KURDS & BÜNDIG

Mit eim Tag verspätig, viel Schmerz im Herz und Poesie uf eusne Zunge lieferemer eu e Folg volle mit Metaphere, Wiisheite und sache wo mer die Folg erlebt hend.

Mir fanget ah mit em Monet192 Konzert, redet über Velofahrer:inne, Roadrage und das Autofahre eigentlich au e anerkannti Therapieform sött sii. Am Endi wirds bizli ernster, dini Abis redet drüber was es bedütet e Beziehigs zfüehre und wieso das so viel Arbet isch.

Wie immer, wünsche mer eu e tolli Wuche, viel Kraft und enorm Liebi.

Küss eures Herz

___

Neui Wuche, neui Folg und dini Jungs müend paar Sache loswerde. Mir sind nominiert gsi bi de Suisse Podcast Awards und hend eus Original eifach parat gmacht zum nach 5h en fette Chorb kassiere. Was isch das, euses Datinglebe?! Uf jedefall hend paar Sache mösse gseit werde, da mir die Lüüt nöd i es Kaffi chönnt ihlade zum a la Manuellsen mal paar Sache kläre.

Das ganze rundemer aber mit ere neue Rubrik ab und verzellet eu, was eusi Community scho alles gmacht het für en Bounce. Ganz ehrlich: was gebet ihr eu aaaalles für schlussendlich 2 Minute lan? Wie hend lüüt eifach Kontinent gwechslet defür???

Wie immer herzliche Dank fürs zuelose, gib dir e gueti Stund Sero & Yoldas

___

Du wotsch eus Unterstützte?

Spend eus Geld via Twint: https://donate.raisenow.io/pswgy

Like, Abonnier, Bewerte eus: https://linktr.ee/Kurds.bundig

Ouh Legendossssss

De Hero und de Yoldas hend en Tag am Locherguet verbracht, hend en kaffi trunke, sind zum Berber gange und hend im Stau übers Lebe philosophiert. In Winti isch de Sero dezue gstosse und zeme hemmer e Stund über zerstörti Hotel Suites, erwachse werde, sRockstar-Mindset, sin schriebprozess und was sini Träum sind gredet.

Gib der die Folg, e Lachflash isch Garantiert!

Hero sis Album "Schön hämmer gredet" erschient am 31.03.2023 und zeme mit eure Hilf bringemer die Platte uf Platz 1!

Album vorbstelle: https://mchero.lnk.to/SchoenHaemmerGredetAS

MC HERO uf Instagram: https://www.instagram.com/hero_official04/?igshid=YmMyMTA2M2Y%3D

MC HERO uf Spotify: https://open.spotify.com/artist/2G7CDlBznNGyzKFpbngRMx

Abonnier, Like & Bewerte euse Podcast wenns dir gfalle het!

los zue ich bi verkateret und ha gar kein Bock zum gross öpis schriebe, also machemers kurz:

_

I dere folg gennd de Serhat und de Yoldas alässlich em 8. März, de feministischi Kampftag, ihres Mic und ihri Plattform ah d‘Lou, Pelin und Ala ab. Mir diskutieret drüber was intersektionale Feminismus heisst und stellet eus  wichtigi frage wie „dörf ich fraue schla wenns glich viel verdiene wennd wie manne“ ?

Instagram:

Bevor du ihne id DM's Slidisch lueg churz in Spiegel und frög dich:

Es isch sowit, eini vo de lustigste Folge ever isch ufgno! Hesch immer scho wele wüsse wie mir zu Hintertüre Abentür im Bett stönd? Das isch dini Folg! Es isch e neui "KURDS MIT FRÜND:INNE" Episode, de Shidar und de Yäne hend eus bsuecht und mit eus übers Lebe, vergangenes und aktuelles gredet. I dere Folge merkeder wie fest mir eus wohl fühlet, sie isch Chaotisch, Bodelos und eifach Wild. De Serhat bechunt sis erste Tattoo, mir lernet Fremdwörter vom Yäne, es git paar neui Knöpf, Gspröch über Arsch-Koitus und sehr sehr viel Dütsch-Versprecher.  Herzlich wilkomme zu de Toxiste Kurds & Bündig folg, gnüss de ride, lahn en Like da und vergiss nöd: Mir sind zrug.

Übrigens simmer Nominiert fürd Suisse Podcast Awards, hilf eus zgünne i dem du eus folgsch uf dinere Podcast-App, unbedingt e Bewertig abgä und wenn en riese King/Queen bisch schriebsch sogar e Berwertig.

__ 

Die Folg isch Gsponsoret vo Adia: Mit der Adia App entscheidest Du, wann, wo und wie oft du arbeiten möchtest! Jetzt die App installieren und Geld verdienen: Mehr erfahren

__

khaaaaaaaaa lueg wer ume isch! Livetour isch verbi, und mir hend e neui Folg für eu nach dere lange Pause.

Die letzt Folg vor de Podcast Pause eskaliert es bizzeli, mir hend e heftigi Diskussion und werdet es biz Lut (wem das zviel wird cha unne dTimestamps nahelse zum überspringe) aber am Schluss isch alles wieder guet und mir lachet über euses toxische Verhalte.

Danke fürs zuelose und mir gsehnt uf Tour, bisous.

-------------------------------------------------------Kapitel-------------------------------------------------------------  

00:00 - Intro

“It's a privilege to educate yourself on racism instead of experiencing it!" / „Es ist ein Privileg, sich über Rassismus weiterzubilden, anstatt ihn zu erleben!“

De Dembah, Mitgründer vom Kollektiv Vo da., setzt sich als Schwarzi Person sit Jahre unfreiwillig mitem Thema Rassismus und Diskriminierig usenand. Mitem Kollektiv mit Mensche vo da hend sie sich vor 3 Jahr zur Ufgab gmacht Rassismus und Diskriminierig i dä Schwiiz gemeinsam öffentlich ahzspreche. I dem Podcast verzehlt er eus über dAfäng vom Kollektiv, wieso Aktivismus en Kampf isch und warum Sprach - zum Glück - wandelbar isch.

Es isch es sehr spannends Gspröch, mir hend sehr viel glernt während dem Dialog und hoffet würkli das du dir Zit nimmsch, die Folg losisch und dir Gedanke machsch wo dir vorher vlt nöd gmacht hesch

De Dembah isch zwar repräsentativ fürs Kollektiv bi eus, isch aber nur en Teil de vo - Verschiedensti Mensche kämpfet für e grechteri und inklusiveri Schwiz.

Du wotsch Teil devo werde, sie unterstütze oder eifach mal verbiluege? 

Socials: @mirsindvoda

Website: https://mirsindvoda.ch/