Lestin

Lestin

Download on the App Store

All Lestin episodes

  • Puttaferðalangar, What if og fótbolti sem trúarbrögð
    Í Lestinni í dag rýnir Áslaug Torfadóttir í Netflix-sjónvarpsþættina What if með René Zellwegger í aðalhlutverki.
    Að húkka sér far er góð leið til að kynnast fólki, kynnast samfélagi og jafnvel að læra tungumál. Við ræðum við listamennina Ant Hampton og Ritu Pauls sem hafa ferðast á puttanum víðs vegar um Evrópu og viðað að sér frásögnum fólks og lært utan að. Undanfarnar vikur hafa þau ferðast um Ísland með nemendum í Listaháskóla Íslands og safnað sögum.
    Um helgina sigraði Liverpool meistaradeild Evrópu í knattspyrnu. Að því tilefni veltum við fyrir okkur fótbolta og trúarbrögðum, fótbolta sem trúarbrögðum. Gestur þáttarins er Séra Ólafur Jóhann Borgþórsson.
    55 min
  • Skjaldborg, Útlendingurinn, David Hume
    Skjaldborg, hátíð íslenskra heimildamynda, verður haldin í þrettánda sinn dagana 7. til 10. júní. Skjaldborg sýnir heimildamyndir sem annars kæmu varla fyrir augu almennings og ber jafnan virðingu fyrir hinu smáa, stóra, skrýtna og fokdýra. Helga Rakel Rafnsdóttir og Janus Bragi Jakobsson, skipuleggjendur hátíðarinnar, taka sér far með Lestinni í dag. Spurt verður: Hver er staða íslenskrar heimildarmyndagerðar árið 2019? Kirkjulistahátíð verður haldin í Hallgrímskirkju dagana fyrsta til tíunda júní. Listvinafélag kirkjunnar stendur fyrir hátíðinni, þetta er í fimmtánda sinn sem hún er haldin og þar verður metnaðarfull og fjölbreytt dagskrá í boði. Á mánudag verður þar flutt verkið Útlendingurinn: Verk í hljóðum, tali og tónum, eftir Halldór Hauksson. Halldór heimsækir Lestina í dag og segir nánar frá verkinu. Og Karl Ólafur Hallbjörnsson fjallar í pistli dagsins um skoska heimspekinginn David Hume, hugtak orsakarinnar og mannlegan vana.
    55 min
  • Melankólía, Bender, Le Bon, Kynningarbréf
    Efni Lestarinnar í dag: Ef ferilskrá er hnitmiðuð auglýsing og staðreynda-skáldskapur, hvað er þá kynningarbréfið sem gjarnan fylgir atvinnu-umsóknum? Er það sjálfspeglun, áhuga-manifestó eða bara enn ein brellan í umsóknarferlinu? Tómas Ævar Ólafsson kannar málið í Lestinni í dag. Velska tónlistarkonan Cate Le Bon gaf út sína fimmtu breiðskífu á föstudag, platan nefnist Reward og hefur hlotið góðar viðtökur. Sagt verður frá plötunni í þættinum í dag. Halldór Armand Ásgeirsson rithöfundur flytur að venju pistil í Lestinni á þriðjudegi og flytur í dag varnarræðu fyrir melankólíuna. Og sagt verður frá yfirlitssýningu á verkum bandarísku listakonunnar Gretchen Bender sem nú stendur yfir í New York.
    55 min
  • Sigurður Árni, Morrissey, Slowthai, Bjarmi
    Breski söngvarinn og byssukjafturinn Morrissey gaf nýverið út nýja plötu, California Son, sem inniheldur 12 ábreiður af lögum eftir ýmsa tónlistarmenn. Platan kemur út í skugga umdeildra athafna Morrissey. Söngvarinn sýndi öfgahægri-flokknum Britain First táknrænan stuðning í sjónvarpssal. Fjallað verður um alræmda hegðun Morrisseys og möguleg endalok ferilsins í Lestinni í dag. Við komum líka við í Hverfisgalleríi þar sem Sigurður Árni Sigurðsson opnaði sýninguna Leiðréttingar á laugardag, þar notar listamaðurinn ýmsan efnivið sem hann hefur fundið - nafnlausar ljósmyndir og póstkort - og framlengir með blýanti ýmis atriði, bætir inn í eða eykur ákveðnum atriðum við það sem er á upprunalegu myndinni. Samhliða sýningunni kemur út vegleg bók sem helguð er þessari skemmtilegu seríu sem Sigurður hefur unnið að í hjáverkum í um það bil 30 ár. Rapparinn Slowthai frá Northampton á Englandi er um þessar mundir að slá í gegn með fyrstu plötu sinni, Nothing Great About Britain eða Ekkert Stórfenglegt við Bretland. Platan toppar alla helstu listana og stefnir í að hún verði plata ársins í Bretlandi en þetta er í senn persónuleg og pólitísk plata, þar sem breska ríkisstjórnin og jafnvel Drottningin sjálf fá það óþvegið. Við tölum um Slowthai í Lestinni í dag og heyrum nokkur vel valin lög af plötunni. Bjarmi er heiti á nýrri plötu með raftónlistartríóinu Stereo Hypnosis, plata sem unnin er í samvinnu við mann sem heitir Christopher Chaplin, sem er tónlistarmaður og leikari, og já yngsti sonur Charlies Chaplin, hvorki meira né minna. Þetta er raftónlist í hæsta gæðaflokki, plata sem tekin var upp á Hvammstanga á einum degi, í júlí á síðasta ári. Við heyrum í tveimur af meðlimum Sterio Hypnosis í þættinum í dag, gestir okkar verða þeir Pan Thoroddsen og Þorkell Atlason. Og vinasambönd meðleigjenda eru klassískt viðfangsefni gamanþátta enda ýmsar hlægilegar aðstæður sem geta komið upp þegar fólk býr saman. Bandarísku sjónvarpsþættirnir What We Do in the Shadows bæta þó um betur og gefa áhorfendum innsýn í sambúð og daglegt líf hinna lifandi dauðu, sem virðist engu minna flókið og hlægilegt. Áslaug Torfadóttir fjallar um þættina í Lestinni í dag.
