Kuma bɛ aw bolo

Mali la yɛrɛ a bɛ ɲini ka kalo fila dafa sisan… taji doni sɛbekɔrɔ gɛlɛyalen don jamana in kɔnɔ JNI jatigɛwale kulu ka gɛrɛntɛ sababu la. Tajidoni mɔbilibaw jenini, ani bagaliw ka ɲɛsin tajidɔnin mɔbilibolilaw ma Hali n’a srɔ jamana in marabagaw fana ni fɛɛrɛw ani cɛsiri sugu bɛ be ɲɔgɔnna waasa ka tajini cogo sugu bɛɛ la kanadi jamandenw ma. Ako kɔlɔw kɔnin bɛ ka ye 

Taji sɔrɔli sɛgɛn kɔnɔ, a sɔngɔ yɛlɛli dogola, kalansow datuguli fɔlɔ, maaw ka baarayɔrɔlataaw ani taa-nin-ka-seginw gɛlɛyali fɔ ka se kurako gɛlɛyaw ma jamana in mara dɔw kɔnɔ…  

RFI Mandenkan y’a kanu ka kuma labila aw ye o baabu de kan…

 Aw bolo, kun klen jumɛn na halisa ni tajiko gɛlɛya in bɛ ka taa ɲɛ… Mali marabagaw fɛɛrɛtalenw dun kana ni taji ye jamana in kɔnɔ, aw fɛ o bɛ boli kɛ wa, tɛri maje jumlɛn b’o kow la…yala aw yɛrɛ bɛka ni tajiko gɛlɛya in latɛmɛn cogodi…

Soudan jamana kan, kɛlɛ bɛ ka wusu kokura Général Hemeti ka FSR kɛlɛcɛw ni General Abdel Fatah Abourane ka kelɛbolo cɛ. San fila ni kɔ kɛlɛ, nin dɔgɔkun labanw na FSR kɛlɛcɛw sera ka camanba fara u ka kɛlɛkɛminanw kan ni k’u  kologrinya. 
 

O min sababu la u sera ka El-facher dugu ndaraki kɛlɛbolo la. O El-facher dugu la,fagalijuguw ni binkaniwalew kɔ ka ɲɛsin jamanaden siviliw ma, ONU ka fɔ la, sisan  jamaden bayirika de bɛ ka Kordofan duguw fana bila kɛlɛ juguya kosɔn, ni k’u kunda Tchad walima Soudan fan wɛrɛw kan.

Diɲɛ tɔnba, Farafinna tɔnba fɔ ka se diɲɛ magwɛn jamanaw n'a tɔnw bɛɛ lajɛlen ma. Bɛɛ be k’i ka jɔrɔ yira nka maa si tɛ ka tɛgɛgɔnin den kelen wuli ka dɛmɛn don Soudan jamanadenw ma , Darfour nord maraboloba kɔnɔ.

Aw yɛrɛ ye mun faamu diɲɛ magwɛn jamanaw ka wulikajɔbaliyaw la, yala bɛɛ be n’i sigi ka jamanaden siviliw to u ka bɔnɛw cema wa ? 

Fɛɛrɛ jumɛn de be se ka tigɛ walasa ka Soudan bɔ nin degun kɔnɔ? 

Sadio Morel Kanté, lakana ani politikiko dɔnbaga de ben’aw ka bi ɲiningaliw jaabi kabi ni France jamana kan.

Nɛkɛ kan  ɲɛ 12 o janfara ni sanga tan ye. Kankan, Mandiana, Daialakoro ani Conakry, Laguinɛ faaba la… aw ka hakilinafɔ jemukan kenɛ don…

Laguinɛ min na, donnatɛmɛnfanga ɲɛmɔgɔ Général Madi DOUMBOUYA ye maaw bɔ waati jan kunfa la.

