Wüsseder no de eini legendäri Abig wo d’Schwiz geg Frankrich es 3:1 ufgholt het uf es 3:3 und Frankrich den im Elfmeterschüsse usekickt het? De Abig wird mer nüme so schnell vergesse und zum erste Mal hemer mit zwei schwizer Nationalspieler chönne drüber rede. Zum eine mitem Nico Elvedi und zum andere Cedric Itten (er isch nöd a de EM debi gsi aber scheiss egal, er het blaue Hake uf Insta). 

Mir hend denkt bi dene lauft schlimm und mir nehmet im Dolder oder so uf aber schlussendlich hemer irgendwo in St. Galle ufgno. Es het vo de Ziit her leider nöd glanget zum mit ihne gross über Gott und die Welt rede aber mir hend trotzdem sehr gueti Gspröch gha und zum Biespiel usegfunde, dass Yoldas übertriebe kei Ahnig vo Fuessball het oder das Nico de eint oder ander no gern würd fitze.

A dere Stell nomal Danke ad Jungs und bis zum nöchste Mal!

I dere Folg redemer übers Alt werde, Älplermagrone, alti Fründschaft und gebet eus zum Schluss no eurne Frage.

All eusi Links:

Die 25. Folg vom Podcast vo de schönste Kurde us de Schwiz isch UME.

Viele Dank für eure anhaltende Support, dank eu simmer nach de Summerpause wieder i de Top - Podcast Charts.

- Folg und Bewert eus uf Spotify

All eusi Links: https://linktr.ee/Kurds.bundig

Kardashians vo England hend es wichtigs Familiemitglied verlore, Strompriese machet eus fertig und a all dem isch nur öpert Schuld: Russland!

De Yoldas isch aneme Poetry Slam - Open Mic gsi und verzehlt wie er die "richtige" Witz as falsche Publikum bracht het, de Sero stellt frage über Kulturelli Aheignig und de Yilmaz druckt kein einzige Knopf.

Viel Spass bi de neue Folg

xoxo Kurds & Bündig

"Summer has come and passed, wake me up when SUMMERPAUSE ends"

_

All eusi Links: https://linktr.ee/Kurds.bundig

I dere Folg zeigemer eu was für es Gspröch mir mitem EAZ aneme Sunnige Nammitag führet.

Die und witteri Frage werdet beantwortet, zuesätzlich spielemer es Music Quiz, machet es unagnehms Interview, und lachet eus en schade.  Wer bis zum Schluss loset de weiss: mit machet e Summerpause und sind abem 5. September zrug mit neuem & früschem Content❤️

Gnüsset de Summer!

MERCH: https://umerch.ch/collections/kurds-bundig

Jedes Jahr s’gliche: mir wartet ungeduldig uf de Summer nur demit mir denn d’Hitz chönnt verflueche. Mir schwitzet a Ort wo mir nöd mal denkt hend das mer döte chan schwitze…überleget eifach am Ellboge?! Es git wenig wo schlimmer als so e Hitzewelle isch. Eis vo de wenige Sache isch, wenn ufzmal din Klassekamerad vo de Oberstufe dir e Lebensversicherig wött ahdreihe. Bro en Ahzug macht dich nöd zu Harvey Specter, du hesch bis gester no es Schneeballsystem unterstützt und Aloe Vera Produkt verkauft. Wenn scho irgendöppis wötsch verkaufe, denn versuechs viellicht mal im Verkauf bi Apple. Weisch wieso? Will döte wenigstens no mitbechunnsch wie lüüt versuechet ihres verbrennte Handy als en Garantiefall z’verkaufe. Und ja, mir alli sind scho mal döte gsi und hend irgendwie versuecht usehole, nur hend gwüssi eifach zero Schamgfühl.  Ah und vergiss nöd eus uf Youtube abonniere, uf Insta folge und uf Spotify folge & bewerte! Mir sind dank eu wieder mal i de Charts glandet und defür wend mir eus nomal vo Herze bedanke!

Neue Mäntig - Neui Folg. Dank eurne Stichwörter wo ihr eus über Insta gä händ, bechömeder wiedermal e Folg mit ganz viel persönliche Stories. Gnüsset die neu Episode, startet guet id Wuche und wie immer: Danke für euri Liebi.

Mir hend de Sven Ivanić damals 2019 bim "Blick Live Quiz" kenneglernt als Thomas Gottschalk mit Migrationshintergrund.

Sven redet mit eus über sMarketing vom Otto's, sin weirde Disney Crush, sini erst Schlägerei und wieso ihr ihn unbedingt Live müend erlebe.

Du wotsch meh vom Sven?

Sini Tourdate findsch da: https://www.sven-ivanic.ch/live