Kuma bɛ aw bolo

Kunu Nicolas MADURO tun bɛ kititigɛlaw ɲɛma USA, a ye jalaki ninnu bɛ sɔsɔ, wa a  k'ale ye Venezuela jamanaɲɛnma ye halibi...

Yala aw ni wale in ye cogo di, diɲɛ jɛkulubaw ka kan ka mun kɛ a ko kan, aw a ko bila minɛn jumɛn kɔnɔ? 

La Guinée Mamadi Doumbouya ka seebaya sɛmɛntiyara jamana kitisoba fɛ kunu. Donnatɛmɛnfanga ɲɛmɔgɔye kan 86,72 de sɔrɔ kɛmɛsarada la, desanburukalo tile 28 jamanaɲɛmaakalataw la. A ka sebaaya wangolalen kɔ,  kitisoba fɛ, Général Mamadi Doumbouya yɛrɛ y'a kanbɔ jamanadenw ma dantigɛli dɔ ra. 

A ye foli lase u ma ka kɛɲɛ n'a ka sugandili ye. A ye weele fana bila jamanadenw ma, o  ka jɛ ka baara kɛ jamana ka yiriwali n'a ka ɲɛtaa kama. Folikanw bɔra diɲɛ fan caman fɛ ka ɲɛsin la Guinée jamanaɲɛmɔgɔ Général Mamadi Doumbouya ma. 

U gosi len kɔ Côte d'Ivoire fɛ ni celu saba ani fila ye, Gabon marabagajɛkulu y'a latigɛ k'u ka ntolantankulu ka baaraw sonsori foo wagati min. Ka far'o kan, u y'u ka "Staff Technique" ci. Ntolantanna dɔw bilara gɛrɛfɛ, "mise à l'ecart". Nin latigɛ tara kunu arabadon.

Aw ye ɲininkali caama tengun an na ka kɛɲɛ ni o ko ye, an ye ci sama farigoloɲanajɛ kunnafonidila Sadio SYLLA ma, ka bɔ Sénégal, a b'aw ka ɲininkaliw jaabi. Aw seginna fana ka kuma La Guinée jamanaɲɛmaakalata, Nigéria ka lakanako, CEDEAO ka lahalaya ani baabu wɛrɛw kan.

An donna san 2026 kɔnɔ. Maaw be laɲiniw kɛ san kura in kɔnɔ. Aw be mun de laɲinina? 

Bi an bi desanburukalo in tile 31 na, o min bi bɛn san 2025 laban ma, o sabauya ra don, an ye kuma labila aw ye, yala koba juman de tora aw hakili la ɲinan san na?  kunafodi nasira fɛ, lakanako, sɔrɔko, farikoloɲanagɛ, jamanaw ni ɲɔngɔn cɛ jɛɲɔngɔnyaw, kɛlɛw, aw ye mun jatiminɛ kɛ ɲinan san kɔnɔ .

La Guinée jamanaden miliyɔn 6 ɲɔngɔnna de tun weelenlen don kalatabonw kɔnɔ  kunu yasa k'u ka jamanaɲɛnmɔgɔ sugandi cɛbɔ 9 cɛma. Donnatɛmɛnfanga ɲɛnmɔgɔ, Général Mamadi Doumbouya tun ye cɛbɔ ye kalata in na. Kalafili in kɛra basigi kɔnɔ, wa mɔgɔw bɔra fana ka caya, ka taga Kala ta. Kalata koɲɛnɛbɔkulu, DGE ka jaatiw la, kɛmɛsarada la, mɔgɔ 85 de ye tali kɛ nin kalafiliw la.

Yala aw ye La Guinée kalafiliw ye cogo di ? K'a ta kanɲini ɲanajɛw ma, fo a ka taa se kalata lon yɛrɛ ma. Tɔkajɛn jumɛnw sɔrɔla a kɔnɔ? 

Bi, politikiko lɔnbaga Moussa SAMOURA de b'aw ka ɲininkaliw jaabi ma ka bɔ La Guinée.

Etats-Unis jamanakuntigi Donald Trump y'a lase k’a ye mugujugu fili Etats Islamique jatigɛwalɛkulu kan, u minnu bɛ Nigéria kɛɲɛkan n'a tilebinyanfan cɛ. Donald Trump ka fɔ la, Nigeria marabagaw yɛrɛ de ye nin laɲini kɛ  USA fɛ. Kasɔrɔ a tun ye Nigéria jalaki ko u tɛ ka fɛrɛ ka jataigɛwalɛkɛlaw kɛlɛ. Nigéria kɔkankominisiri Yusuf Tuggar ko jamanakuntigi Bola TUNUBU yɛrɛ de y'a ka jɛ di Etats Unis ma yasa u ka mugu ci jatigɛwalekɛlaw kan. Nigéria kɛɲɛkan n'a tilebinyanfan fɛ.

Yala aw ye nin wale in ye cogo di, farafinna jɛkulubaw i n'a fɔ CEDEAO ni UA, ta bɛna kɛ mun ye nin ko in na?  Yala a b'olu ka dɛsɛ de kofɔ jatigɛwalekɛlɛli la wa? 

An ka bi mɔgɔ welelen ye Kunafonidila ale ni lakandako lɔnbaga Sadio Morel KANTE ye ka bɔ France...

AES jamanaw ka laadala lajɛ tako filanan baaraw kuncera kunu Bamako Mali faaba la.

