Antoniem vertel van sy kosbaarste kersgeskenk, en gee drie goue wenke wanneer jy 'n geskenk vir 'n kind moet kies.

Prentjiemooi en byna perfek... Dit is hoe modelle en voorbladgesigte in glanstydskrifte amper altyd lyk, maar ons het al gehoor dat hierdie foto's gedokter word. Hoe word dit gedoen? Deon Coetzee is 'n fotograaf wat bekend is vir sy vermoë om 'n foto te manipuleer of te redigeer. Sue Pyler het 'n draai gaan maak by sy ateljee in Alberton waar hy aan haar verduidelik het dat goeie redigering slegs gedoen kan word indien die foto van 'n hoë standaard is.

Die sanger en liedjieskrywer van treffers soos DEUR DIK EN DUN, JY'S DIE EEN en die alombekende QUEEN OF HEARTS het op Versoeningsdag in 2006 gesterf. Taliep Petersen het veral bekendheid verwerf deur sy werk saam met David Kramer.

Magda Niewoudt is Suid-Afrika se nommer een halwe-ystermanatleet, en tel onder die topvyf in die wêreld! Die halwe-ysterman-driekampatlete swem 1,9 km, ry 90 km fiets en hardloop vir 21 km tot by die eindstreep. Christelle van Tonder het 'n draai by Magda gaan maak by die Sport Science Lab by Loftus Versfeld.

Dit praat met jou siel. Dit is argitektuur van die lyf. Dit is netjies. Dit is presies. Dit is iets besonders. Dit is wat mimiekkuns is volgens mimiekmeester John Jacobs, anders as mimiekkunstenaars wat stereotipies geassosieer word met witgeverfde gesigte wat uit 'n denkbeeldige boks probeer klim. Sue het met John gesels om uit te vind wat die verskil is tussen die verskeie vorme van mimiek, en hoe hy sy lyf gebruik as kommunikasiemiddel sonder om 'n enkele woord te uiter.

Antoniem skryf oor Johannesburgers wat kus toe trek en dan leedvermakerig foto's van 'n sonsondergang oor die see op Vuisboek deel, met leedvermakerige byskrifte soos: "Die uitsig uit my kantoor."

Fisioterapie is die behandeling van 'n siekte, besering of gebrek deur middel van fisiese metodes soos massering, hittebehandeling en oefeninge, eerder as om medikasie te gebruik of om onder die mes te gaan. Maar hoe pas tegnologie in die betekenis in? Watter masjiene en metodes word gebruik? Christelle van Tonder het by fisioterapeut Chantelle van den Berg gaan kuier om te hoor watter tegnologie in die praktyk gebruik word om beserings te behandel.

Mense doen dit vir pret, oefening of neem dit baie ernstig op, en beskou dit as deel van hulle leefstyl. Ons praat van joga wat die afgelope paar jaar baie gewild in Suid-Afrika geword het. Sue Pyler het besluit om meer oor joga uit te vind deur met instrukteur, Lea Vivier te gesels. Sue het haarself na die geselsie in 'n paar vreemde posisies bevind...

Daar is baie trefferliedjies wat eintlik deur ander kunstenaars gedoen is. Ettienne Ludick kyk na vier liedjies wat hulle oorsprong by 'n ander sanger of kunstenaar se pen of mikrofoon gehad het.

Martelle Ludik is 'n jong ontwerper met 'n vars en unieke benadering tot mode. Martin Headger het by hom gaan inloer…