Kuma bɛ aw bolo

Bi jumadon jɛmukan na, baabuba saba aw cayara k’a ɲini an k’an dadon minnu la… O baabu fɔlɔ b’an lase AES jamanaw ka nafolodon waribon ba sigili de la BCID-AES. 

Mali Burkina Faso ani Niger ka hakilina don wasa ka jamana saba ninnu ka yiriwa hakilinaw kɔkɔrɔmadon… kɛrɛnkernenya la, siradakow, jɔlikow, Usiniw, fɔ ka taa se kuranko ani taaɲɛ baara wɛrɛw ma.

Waribonba in kasabi bɛ t’i jɔ n in waati fɔ CFA Wari miliyari kɛmɛ duuru de la min bɛna bɔ jamana saba ninnu yɛrɛ kun. Aw y’o ko kubɛn cogodi, an ben’aw hakilinaw sɔrɔ a tɛ mɛn.

O kɔ, an bɛ to AES kɔnɔ yen, Mali la kerɛnkerenenyala, ka kuma fangasinamatɔ, CFR sigili kan, mali jamandenw fɛ minnu bɛ kɔkan.

A ko ɲɛmɔgɔya bɛ Mali silamɛw ka tɔnba ɲɛmɔgɔ kɔrɔ Imam Mouhamoud Dick de bolo kabi ni Algerie jamana kan. Nka politikimaw jamanden tɔgɔlatɔn-ɲɛmɔgɔw ani maa sugu caman werɛw b’a kɔnɔ.

Laɲini ye ka gwarada General Assimi GOITA ka sɔrasi donnatɛmɛnfanaga la f’u ka segin bɛjɛfanga ma… ani ka Malidenw ka yɛrɛyeyaw belajɛlen boɲa u yɛre ka fɔ la. An bɛna masaala o kow fana kan.

An be sɔrɔ k’a ko kuncɛ Maroc ka san 2025 CAN dakun na. Farafinna ntolankunbenba min be daminɛ karidon.Ntoltantɔn 24 minnu bɛna kariɲɔgɔnna jɔnjɔn nɔfɛ olu ka cɛɲana weelew fanga an’u dɛsɛ-yɔrɔw… 

ntolan ninnu bɔliko farafina foroba jabaraninsow fɛ…Aw kana taa yɔrɔ si an bena nin know bɛɛ walawala ɲɔgɔn fɛ sɔɔnin dɔrɔ  wasa ka talike jemukan na, nɛkejurusira filɛ 00221 76 644 12 79.

Kankan, Mandjana Djalakɔrɔ, kan kan fɔ Conakry, an bɛ kuma b’aw bolo jɛmukna kanunbagaw bɛɛ fo Laguinɛ marabolow kelen kelen kɔnɔ.

Guinée, 10 tan dɔrɔn de tora ani desanburukalo tile 28 jamanaɲɛmaa kalata don cɛ. Kabi dɔgɔkun fila ni kɔ sisan. U cɛbɔ 9 bɛka jamana in fan bɛ k’u sennɔw ye ka jamanadenw lasɔn u ka baarabolodalenw ye… 

O cɛbɔw yɛrɛ cema, donnatɛmɛnfanagaɲɛmɔgɔ General Mamadi DOUMBOUYA b’a ni muso kelen Makale CAMARA.

Laguine sɔrɔko yiriwali, kalanko, bɛn ani kelenya sabatili, sifinw ka baarako musow jɔyɔrɔ, fɔ ka taa se jamana in sigibolobaw yerɛ lakurayali ma… jamanaɲɛmaakalata in lahiduw de ye cɛbɔw bɛka minnu ta jamanadenw ye.

Yala aw hakilina ye mun ye o lahidukanw kan… Kanɲini ɲanajɛ in yerɛ baaraw temɛncogo dun, yala cebɔw beka ɲɔgɔn sankan kenekan ye wa.. 

tɛri a ko yankan de ma bon ka da Guinée fanga sina politikitɔnba dɔw yebaliya kan iko UFDG, RPG, wali UFR. A y’an ka nɛkɛjurusira kɔnɔ, 00221 76 644 12 79…

Jamanaw ni ɲɔgɔncɛ politikikow dɔnbaga ani ɲininikɛ1)a sanfɛ kalansow kɔno, Dr. Moussa SAMOURA de be n’aw ka bi ɲinigaliw jaabi.

Yanni tile duuru dɔrɔn, CAN tako 35 baaraw be kurunbɔnkari Maroc jamana kan… fɔ cogo wɛrɛ la, karidon nata I kɔrɔ. Farafina ɲanaba 24 bɛna t’u disida ɲɔgɔnna CAN jɔnjɔnba nɔfɛ.