Tile fila kɔnɔ, Burkina Faso, Mali ani Niger ɲɛmɔgɔw da sera tɔn in ka laɲini kumabaw ma a n’u ka hakilna lawaleyalenw san fila AES tɔn siguilen kɔ.

Misali la, u ka kunnafonidisowdayɛlɛli, jabaraninso Mali la, kumaso Burkina ani kunnafonigafɛ Niger…. waribonba BCID AES kurunbɔnkariuli kɛra o cogo kelen de la…. fɔ ka ta se AES ka kɛlɛbolo kɛrɛnklernen ma FU-AES.

Sisan u ka fɔla, Burkina Faso ɲɛmɔgɔ Capitaine Ibrahima TRAORE  ka tɔn in ɲɛmaaya kɔnɔ, siraba saba de bɛ yen u bɛna min taama lakana, yiriwa ani kɔkankow sinsinli.

Yala aw hakilina ye mun ye AES jamanaw ka nin lajɛ in kan.. U ka baara lawaleyalenw n’u ka laɲiniw dun jigiya bɛ yen olu sabatili li wa. Gɛlɛya jumɛnw de bɛ ka Capitaine Ibrahim Traore makɔnɔ a ka nin sarati in na,an ka nɛkejusur sira filɛ 000221 76 644 12 79.

Thiambel Guimbayara de bɛn’aw ka bi ɲinigaliw jaabi kabini Mali la, kunnafonidila don ani politikikow dɔnbaga, ale yɛrɛ ye talikɛ AES ka nin tilefila lajɛba in baaraw la.

Côte d'Ivoire min na, wasadenkalata cɛbɔw b’u yɛrɛ la kanɲiniw la jamana fan bɛɛ lajɛlen fɛ kabi juma tɛmɛnen wa a kow bɛ to senkan fɔ alamusa nata.

Laɲini ye k’u ka baara bolodalenw lase kalatalaw ye walasa k’u kan sɔrɔ sibiridon nata. Kalo tile 27, u cɛbɔ 2740 de bɛ k’u disi da ɲɔgɔn na, sigiyɔrɔ 255 nɔfɛ wasabulon kɔnɔ. 

Kalo fila, jamanakuntigi Alassane Ouattara ka sesɔrɔba kɔ jamanakuntigikalata la, a ka fanga politikitɔn RHDP wasaden de bɛ ka tali kɛ nin wasadenkalataw la iko ŋanaba. 

fan dɔ fɛ u ɲɛkɔrɔ fangasinaw tilalen de be ka taa. Ni Laurant Gbagbo ka PPA-CI politikitɔn k’u tena talik’a ko la. Tidjane Thiam min fana ma se ka tali kɛ jamanaɲɛmaakalata la, ale ka PD-CI bɛ fɛ k'a ninyɔrɔ sɔrɔ nin wasadenkalataw la.

Aw bolo, Tidjane Thiam ka PD-CI bɛna se ka saraba cɛ nin wasadenkalata in na wa?  PPA-CI politikitɔn ka talikɛbaliya dun? aw y’o faamu cogo di? 

Kelennacɛbɔ minnu sɛbɛkɔrɔ cayara nin wasadenkalata in na, olu bɛna se ka balinako kɛ wa?

Satigui KONE de bɛn’aw ka bi ɲiningaliw jaabi kabi ni Côte d'Ivoire jamana kan, politigikow dɔnbaga ŋana don.

An bɛna kuma, farafinna ntolan koɲɛnɛbɔkulu CAF ka latigɛ de kan ka CAN labɛnni bɔ san fila-fila la san la, k'a kɛ san naa-naani ye, ale ni Ligue Africaine des Nation ɲɔgɔn kunbɛnba fana bilali senkan. A ko kumaw tun cayara kosɔbɛ nin y’a san dama dɔ ye, nka Maroc CAN dayɛlɛli senfɛ, CAF y’a latigɛ ka CAN ntolakunbɛnba labɛnni kɛ sisan san 4 o san 4. 

CAN min tun bolodalen don san 2027, Kenya,  Ouganda ani Tanzanie o bɛ to a nɔɔ na, nka san 2029 CAN de bena tan san 2028 nata, o de kɔ, an tɛna CAN wɛrɛ ye tuguni fɔ san 2032.

CAF ɲɛfɔmɔgɔ Patrice Motsepe ka fɔ la, ko laɲini ye ka Farafinna ntolankunbɛnbaw ni diɲɛ fan wɛrɛ taw dama kɛɲɛ u kana yɛlɛ ɲɔgɔn sen kan i n'a fɔ Coupe du Monde ani Euro. O min tun ye diɲɛ ntolantan koɲɛnɛbɔkulu FIFA ka laɲiniba ye.

Ko kura wɛrɛ o ye Farafinna jamanaw ka ɲɔgɔnkunbɛn "Ligue des Nation Africaines"  sigili ye senkan.  O kunbɛn in bɛna kɛ san o san ka ta san 2029… 

Nin yɛlɛmaw kɔni kumaw cayalen don fɔ ka tɛmɛ, bawo ni dɔw y’a jateminɛ ko ɲuman ye, dɔw ko lagosili don Farafinna ntolantanko ma. Aw lamɛnbagaw fana hakilina ye mun ye nin ko la? 

Farikoloɲanajɛ ani Ntolalanko dɔnbaga, Mamadou KANTE de bɛn’aw ka bi ɲiningaliw jaabi