Drie mense is dood in 'n verwoestende brand in Knysna. Talle brande, aangeblaas deur 'n sterk wind, het dele van Knysna en omgewing in puin gelê. Dianke Nel het het die brandweerhoof van die Knysna Munisipaliteit, Clinton Manuel, gepraat oor die jongste verwikkelinge.

In een van sy laaste onderhoude het die afgestorwe PG du Plessis aan Izak du Plessis vertel hoe hy oor God en die dood dink.

Bob Dylan het 'n Nobelprys ontvang en moes 'n lesing gee oor die werk wat hierdie toekenning moontlik gemaak het. Op Sondag, 4 Junie, is sy amptelike Nobel-lesing vir Letterkunde aan die wêreld bekendgestel. Dylan se lirieke is deur die jare haarfyn ontleed, in die hoop om 'n dieper boodskap of groter betekenis te vind. Maar was dit werklik sy bedoeling? Kan sy musiek regtig ontleed word? Marlinee Fouche het ondersoek ingestel na waar dit alles begin het, toe die sanger Buddy Holly 'n agttienjarige Dylan se voete onder hom uitgeslaan het.

Die Gupta-familie se maatskappy, Oakbay Resources and Energy, is sy JSE-borg kwyt. River Group is 'n JSE-borg en aangewese adviseur. Oakbay sê in 'n verklaring die rede vir River Group se beëindiging van hul dienste, is weens 'n hersiene evaluering van die risiko's verbonde aan die maatskappy en sy aandeelhouers. Anita Visser praat hieroor met die hoof van die Skool vir Ekonomiese- en Sakewetenskappe by die Universiteit van die Witwatersrand, prof. Jannie Rossouw.

The Airplane Factory, 'n Suid-Afrikaanse vliegtuig vervaardiger, het die afgelope naweek sy deure oopgemaak vir vlieëniers om te kom kyk hoe hulle vliegtuie bou. Justin Kennerley het by die toer in Tedderfield, suid van Johannesburg, aangesluit en díe verslag saamgestel

Hewige kritiek word oor 'n wye internasionale front uitgespreek oor die Amerikaanse president, Donald Trump, se aankondiging dat Amerika hom aan die Parys-ooreenkoms oor klimaatsverandering onttrek. Trump se besluit volg ná verlede week se vergaderings met Europese leiers. Trump het op 'n mediakonferensie gesê dit 'n swak ooreenkoms is vir Amerikaners en hy staan by sy verkiesingsbelofte om werkers eerste te stel. Anita Visser praat met Theo Bekker, 'n politieke ontleder verbonde aan die Noordwes Universiteit.

Sedert verlede naweek is die land behoorlik aan die gons oor e-posse van die Gupta-familie wat uitgelek het, en steeds stuksgewys openbaar gemaak word. Die familie word reeds beskuldig van 'n staatskaping en is berug daarvoor dat hulle hand om die blaas met president Zuma is. Dit blyk dat NOG e-posse uitgelek sal word en dat dit gaan bewys tot watter mate die Gupta-familie mag het oor die regering. Tussen 'n 100 000 en 200 000 e-posse en ander dokumente is glo in die besit van die Daily Maverick se ondersoek-eenheid SCORPIO, en amaBhungane, die sentrum vir ondersoekende joernalistiek. Ons praat nou hieroor met die veteraan-joernalis Stefaans Brummer, 'n mede-besturende vennoot by AmaBhungane.

Die teorie dat Afrika die wieg van die mensdom is, is weer bevestig. So beskryf kenners die eerste, suksesvolle poging om antieke mummies uit Egipte se DNS te ontsyfer en met díe van moderne Egiptenare te vergelyk. Hanri Wondergem het by ons wetenskapskorrespondent, George Claassen, uitgevind hoe dit gedoen word en hoe dit ook lig werp op migrasiepatrone.

Die wêreld staan op die punt van die vierde nywerheidsrewolusie, maar Suid-Afrika is vasgevang in die tweede nywerheidsrewolusie. Dit is die mening van Dirk de Vos, 'n beleggingskenner by QED Solutions. Metzi van der Merwe het met hom gepraat.

In 'n poging om erdwurms, en die waarde wat hulle by die ekosisteem voeg, meer toeganklik en verstaanbaar te maak, het honderd spesies nou nuwe name. Twee wetenskaplikes het die eenvoudiger Engelse name gekies. Hanri Wondergem het met dr. Adrian Armstrong, een van die wetenskaplikes verbonde aan Ezemvelo KZN Wildlife, oor díe projek gesels.