KURDS & BÜNDIG

Mir verzehlet über dSwiss Music Awards, Cops wo angst hend vor Wasserpistole, hend en schüche Beziehigstalk und beantwortet euri Frage.

Hey ganz ehrlich es isch Mäntig 00:40 Uhr und ich ha würkli kein Plan meh über was mir gredet hend...

ah wart jetzt bim schriebe fallts mer wieder ih: FKK Stränd, kurdische Zidane, Sternschnuppe und nomal öpis.

Witter weiss ich nüme, sorry. Gnüss. Gruss. Liebkuss. Abonnier eus.

Will es paar vo eu Edgy Girls nach de Brüell Playlist gfrögt hend, da isch sie!

_

Endlich chunnt öppert verbi, uf de mir eus beidi bsunders gfreut hend: Gilmar. Au bekannt als eine vo eusne engste Fründe und ehemaligi Mitbewohner.

Mir versuechet rekronstruiere, wie mir eus kenneglernt hend und wie eusi Fründschaft entstande isch. Simmer ehrlich, chönnt ihr jetzt direkt sege wie ihr eui engste Lüüt kenneglernt??

Uf eusi wildi Ziite sind denn die gmeinsami WG Ziite gfolgt und über die chönntemer stundelang verzelle. Wieso genau hets de Gili mengmal gnervt das sis Zimmer genau nebetem Yoldas sim gsi isch? Und warum hend sich Nachbere mal bi de Bulle beschwert?

Los jetzt i die neust Folg Kurds mit Fründe und finds use!

Mir hend e 10/10 Ziit gha mitem Gili und hend eus oft kaputt glacht.

Danke für din Bsuech Brüeder! Mir freuet eus scho uf din nöchste Bsuech.

Gilmar uf Twitch

Gilmar uf Instagram

_

Mir sind en unabhängige Podcast, und verdienet dur Streams kei Geld - aber dank eu chömmer eus neues Equipment kaufe, lüt vor und hinterem Podcast ahstelle und dQualität vo eusne Folge verbessere. Unterstützt eus mit ere eimalige Spend und zeig dini Liebi! 

Spend da über Twint

Meh vo eus

Jamal. Musiker, Producer & Songwriter het zum erste mal im 2018 am Cypher welle gschlage, und sit dem gits keis einzigs Interview vo ihm. De Jamal het 1 Album releast, mehreri Tapes und staht churz vorem nächste Drop.

A eusem Gspröch redemer über dIndustrie i de Schwiiz, sis Mindset und sin Hustle. Jamal erklärt eus wieso es wichtig isch i dem Game viel wo sich zhalte, dass ihn das nöd Arrogant macht und wo er sich i es paar Jahr gseht.

Es isch e Ehr gsi mit em Jamal, em Winterthurer Prodigy & guete Fründ zeme zhocke und über e Stund zlache & philosophiere.

Jamal:

Instagram & Spotify

__

Mir sind en unabhängige Podcast, und verdienet dur Streams kei Geld - aber dank eu chömmer eus neues Equipment kaufe, lüt vor und hinterem Podcast ahstelle und dQualität vo eusne Folge verbessere. Unterstützt eus mit ere eimalige Spend und zeig dini Liebi! 

Spend da über Twint: https://donate.raisenow.io/pswgy

Meh vo eus: http://kurds-bundig.ch

De Yoldas verzehlt am Serhat vo sinere eher beschissene Wuche und das er in Töss gsuecht wird. De Sero packt wiedermal sis Wüsse über Alexander der Grosse, Dschingis Khan und anderi krassi Eroberer us.

Am Schluss frägemer eus: Hät KI es Verständnis für Moral & Ethik - für all die weniger schlaue unter eu: "Isch KI ehrelos oder nöd?"

Viel Spass!

-

Mir sind en unabhängige Podcast, und verdienet dur Streams kei Geld - aber dank eu chömmer eus neues Equipment kaufe, lüt vor und hinterem Podcast ahstelle und dQualität vo eusne Folge verbessere. Unterstützt eus mit ere eimalige Spend und zeig dini Liebi!

Spend da über Twint: https://donate.raisenow.io/pswgy

Meh vo eus: http://kurds-bundig.ch

Freund:innen der Sonne, es isch de 1. Mai, de Serhat hät Geburtstag und gaht sehr nöch uf die 30i zue. Naheliegend natürlich das mer über eusi Bucketlists redet und sache wo mer bereuet im Lebe.

Witteri Theme: 1. Mai als Chind, Ferie i de Staate und Aligatore in Miami

Viel Spass bim lose und wie immer: Danke fürs zuelose

_

Mir sind en unabhängige Podcast, und verdienet dur Streams kei Geld - aber dank eu chömmer eus neues Equipment kaufe, lüt vor und hinterem Podcast ahstelle und dQualität vo eusne Folge verbessere. Unterstützt eus mit ere eimalige Spend und zeig dini Liebi!

Spend da über Twint: https://donate.raisenow.io/pswgy

Meh vo eus: http://kurds-bundig.ch

De Alpi aka. de Baba bi Bounce redet mit eus i dere Folg e gueti Stund lang über sin werdegang als Produzent, de Cypher23, dHighlights vo de Rap-Acts, was es brucht zum so en Event bim SRF ufd Bei zstelle und was sini persönliche Höhepunkt i de letzte Jahre gsi sind.

Aschlüssend rüerrt de Alpi eus i id Chindheit zrugg und verzehlt was es heisst als junge usländer i dem Land ufzwachse, wieso Air Force 1 euse grösste Richtum gsi sind und warum es schwierig gsi isch eine vo wenige känäks im Medie-Game zsii.

Gib dir die neui Folg!

_

Mir sind en unabhängige Podcast, und verdienet dur Streams kei Geld - aber dank eu chömmer eus neues Equipment kaufe, lüt vor und hinterem Podcast ahstelle und dQualität vo eusne Folge verbessere. Unterstützt eus mit ere eimalige Spend und zeig dini Liebi!

Mir sind zemme i de Berge gsi über Ostere und hend en Fehler gmacht, wo mir lang nüme gmacht hend: Brettpsieli spiele mit dine Liebste.

Ja, mir spielet eigentlich regelmässig Brettspiel und lang isch es au guet gange. Aber dasmal....dasmal isch es für de Yoldas eifach eine z'viel gsi. Er versuecht i dere Folg das eine Spieli verarbeite und Sero versuecht ihn irgendwie verstah.

Zum Schluss bringemer e Rubrik wieder in Podcast wo eusi Community am meiste vermisst het: Sero's Beichtstuhl. Es het das Mal wieder sehr ehrelosi debi aber endlich mal au paar halbwegs ahständigi.

Zum Schluss no e Frag:

Wer het wegem Brettspielabig recht? Sero oder Yoldas?

Glg,

dini lieblings Kurdis