Kabini kelen nin ntolantantɔnw bɛɛ y’u ka cɛ ŋanaw tɔgɔda kɛne kan minnu bɛna t’u ka jamanaw jɔnjɔn lafasa.

Ni dɔw ye weele bila ntolantana kuraw ma kana ɲɛda kura di u ka tɔnw ma… dɔw fana jɛnna u ka ntolantanan kɔrɔma dɔw kɔ…O kow kɔnin ma taa ɲɔgɔn sama-samaw kɔ jamana dɔw kan… Iko CIV, Cameroun Wali Mali jamana kan.

Yala aw ka jamanaw ye weele bila ntotana minnu ma aw ɲɛb’olu fangaw la cogodi… U bɛna sek’aw nimisi wasa Maroc kɛne kan wa.

Yala ɲɛw jɔlendon maroc, Sénégal, Côte d'Ivoire, Algérie, ani Égypte minnu la k’olu bɛ jate ŋanaw ye aw fana sɔnen don olu ye wa.

Jɔnin kelen de bɛna CIV wuli k’a bɔ a ka farafina ŋajayala ɲini CAN kɛnɛkan… A y’an weele 00221 76 6644 12 79.

7TV jabaraninso Kunnafonidila ani Farikoloɲanajɛkow dɔnbaga Mamadou KANTE de ben’aw ka bi ɲigaliw jaabi kabi ni Dakar Senegal.

Aw bɛ deli k’a ka jateminɛw sɔrɔ RFI MDK ka farikoloɲanajɛ jɛmukan kɔnɔ kari o kari…ni Sadio Doucoure ye.

Yala o bɛna se ka na ni yɛlɛma jumɛnw ye tɔn in jamanaw ka sɔrɔko ni yiriwa baaraw la? U ka farankankɛlɛbolo sigili kumaw kɔ, sisan AES jamanaw bɛn’u ka waribonba de sigi. BCID-AES "Banque confédérale d'investissement et de développement", Mali, Burkina Faso ani Niger ka waribonba don. Sefawari miliyari kɛmɛ duuru, u bɛn’o de bila waribon in kɔnɔ. Laɲini ye, ka se ka jamana saba in makogɛlɛnw ɲɛnɛbɔ yiriwa bolo ma. Misali la, jɔlikow, sɛnɛ baganmara, baaradege ani izinikow.

Jamana saba ninnu sɔrɔko ni musakako minisiriw bɛɛ y’u yɛrɛ waso ni BCID-AES in sigili ye. U ko a tɔ ye sisan baarakɛlaw de ka ta k’a ko daminɛ. 

Yala aw ye nin kow ye cogo di?  Aw bolo waribon in sigili bena se ka yɛlɛma jumɛn don AES jamanw ka sɔrɔko ni yiriwa baaraw la? A musakaw dun olu bɛna sɔrɔ cogo di? 

Nabi Moussa Coulibaly, de bɛn’aw ka bi ɲiningaliw jaabi kabi Mali la, sɔrɔko dɔnbaga don ani ɲininikɛla don

Bi, baabuba fila, aw cayara k’a  laɲini na ka kuma minnu kan… o baabu fɔlɔ b’na lase Nigeria kɛlɛbolo ka pankurun dɔ jigini la Bobo-Dioulasso, Burkina Faso.

A ko kɛra ntɛnɛdon de, Nigeria marabagaw ka fɔ la, pankurun in n’a kɔnɔ sɔrasi 11w tun bɛ ka taa ci dɔ de la Portugal jamana kan… nka ko fiyɛn dɔ kama, pankunrurun in waajibiyara ka jigin Burkina

San fɛ dancɛw sɔsɔli wale don  ale AES jamanaw ka fɔ la, bawo ko pankurun in tun m’i yɛrɛ ko fɔ infɔ diɲɛ pankurunko sariyaw b’a laɲini cogomin. O kama u y’a ko sɛbɛkɔrɔ kɔn….Aw y’o ko faamu cogo min, na bɛn’o lasɔrɔ sɔɔnin.

Aw ye kalan kɛ fanaAn kuma na bi CEDEAO ka jabi cogoyaw de kan ka ɲɛsin fangadafiriw ma tɔn in jamanaw kɔnɔ

An bɛ jɛmukan in kuncɛ, CEDEAO ka latigew ye Benin ani Guinée-Bissau fangaadriw kan. 

CEDEAO kɛli ka fanga yira ka Benin fanga dafri ɲɛkɔrɔtigɛ… fan dɔ fe, ka kumanɲɔgɔnyaw bila ɲɛ Guinée-Bissau aw y’olu kow ye cogo min na bɛna da don o fana la kɛne in kan.

Wasa ka talike jɛmukan na , nekɛjurusira file 000221 76 644 12 79.

Ɲinigali kelen kelen, maa caman bɛka min tɛgun u yɛrɛ la.