    55 min
  • Chernobyl, Ferilskrár, Vampire Weekend
    Stuttsjónvarpsþáttaröðin Chernobyl frá framleiðendum HBO og Sky hóf göngu sína í byrjun mánaðar. Eins og nafnið bendir til er hér um að ræða þáttaröð um alvarlegasta kjarnorkuslys sögunnar og eftirmála þess. Þetta er dramatísering á sannsögulegum heimildum. Áhorfendur skyggnast inn í heim þeirra sem áttu hlutdeild í slysinu sjálfu, þeirra sem bjuggu í nálægð við kjarnorkuverið, og þeirrra sem unnu að því að sporna við frekari eyðileggingu í kjölfarið. Í Lestinni í dag verður rýnt í sjónvarpsþættina Chernobyl og Geislavarnir ríkisins heimsóttar að gefnu tilefni. Menningarfyrirbærið ferilskrá kemur við sögu í þættinum í dag, hún birtist í öllum stærðum og gerðum, svart-hvít eða í mörgum mismunandi litum. Ferilskráin dregur fram ýmsa eiginleika manneskjunnar en sleppir því kannski að minnast á aðra. Í þættinum í dag skoðar Tómas Ævar Ólafsson þetta margbreytilega fyrirbæri ásamt fríðu föruneyti.
    55 min
  • Skandali, ljósmyndir af látnum, Borges, Textasy
    Eftirlífsljósmyndun eða sorgarportrett, þar sem látinn einstaklingur er ljósmyndaður, hófst sennilega með tilkomu ljósmyndatækninnar, í kringum 1850. Hefðin fjaraði víða út fyrir miðja síðust öld en í Litháen lifði hún hins vegar mun lengur. Leifur Wilberg Orrason, ljósmyndari og grafískur hönnuður, hefur í nokkur ár safnað eftirlífsljósmyndum frá Litháen. Leifur Wilberg verður gestur Lestarinnar í dag. Hann fræðir hlustendur nánar um jarðarfaraljósmyndir. Tónlistarmaðurinn og plötusnúðurinn Textasy frá Dallas í Texas er eitt heitasta nafnið í raftónlistarheiminum um þessar mundir en hann er þekktur fyrir að blanda Suðurríkja-rappi saman við danstónlist úr ýmsum áttum. Textasy er nú búsettur í Berlín, þar sem hann gefur meðal annars út tónlist eftir íslenska raftónlistarmenn. Rætt verður í þættinum í dag við Textasy um tónlistarsenuna í Dallas boðið verður upp á tóndæmi. Einnig verður í Lestinni í dag sagt frá nýju menningartímariti, Skandala. Og Karl Ólafur Hallbjörnsson fjallar í pistli sínum í dag um argentínska rithöfundinn Jorge Luis Borges, Júdas Ískaríot og kristindóminn.
    55 min
  • Lodger, Armand, Hunter S. Thompson
    rið 1969 kynnti blaðamaðurinn Hunter S. Thompson framboð sitt til bæjarfógeta í Aspen, Colorado undir yfirskriftinni Viðundursaflið - Freak Power. Ætlun framboðsins var að hrista upp í stjórnmálaumhverfi borgarinnar og snúa öllu á hvolf. Fjallað verður um þennan undarlega pólitíska gjörning í Lestinni í dag. Á laugardag, 18. maí, voru fjörutíu ár frá útkomu hljómplötunnar Lodger með breska tónlistarmanninum David Bowie. Platan var sú þriðja í Berlínar-trílógíunni svokölluðu og á henni blandar Bowie saman áhrifum frá ólíkum heimshornum. Platan þótt á sínum tíma ekki eins góð og næstu tvær plötur Bowie's á undan, meistaraverkin Low og Heroes, en hefur í seinni tíð notið sannmælis. Í Lestinni í dag verður fjallað um Lodger, gestur þáttarins verður Sindri Freysson rithöfundur. Og Halldór Armand Ásgeirsson rithöfundur flytur pistil í Lestinni á þriðjudegi og fjallar í dag um það sem gerist þegar umheimurinn er ekki til.
