Kuma bɛ aw bolo

Bi Avril kalo tile 15 saan 2026, o bi ben Soudan kɛlɛ san 3 ma. A daminɛra lakanatigilamɔgɔ "Froces de Soutien Rapide" tɔgɔ surun na FSR de banni ye ka don jamana kɛlɛbolo kɔnɔ. O bɛnbanliya y'a kɛ Avril kalo tile 14 suu, o ye bɛnkaniw ɲɛsin jamana ɲamaso ma, ni ka ɲini ka kɛlɛbolo ɲama ni jamana kuntigi général Abdel Fattah al-Burhane ka fangadafiri. 

Kalo fila, bɔlɔlɔ barokɛyɔrɔw tigɛlen kɔ Gabon maraabagaw fɛ, jamana kuntigi ye latigɛ kura ta min poyi ra bɔlɔlɔ kuma yɔrɔw kan, o latige b'a yira ko kɔrɔsili gulɛnw bi na kɛ sisan bɔlɔlɔ kuma yɔrɔw kan, a ka kɛ wathsap ye, tik tok walima dɔwɛrɛ fo i ka kunafoniyaw  bila o sanfɛ min se ki bugunatigɛ, i n'a fɔ i ja ani dɔwɛrɛ.

Wa ali wathsap groupuw bi na kɔrɔsi sisan, wa ni ye kunafoni kolon cari walima ka kuma fɔ min dagalen tɛ, i bi se ka ŋangi fo ka ta se kasoladon ma. 

Yala aw ye ni latigɛ in bɛ cogo di, yala a bi gɛrɛrɛn sigi adamadenw ka hakɛw ra wa, nɛgɛjuru sira filɛ, +221 76 644 12 79. 

Bɛnkan kelen ma sɔrɔ Iran nin Etats-Unis cɛ u ka kunu lajɛrɛ senfɛ Pakistan walasa ka kɛlɛ jɔ Moyen orient mara la. Fan 2 tun bɛ ka ɲɔgɔn jalaki o sɔrɔbaliya la. Iran ko Etats Unis ka laɲini ye damatɛmɛ ye. Etats Unis y'a jira ko Iran tɛ ka taa ni baaraw ye kɔnɔnajɛya kɔnɔ. Aw hakilina ye mun ye nin ko la? Yala, aw tun sigilen don ni nin ye wa? 

Babu kuraw o ye Côte d'Ivoire fangasinaw ka politkitɔn PDCI RDA sigili san 80 san yɛlɛman ye. Ka fara Niger jamanaŋɛmaa kɔrɔ Mohamed BAZOUM ka labilali kan, o min laŋini kɛra Europe tɔnba UE fɛ.

Babu kɔrɔw kan, aw seginna Iran, USA ni Israël ka kɛlɛlɔbɛnkan  kan, Burkina Faso lonlatɛmɛfanga ŋɛmaa Ibrahim TRAORE ka dantigɛli be yen, o min senfɛ a y'a fɔ ko Farafinna mako ti bɛɛjɛfanga ra.

Ka fara jamana in marabagaw ni adamadenw hakɛw lafasalitɔn HRW ka ŋɔgɔnsɔsɔ kan , HRW ka jateminɛsɛbɛn dɔ kama, o min kɔnɔ, tɔn in ye Burkina Faso sɔrasiw n'o dɛmɛbaga VDP jalaki k'o ye sivili baa kelen ni kɔ lo faga san saba laban ninnu na.

Bi y’a tile 2 ye Iran ni USA k’u ye kɛlɛjɔbɛnkan sɔrɔ ni ka kɛlɛw sonsori dɔgɔkun fila kɔnɔ. Nga kabi kunu bɛnkan in fɛgɛyalen don Liban ni Israel kosɔn. Iran marabagaw b’a fɛ ko muguciw ka jɔ Liban, nga Israël be ka muguciw juguya ka taa a fɛ yen. USA ko Liban sen te bɛnkan in na. 
 Aw ye ni bɛnkan bila minan jumɛn kɔnɔ, yala an bɛ se k'a jigiya ko a kolo ka gwili wa?  tuma min na kisɛ bɛ ka suuru Liban kan.

Burkina Faso marabagaw bɔra bi ka Human rights watch ka jateminɛsɛbɛn laban sɔsɔ, ko tiyɛ t'a la. Adamadenw ka hakɛ lafasatɔn in ka jateminɛsɛbɛ tun y'a yira alamisalon tɛmɛnen, ko Burkina sɔrasiw ni Vdpw ye sivili ba kelen ni kɔ de faga san saba laban ninnu na. K'o yɛrɛ ka ca ni JNIM jatigɛwalekɛlaw ka sivili fagalenw hakɛ ye. Burkina ko Human Righ Watch ka nin jateminɛsɛbɛ ye sɛbɛ kolon de ye. Aw ye mun faamu o kan? 

Sisan sariya in b'a jira ko jamanakuntigi bɛ se ka dankan sugandi a yɛlɛ la,  ka jamana mara ni jamanaɲɛmaa faatura, n'a dɛsɛra walima n'a ye baara bila. Marabagaw y'o yɛlɛmani in fo. Nga, Fangasinaw y'a kɔn, ko bawo dankari don ka ɲɛsin bɛjɛɛfanga ma.

Aw ye ni sariya kura in bɛn cogo di? aw b'a bila minɛn jumɛn kɔnɔ?

Yala aw fɛ, nafa fosi tɛ bɛjɛnfanga la wa? , jamana bɛ se ka yiriwa kasɔrɔ bɛjɛnfanga te yen wa?  bɛɛjɛnfanga bɛ se ka kɛ bolokɔfɛfɛn ye wa, bi ntɛnɛ kɛnɛ sigira o baabu de kan. 

Ani fana baŋumankɛtɔn HRW ka dantigɛlisɛbɛn fagaliwalew kan Burkina Faso.

Bi avrilikalo tile fila bi bɛn Sénégal jamanakuntigi Bassirou Diomaye FAYE ka fanga san filanan ma. San  2024, marisikalo tile 24, Bassirou Diomaye Faye ye sebaaya sɔrɔ jamanaɲɛmaakalata la ni kan 54,28 kɛmɛsara la, o kɛra sababu ye ka PASTEF politikitɔn bila jamana sanfɛ, san caman mankanw ni wulikajɔw kɔ.

San fila fanga kɔ, mɔgɔw ka hakilanaw fɔnlen don ɲɔgɔn kɔ,  ani a ka minisiriɲɛmaa Ousmane SONKO ka cɛsiri jatibɔ ra.

K'a ta sɔrɔko gɛlɛyaw ma, ani  ɲɛma fila ninnu cɛ gɛlɛyaw, fo ka taa se o tun ye lahidu minnu ta jamanadenw ye ma, yala aw fana  fɛ, Bassirou Dniomaye FAYE ka san fila fanga kɔ, kow  falenna wa? An ka bi mɔgɔ welelen ye politikiko lɔnbaga Bah TRAORE lo ye ka bɔ Dakar.