Yala CEDEAO bɛna Benin fangadafri ɲɛkɔrɔtigɛ fɛɛrɛ kelen in lawaleya Guinée-Bissau wa.

A ko kɔnin bɛka baroda caman sɛbekɔrɔ ɲagan nin don labanw na. Bawo farafinnatilebiyanfan tɔn in ka jaabiw makɛ kelen yen ka ɲɛsin nin fanga dafiri filaw ma.

Bénin jamana kan, ni CEDEAO y’i kɛlɛ farida, ka taeliya ka sɔrasiw ci ka taa tatugu fangadafiri laɲinikɛ sɔrasiw la, nin basigilasegin jamana in kan, Guinée-Bissau Tɔn in y’a la laadala kumaɲɔgɔnyaw de bila ɲɛ.

O kama cedeao yɛrɛ beka jalaki maa caman fɛ k’a ma tilennenya baarakɛ. 

Guinée-Bissau fangasinaw ka fara Senegal fasoden tɔgɔlatɔn Afrik-tivist kan, olu bɛɛ kɔnin ye weele bila tɔ in ma tarata don , ak’i jija ka Bissau sɔrasiw fana lasegin u ka dagaw kɔnɔ.

Yala aw ye nin kow ye cogodi…aw fana bolo Cedeao ma tilen wa, tɛri danfara bɛ Guinée-Bissau ani Benin kow tɛmɛn cogo cɛ.

Aw ye kalan kɛ fana"Fangadafiri sera ka ɲɛkɔrɔtigɛ ni jamana kɔlɔsili sɔrasiw ka cɛsiri ye", Dieudonné Simon TÉVOÉDJRÈ

Mun de yɛlɛmana ni CEDEAO y’a kɛlɛ farida.

An ka nɛkɛ jrusira filɛ 000221 76 644 12 79.

Dr. Ngolo DIARRA, lakana ani politikikow dɔnbaga, ɲana kabɔ Mali la, ale de ben’an ka bi ɲinigaliw jaabi.

Tile naani dɔrɔn,  u ka tegɛnɔbila kɔ bɛn laɲinisɛbɛn na USA faaba kɔnɔ Wasinton, Ala ni jamanakuntigi Donald Trump ka cɛsiri sababu la, RD Congo ye Rwanda jalakili dabɔ k’a be k'o bɛnkan sɔsɔ. 

Ntɛnɛndon RD Congo jamanakuntigi Félix Tshisekedi ka laadalakumata senfɛ wasadenw ani wasadenbaw ɲɛma, a ko RD Congo tɛna to kalata ka kari a ka jamandenw kelen na,  ko bɛnkansɛbɛn ko dan b’a yɛrɛ ye.

W’a k’olu ka jamana sibiri ɲɛ kelen tɛna tɔnɔma da maa si fɛ. A ye nin kumaw fɔ ka kɛɲɛ ni kɛlɛ wusuli de ye kokura Sud Kivu mara kɔnɔ Burundi dancɛ yɔrɔ la. 

Felix Tchissekedi ko Rwanda ye mugu fili ka bɔ a fɛ kana bin u ka jamana kɔnɔ. Ale sigiɲɔgɔnjamana Burundi fana y’o kelen de fɔ ko fɔ ka mɔgɔ fila jogin. 

O kama RD Congo ɲɛmɔgɔko k’olu bena latigɛ gɛlɛnw ta nin ko kama, wa k’u tɛ M23 jate u k’u ka jamana kɔnɔ banbagaciw dɛmɛ, nka, kulu min cilen don kɔkan jamana fɛ ka tiɲɛni kɛ RD Congo jamana kan…

Rwanda kɔnin ma kuma nin kow si kan fɔlɔ, USA y’i kanbɔ kaban ko kɛlɛw ka mada teliya la ani ka segin bɛnkan in bonyani ma.

Yala aw bolo fɔ waati jumɛn nin ɲɔgɔnsama-samaw bɛna ban RD Congo ni Rwanda cɛ?  Fɛn kelen jumɛn de be se ka kɛ bi walasa ka dan sigi RD Congo kɛlɛ in na? 

Jamanaw ni ɲɔgɔn cɛ politikiko dɔnbaga ani ɲininikɛla, Dr. Balla CISSE de bɛn’an ka ɲiningaliw jaabi kabi ni France jamana kan. 

Kabi jumadon "San 2026 Coupe du Monde" ntolantantɔn fanba bɛ y’u taa n’u bila dɔn kaban. Kuluciw kɔ, zuwɛnkalo nata tile 11 ni zuluyekalo tile 19 cɛ, u ntolantantɔn 48 de bɛ n’u disi da ɲɔgɔn na "Coupe du Monde" jɔnjɔnba nɔfɛ, USA, Mexique ani Canada. O ɲɔgɔn ntolantan kulu hakɛ ma deli ka ye fɔlɔ ɲogɔndan in kɛnɛ kan, ka fara yɛlɛma caman wɛrɛw kan. 

