಂದು ನಿಮಗೆ ಅನಿಸುತ್ತದೆಯೆ?
8. ವಿವಿಧ ಭಾವನೆಗಳು ನಿಮ್ಮಲ್ಲಿ ಉಂಟಾಗುವ ಸನ್ನಿವೇಶಗಳನ್ನು ಪಟ್ಟಿಮಾಡಿ.
9. ಮಕ್ಕಳಿಗೆ ಕೆಲವು ಸನ್ನಿವೇಶಗಳನ್ನ ನೀಡಿ ಆ ಸನ್ನಿವೇಶದಲ್ಲಿ ಮಕ್ಕಳಲ್ಲಿ ಯಾವ ಭಾವನೆ ಮೂಡುತ್ತದೆ ಮತ್ತು ಯಾಕೆ ಎಂಬುದನ್ನ ಚರ್ಚಿಸುವುದು.
    

ಲೇಖಕರು : ಸ್ಟೋರಿವೀವರ್ರಿಗಾಗಿ ಸೆಜಲ್ ಮೆಹ್ತಾ
ನಿರೂಪಕರು : ವಸಂತ್ ಕುಮಾರ್ ಡಿ
ಸಂಪಾದಕರು : ಪ್ರಸಾದ್ ಕೆ.ವಿ

ಹುಲಿರಾಯ ಕಾಡಿಗೆ ಬಂದಿದ್ದು ಅದು ಹೇಗೋ ಎಲ್ಲ ಪ್ರಾಣಿ-ಪಕ್ಷಿಗಳಿಗೂ ಗೊತ್ತಾಯಿತು! ಆಗ ಅವೆಲ್ಲವೂ ಹೇಗೆ ಮಾತ್ನಾಡಿದ್ವು ಅಂಥಾ ತಿಳ್ಕೋಬೇಕಾ ಹಾಗಿದ್ರೆ ಈ ಕಥೆ ಕೇಳಿ.

ಈ ಕಥೆಯ ಮೂಲಕ ಮಕ್ಕಳಿಗೆ ಕಾಡಿನ ವಿವಿಧ ರೀತಿಯ ಪ್ರಾಣಿಗಳ ಗುಣಲಕ್ಷಣಗಳನ್ನು ತಿಳಿಸಿಕೊಡಬಹುದು ಅಲ್ಲದೇ ಕಾಡಿನಲ್ಲಿ ಪ್ರಾಣಿಗಳಿಗೆ ಆಪತ್ತು ಎದುರಾದ ಸಂದರ್ಭದಲ್ಲಿ ಅವುಗಳ ನಡವಳಿಕೆಯಲ್ಲಿ ಆಗುವ ಬದಲಾವಣೆಗಳ ಹಾಗೂ ಇತರೆ ಪ್ರಾಣಿಗಳನ್ನು ಎಚ್ಚರಿಸುವ ರೀತಿಯನ್ನು ತಿಳಿಸಿಕೊಡಬಹುದು. ಕಥೆಗೆ ಸಂಬಂದಿಸಿದಂತೆ ಕೆಲವು ತರಗತಿಯ ಚಟುವಟಿಕೆಗಳು :

1. ಕಾಡಿನ ಪ್ರಾಣಿಗಳ ಬಗ್ಗೆ ಚರ್ಚಿಸಿ, ಮಕ್ಕಳಿಗೆ ಪರಿಚಯವಿರುವ ಪ್ರಾಣಿಗಳ ಕೂಗುವಿಕೆಯ ಶಬ್ದದಗಳನ್ನು ಅನುಕರಿಸಲು ಹೇಳಬಹುದು
2. ಕಾಡಿನಲ್ಲಿನ ವಿವಿಧ ಪ್ರಾಣಿಗಳ ದೈನಂದಿನ ಜೀವನ ಹಾಗೂ ಬದುಕಲು ಅನಿವಾರ್ಯವಾದ ಜೀವನ ಕೌಶಲ್ಯಗಳ ಕುರಿತು ಚರ್ಚಿಸಬಹುದು
3. ಸಿಂಹ ಹಾಗೂ ಹುಲಿಯ ಗುಣಲಕ್ಷಣಗಳನ್ನ ಪಟ್ಟಿ ಮಾಡಿ ಎರಡನ್ನೂ ಹೋಲಿಸಿದಾಗ ಕಾಡಿನ ರಾಜನೆಂದು ಕರೆಸಿಕೊಳ್ಳಲು ಯಾರು ಯೋಗ್ಯರೆಂಬ ಪ್ರಶ್ನೆಗೆ ಮಕ್ಕಳಲ್ಲಿ ಎರಡು ಗುಂಪುಗಳನ್ನು ಮಾಡಿ ವಾಗ್ವಾದ ನಡೆಸಬಹುದು
4. ಆಹಾರಕ್ಕಾಗಿ ಒಂದು ಪ್ರಾಣಿ ಮತ್ತೊಂದು ಪ್ರಾಣಿಯನ್ನ ಅವಲಂಬಿಸಿರುವ ಆಹಾರ ಚಕ್ರದ ಕುರಿತಂತೆ ಮಕ್ಕಳು ಪರಿಸರದಲ್ಲಿ ಗಮನಿಸಿರುವ ಅಂಶಗಳನ್ನು ತರಗತಿಯಲ್ಲಿ ಸ್ನೇಹಿತರೊಂದಿಗೆ ಹಂಚಿಕೊಳ್ಳುವುದು.
5. ಪ್ರತಿನಿತ್ಯ ತಮ್ಮ ಆಹಾರಕ್ಕಾಗಿ ಹಾಗೂ ಜೀವ ಉಳಿಸಿಕೊಳ್ಳಲು ಪ್ರಾಣಿಗಳು ಮಾಡುವ ಸಾಹಸಗಳ ಕುರಿತಂತೆ ಚರ್ಚಿಸಬಹುದು.