Bawo a y’i senna bila kunu, ka taa ka cɛbɔyasɛbenw don sanfɛkiirisoba Cours suprme ɲɛkɔrɔ.. Dec kalo tile 28 jamanaɲɛmaa kalata hukumu kɔnɔ.

Hali n’a tun k’a tɛna kɛ cɛbɔ ye, septenburukalo sariyasunba kura talen kɔnin b’a yamaruya sisan.

Mamadi DOUMBOUYA k’ale  masuruna maw ani jamanaden fanba de y’a ɲini a k’i kanbɔ fanga kɔ, san 4 donnatɛmɛnfanga mara kɔ a fe waasa ka taa ɲɛ n’o mara fɛɛrɛ bolodalenw ye.

Nka y’ala aw fana y’ Madi DOUMBOUYA  ka cɛbɔya in faamu o cogodi de la wa , yala aw tun sigilen bɛ n’a ye wa.

Aw yɛrɛ ɲɛbɛ jamanaɲɛmaa kalata nata in yɛrɛ la cogodi fangasina politikitɔnw baw RPG, UFDG ani UFR kɔ… an ka nɛkɛjurusira labilalen don kaban 00221 76 644 12 79

An ka Conakry lasigiden Fanta CONDEN de be n’aw ka bi ɲinigaliw jaabi…

Bi ntɛnɛŋdon yɛrɛ de ye jamanakuntigiMuso kura Samia Suluhu Hassan ka kalenkandi don ye a ka sebaaya sɛmɛntiyali kɔ jamanakuntigi kalata la sibiri tɛmɛnen ni kalatala 98 kan sɔrɔli ye kɛmɛsara la. Nka o sebaaya in ma taa makanw kɔ, bawo jamanaden  fanba, fara fangasinaw kan, olu bɛɛ ye kalata in jaabiw sɔsɔ k’a ma kɛ jɛlenya kan. O min kama jamana tun sɛbɛkɔrɔ ɲagamina wulikajɔ kɔtigɛbaliw sabu la.

kariɲɔgɔnnaw kɔ u ni lakana tigilamaaw fɛ, tiɲɛniw ni joginiw kɔ,fangasinaw bɛ ka maa 800 de ka fagali lase, nka, o ni jateminɛkuluw ka jate fɔlnew ka jan ɲɔgɔn na kosɔbɛ.

Farafinna tɔnba, diɲɛ tɔnba ONU ani Eurɔpu tɔnba bɛɛ y’u ka jɔrɔ yira nin ko la, ni k’a ɲini basigi ka na jamana in kɔnɔ, Nka Tanzanie dɔrɔn tɛ, Cameroun, Côte d'Ivoire, an bɛ nin makan suguw ye Farafinna ka caya jamanaɲɛmaakalataw senfɛ. 

Aw yɛrɛ fɛ, mun de bɛn’a n’o walew ye sanga ni waati bɛ Farafinna?  fɛɛrɛ jumɛnw de be se ka tigɛ walasa ka belebele bɔ kalataw senfɛmakanw la ani ka jamanadenw nin lakisii? 

Politigikow dɔnbaga Kabi ni Côte d'Ivoire jamana kan, Satigui KONE de bɛn’aw ka bi ɲiningaliw jaabi 

Bi octobrekalo juman laban, an ye an ɲanoya ka kuma musow ka bɔlɔlɔ kan jago lo kan. Muso cama lo cɛsirilen bɛ bi bi in na, bɔlɔlɔ kumayɔrɔw kan feere la, wa o cama ye tɔgɔ sɔrɔ. i ka kɛnɛ kan an o muso cɛsirilenw damani lo bi na baro kɛ bi ka kɛnɛ kan. O musow ye bɔlɔlɔ kan feere daminin cogodi, o b'o jago yɛrɛ lawaleya cogodi, a gɛlɛyaw ye jumɛn ye, a bi nafa juman se o ma, o ŋinikaliw bɛ bi na fɛsɛfɛsɛ ni kɛnɛ in kan.