Aw bolo, yala farafinna ka ŋana 9 minnu bɛ ka taa gun in jɔyɔrɔ fa, olu bɛna se ka mana-mana u ka kuluw kɔnɔ wa? Kunbɛn gɛlɛnbaw makɔnɔnen don u fɛ minnu bɛna ntolan kanubagaw ɲanajɛ kosɔbɛ. 

Olu dɔw ye France ani Senegal, Maroc Bresil, Algerie ani Argentine, walima Côte d'Ivoire ni Allemagne.

Aw bolo a kow bɛna nɔgɔya farafinna ntolantantɔn jumɛnw de bolo ka kulu kunbɛnw latɛmɛ? Farafinna ka fanga a n’a ka dɛsɛ yɔrɔw bɛ se ka kɛ mun ye ɲinan "Coupe du Monde" in kɛnɛ kan?  

Farikoloɲanajɛ ani ntolanko dɔnbaga jɔnjɔn RFI MDK sanfɛ, Sadio Sylla de bɛn’aw ka bi ɲiningaliw jaabi kabi ni Senegal jamana kan.

Kunu Benin, lɛrɛ dama dɔ kɔnɔkow tun sɛbɛkɔrɔ ɲagaminen tun don jamana in ɲɛmaayaso ni jabaraninso la, bawo sɔrasikulu dɔw tun b’a fɛ ka Patrice TALON ka fanga dafiri. CMR, Comité militaire pour la Refondation, u ka kumaw la forobajabaraninso kan, ko lakanako gɛlɛya ɲɔ ɲɛlen don Benin kɛɲɛkanyanfan na. Sɔrasi dɔw fusayali ni dɔw ye, fangasinaw dabɔli kalataw ni jamana latigɛbaw la, ka to fanga politikitɔn n’u kɔkɔrɔmadonbagaw dɔrɔn bolo, ani fɛn caman wɛrɛw.

U tun y’u ka wale in sinsin nin daliluw de kan. Nka Alah ni faso kanusɔrasiw sababu, fu sirila a ko dan na joona ni ka tɛgɛ kɛ wale in kolokolobaga dɔw la. Benin jamanakuntigi ni kɔnɔkow minisiri yɛrɛ ka kumaw don.

Cedeao, Farafinna tɔnba, ka fara kɔkanjamanaw ni diɲɛ magwɛn jamanaw kan, weelekanw bɔra fan bɛɛ ka  Sɔrasiw ka wale in kɔn.

Cedeao yɛrɛ ka sɔrasikulu makɔnɔnen don Benin yen, ka taa fara Nigeria taw kan minnu ye dɛmɛ don Benin ma ka fangadafirisɔrasi ninnu bɔ baara la. 

Halini basigi seginna, yala aw ye mun faamu nin kow bɛɛ la? Cedeao ka jaabi teliyali ka sɔrasiw ci aw y’o ko faamu cogo di? Yala aw yɛrɛ tun sigilen bɛ ni nin fangadafiriko ye Bénin wa? 

Sadio Morel-Kanté, politiki ani lakanako dɔnbaga kabini IPSE ɲinikɛcakɛda la France, ale de bɛn’aw ka bi ɲiningaliw jaabi…

Baabu fɔlɔ b’an lase Guiée-Bissau politikiko lahalaya dakun na yen fanga dafri kɔ, jamanakuntigibinen Umaru Sissoko Embalo yɛrɛ ka lahalaya  jamanakɔkan… 

San kelen donnatemenfanaga in baaraw taa cogo, CEDEAO ka wulikjaɔw ka jamana in lasegin bɛjɛfanga kɔnɔ, ani fanaga sinaw fana ka lahalaya kabi Guinée-Bissau yen.

An bɛ  sɔrɔ ka jɛmukan in kuncɛ ni farikoloɲanajɛko baabu ye. Diɲɛ ntolakoɲɛnɛbɔ kulu FIFA ka latigɛ ka farafinna ntolantanaw labila dɔgɔkun kelen ka kɔn CAN ɲɔgɔn kunbɛba daminɛni ɲɛ.

A ko bɛ kan ntolan kanunbagaw, farafinna ntolatan kuluw ka degekaramɔgɔw ni caman wɛrɛw degun kɔsɔbɛ. 

Nka yala FIFA yen in latige in ta a kelenna wa, dalilu jumɛn b’a ko kɔfɛ. Tɛri jɔnmaya de don dɔrɔn farafinna ma i ko maa caman bɛ ka bila o minan kɔnɔ cogo min.