    55 min
  • The National, Euro-uppgjör, Quicksand, Eva Rún
    Hljómsveitin The National hefur verið ein af athyglisverðustu rokkhljómsveitum síðustu 20 ára eða svo. Sveitin hefur sent frá sér átta plötur og fjórar þeirra voru á lista sem breska tónlistartímaritið NME birti yfir 500 bestu plötur sögunnar. Sú nýjasta í röðinni, I Am Easy to Find, kom út nú fyrir helgi og þykir af mörgum sú metnaðarfyllsta og tilraunakenndasta hingað til. Rætt verður um nýju plötuna við Margréti Helgu Erlingsdóttur, bókmenntafræðing og blaðamann Vísis, og Atla Fannar Bjarkason, fjölmiðlamann og fréttaskýranda í Vikunni með Gísla Marteini. Söngvakeppni evrópskra sjónvarsstöðva fór fram eins og allir vita í Tel Aviv í Ísrael um helgina. Í Lestinni í dag verður fjallað um frammistöðu Hatara og sitthvað fleira sem tengist þátttöku þeirra í keppninni, gestir þáttarins verða þeir Sölvi Blöndal tónlistarmaður, útgefandi og hagfræðingur og Jónatan Garðarsson, sem þekkir keppnina og sögu hennar betur en flestir aðrir. Og sænsku þættirnir Quicksand fjalla á óvæginn hátt um málefni eins og byssuofbeldi, stéttskiptingu og málefni innflytjenda en eru á sama tíma spennandi réttardrama sem heldur áhorfendum við efnið. Áslaug Torfadóttir fjallar um þættina í Lestinni í dag.
    55 min
  • Afleggjari, Hatari, Kviðbelti, The Wild Pear Tree
    Afleggjarinn er færanleg vinnustofa, heimili og sýningarrými myndlistarmannsins Viktors Péturs Hannessonar. Listamaðurinn leggur brátt í ferðalag um landið á umræddum húsbíl, en í honum hyggst hann vinna grasagrafík, þ.e.a.s. listaverk úr íslenskri flóru. Viktor tekur sér far með Lestinni í dag. Í pistli sínum í dag rifjar Tómas Ævar Ólafsson upp vinsælt græjuæði sem gekk yfir heiminn í byrjun aldar. Á markað kom svokallað kviðbelti sem sendi rafstuð í magann og gerði notanda kleift að byggja upp vöðvamassa án þess að fara í líkamsrækt og erfiða. The Wild Pear Tree er nýjasta kvikmynd tyrkneska leikstjórans Nuri Bilge Ceylan. Kvikmyndin fjallar um ungan mann, Sinan, sem snýr aftur til heimabæjar síns eftir háskólanám en hann elur með sér draum um að verða rithöfundur. The Wild Pear Tree er húmorísk og draumkennd kvikmynd sem dansar sérkennilegan dans á mærum töfraraunsæis og sósíalrealisma og má lýsa sem bókmenntalegri kvikmynd. Marta Sigríður Pétursdóttir segir frá í Lestinni í dag. Og Davíð Roach Gunnarsson rýnir í framgöngu Hatara í Tel Aviv.
    55 min
  • Tinder, Hatari, Hátíðni, Loftslagsmál
    Tilhugalífið hefur breyst töluvert á síðustu árum en stefnumótasmáforritið Tinder spilar stóran þátt í þeirri þróun. Fyrirbærið verður skoðað nánar í þættinum í dag. Heimildarmaður Lestarinnar verður Fanney Svansdóttir en hún skrifaði nýverið meistararitgerð í menningarfræði um framsetningu sjálfsins á Tinder. Atli Bollason fjallar í dag að gefnu tilefni um Hatara og Söngvakeppni evrópskra sjónvarpsstöðva og hugað verður að nýrri kvikmynd. Sagt verður frá athyglisverðri tónlistarhátíð sem haldin verður á Borðeyri við Hrútafjörð, af öllum stöðum, í sumar. Hátíðin nefnist HÁTÍÐNI og það er listasamlagið og útgáfufélagið POST - DREIFING sem stendur að henni, þar koma fram fjölmargar hljómsveitir og tónlistarmenn sem eru að hasla sér völl á íslensku tónlistarsenunni um þessar mundir. Gestur þáttarins verður Bjarni Daníel Þorvaldsson tónlistarmaður og einn af forsprökkum POST - DREIFINGAR, og raunar meðlimur í einni af skemmtilegustu hljómsveit landsins um þessar mundir.
    Og Karl Ólafur Hallbjörnsson fjallar í pistli sínum í dag um vitundarvakningu og loftslagsbreytingar.
    55 min