Mali la, JNIM jatigɛwalekulu ye gɛrɛtɛn bi sigi taji donli la jamana kɔnɔn, ani ka taji ta mobiliw jɛni, ali taratalon, tajita mɔbili cama jɛnina Soribugu ni Nɛgɛla cɛ, Kati sira kan. o kɛlen bɛ ka gulɛyaba lase jamanadenw ma, kɛrɛnkɛrɛniyara Bamako jamana faba ra. Taji ni gazoil dɛsɛ kɛlen bɛ ka mɔgɔw bali o ka ciw ma, wa cakɛda cama ka baara lo lalɔlenlo ni wagati in na.

Wa o, tajiko gwɛlɛya kɛra sabu ye k’a to marabaw ye latigɛ ta ka kalan sonsori tile 10. Nin latigɛ in ɲɛsinlen do Mali kalansow bɛɛ de ma, foo ka taga se sanfɛkalansow ma. A kun de ye ka kalanfaw ni kalandenw lafiya dɔɔnin, olu minnu dɛsɛlen do ka kalansow lasɔrɔ taji sɔrɔ ko gwɛlɛya kɔsɔn. 

Yala aw bi ni tajiko gulɛya in latɛmɛnna cogodi, yala an ka kan ka jɔrɔ ko gulɛya ka kɛ sababuye ka baara da wɛrɛw lalɔ wa a ka kɛ forobata  ye walima kɛyɛrɛyew ta.

Bi araba, an bɛ kuma kalatako kan tuguni, nka nin sen in na, an bɛ Côte d'Ivoire jamana na, yen, sibiri jamanakuntigikalata kɔ, jamanadenw y’u ka dannaya da Alassane Ouattara de kan, i n'a fɔ kalata konɛnabɔcɛkɛda CEI ka jaabiw b’a yira cogo min na, RHDP ka cɛbɔ ye kan 89 le sɔrɔ kɛmɛsara la. A tora  sariyasunba kɔrɔsili kiiribulon k'o sɛmɛntiya dɔgɔkun  nataw 
Yala mun de bɛna to aw hakili la nin kalata in kan? 
 

Cameroun,  RDPC ka cɛbɔ, Paul Biya de ye sebaaya sɔrɔ jamanakuntigikalat la. O ma bɛn fangasina Issa Tchiroma BAKARY n'a nɔfɛmɔgɔw ma, o ye mankanw lawuli jamana mara caman kɔnɔ. Aw y'o ko ye cogodi?  

Kalata koɲanabɔjɛkulu, CENA kɛlen kɔ k’a ban cɛbɔ Renaud Agbodjo ka cɛbɔyasɛbɛn na kunu, sariyasunba kɔrɔsili kiiriso fana ye jaabi di. A ko "Les Démocrates politikitɔn" ka laɲiniw t'ale  ka baara ye. Tɔn in tun y'a laɲini de ko sariyasunba kɔrɔsili kiriso ka segin kɛ CENA ka latigɛ kan. Yala Bénin fana kalataw bɛna kɛ fangasinaw kɔ wa? Aw ka jɛmukan baabu y'o de ye bi.  

A fɔlɔ Mali ka lakanako lahalaya ni waati labanw naa. K’a ta JNIM jatigewalekulu ka gɛrɛntɛnw tajiko gɛlɛyaw ma jamana in kɔnɔ, walejugu kulu in ka taama sariya waajibiyalenw Mali taamakecakɛdaw ni taamadenw kan. Kɛrɛnkerenenya la musow k’olu ka kunabri don, ani ka danfaradon u ni cɛw sigiyɔrɔ cɛ bolimafɛnw kan fɔ ka taa se  Mali yerɛ marabagaw ka latigɛ ma yɛlɛma dɔw don kɛlɛbolo ɲɛmɔgɔyajɔyɔrɔw la.