Kurds & Schmerzlos: Mir fasset Key-Events vo dem Jahr zeme und wünschet eus es guets Neus.

Das Globetrotter Postfinance Tiktok Girl het eus bsuecht und über ihri Krankheit, sLebe als Drehbuechautorin und Tiktokerin verzehlt. Mir kennet Josie scho sit x Jahre, und trotzdem hemmer eus nie zeme anegsetzt und hend e Stund land gschwätzt.

Wenn scho immer mal hesch wele wüsse wie sLebe mit Alopezie isch, oder was mer muess mache zum professionel als Drehbuechautorin zschaffe isch das dini Folg!

Josie, danke viel mal für das ahgnehme Gspröch, gerne wieder

Für alli andere: kei Angst, i de zweite hälfti wirds Ehrelos will es git es Beichte Comeback.

Meh vo de Josie?

Instagram: https://www.instagram.com/jocelynephillip/

TikTok: https://www.tiktok.com/@yungjocie

Fanpost bitte direkt ah [email protected]

Es isch Mäntig Again my Dudeeeeeees, es isch Chalt dusse, Winterdepressione hittet härter als jedes Hafti Album aber eure Liechtblick isch da, will mir droppet e neui Folg!

Mir startet mitem Spotify Wrapped, redet über eusi erst Liveshow, machet en churze Abstecher in Alis Weisheite und philosophieret über de Deal des Jahres zwüschet Russland und de USA.

Zum Schluss: Happy Chrismm & Merry Crysler mir meldet eus churz vor em Neue Jahr nomal

Die Wuche isch biz es uf und es ab, beschisse isch z.b. das mäntig isch und das es schneit, wiederrum guet isch das eusi Brüedere us Marokko witter cho sind und das du e neui Folg vo eus bechunsch! Die Wuche hemmer eus mitem Fabio Landert, Komiker, Ehre-Kanak, Uswanderer und Babyface unterhalte. Er verzehlt eus vo sim Weg i de Comedy Szene, was sini Ziel sind und was sini Shows anders macht. 

Übrigens hemmer für eu en Teil vo de Liveshow Exclusiv uf Youtube glade: https://www.youtube.com/watch?v=rTmkBK3adNE

__ 

Tickets für sini Show findsch da: https://fabiolandert.com/termine/

Uf eimal isch es vo eim Tag uf de ander arschchalt worde und überall heissts no Strom spare amk. 

Es isch Ziit zum eu wieder paar Tipps geh und zwar, wie mer am eifachste Strom spart:

- tüent all euri Grät vo diheime is Gschäft mitneh und ladets döte uf, egal ob nur iPhone oder Tesla

- machet eues schlafzimmer zu euem wohnzimmer und montieret eue TV döt ane, will scheiss uf bsuech ganz ehrlich

- löfflet chli meh

Und genau bim Thema Löffle hemer gmerkt, wie uneinig mir bi gwüsse Theme chönnt sie und es sind au Herze broche worde ganz ehrlich. Aber bi eim Thema simer eus alli einig: November isch de beschissensti Monet (nöd de 3 fachi Platin & 4 fachi Gold Rapper wo bi eus als Gast gsi isch hehe) git. Mer chan eifach nüt mache i dem Monet amk. Du chasch nöd gschied oder lang use, es isch immer dunkel und übertriebe chalt. Du chasch zwar mal i en Escape Room gah aber vo dene gits bald meh als Shisha Bars und irgendwenn hesch das au gseh. Döte wird au zu 100% Geld gwäsche will chasch eus nöd sege, dass en Escape Room irgendwo imene Kaff 3 Wuche im vorus usbuecht isch.

Zum Abschluss hets mal wieder 1-2 Frage vo de Community geh und mir freuet eus scho extrem, eu am 3. Dezember zu eusere nöchste Show Willkome z’heisse!

Mein Löwe, mein Bär, danke das wiedermal ischaltisch wenn de Lieblingspodcast vo jedem Sek B Schüeler e neui Folg ufeladet. I dere Folg redemer über zeme Game, wieso mir gern zu Kanake-Barber gönd, redet über dSituation in Katar und zuesätzlich lesemer es chlises Hörspiel vor wo de Yoldas vorbereitet het.

Eusi ersti richtigi Liveshow am 3. Dezember isch nach 1.5 Stund usverkauft gsi, ihr sind Crazy! Danke für euri liebi und eure Support - ohni eu wür das alles nöd funktioniere!

Wie immer wünsche mir dir viel Spass, Erfolg bi dim Crush und e wunderschöni Wuche.

_

Mir hend scho lang wele über das Thema rede, wills öpis isch wo eus scho lang begleitet, mitem Rapper Freezy hemmers etz gschafft e Folg lang Mental Health z'thematisiere.

Danke eu vielmal fürs zuelose, und vergesset nöd: Es isch okey wenns der nöd guet gaht und es isch genauso okey zum Arzt gah wenn krank bisch - öp körperlich oder emotional.

Disclaimer: Mir sind kei professionelli Theapeute, no simmer e Ahlaufstell - mir teilet eifach eusi erfahrige.

Mir wünschet eu e schöni Wuche <3

Endlich isch es sowit. Endlich isch Pelin mal verbi cho zum en Podcast ufneh und us luuter  Nervosität und Ahfickerei hemer de Ahfang verpennt und  chli en schwierige Start gha. Nichts desto trotz hemer nacheme Moment eus gfunde und eusi typischi Gspröch mit de Pelin gfüehrt

Typischi Gspröch mit Pelin? Folgende Zuetate bruchts defür:

Use chunnt es Gspröch wo, wie mer es sust au vo eus kennt, kein rote Fade vorhande isch und eifach wild druf losgredet wird. Mir hoffet eu gfallt die Folg, au wenn mir müeh gha hend am Ahfang, und freuet eus scho uf de nöchsti Bsuech vo Pelin aka Pelo from the block.

Die 30. Folg, nöd nur speziell für eus sondern au für eu. Mir hend euse allererste Live-Uftritt im Dali‘s in Züri gha! Circa 30 Lüt sind Live debi gsi und hend mit eus die Erfahrig teilt.

E Liveshow uf bei zStelle isch nöd eifach, dafür hemmer es Team hinter em Podcast wo mir speziell wend danke:

In alter woke Kanake Manier hocket d'Jungs zeme und reflektieret die letzte paar Wuche.

Nomal für alli: Mir machet in erster Linie Content für Mensche, deren Name im Word rot unterstriche isch

Innerhalb vo 29 Folge hemmer so viel erreicht dank eu, aber mir sind no lang nöd am Endi vo eusere Reis.

Am meiste Unterstütze chasch eus indem uf  Spotify & Apple Podcast e Bewertig hinterlahsch und eus uf Youtube abonniersch.

- Yoldas & Sero