Die bestuurshoof van die Guptas se maatskappy, Oakbay Resources, wil die hoofde van banke wat die maatskappy se rekeninge gesluit het, die stryd aansê. Nazeem Howa sê die beginsel van onskuldig totdat jy skuldig bevind word, behoort te geld aangesien die maatskappy niks verkeerd gedoen het nie. Hy het in 'n onderhoud met die SAUK gesê die Guptas is hier om te bly.

Die toenemende openbare verset teen president Jacob Zuma is die gevolg van 'n burgery wat 'n gemeenskaplike bedreiging geïdentifiseer het. So sê 'n sielkundige van Johannesburg, Deon van Zyl. Volgens hom spruit dit uit Zuma se oënskynlike onaantasbaarheid te midde van openbare kritiek. In die derde en laaste bydrae oor die vraag hoe immuun die president teen kritiek is, het Izak du Plessis probeer vasstel watter impak die kritiek teen die staatshoof op die burgery het.

Die Nasionale Vergadering se verwerping van 'n mosie om president Jacob Zuma uit sy amp te verwyder, kom te midde van toenemende openbare kritiek teen die president. Dit volg 'n dag nadat die nasionale werkskomitee van die ANC Zuma van alle blaam onthef het oor Nkandla. In die proses het die party 'n afgewaterde interpretasie van die Konstitusionele Hof se opspraakwekkende uitspraak oor die president gemaak. Dit laat die indruk dat die president onaantasbaar en immuun teen kritiek is. In die tweede deel van 'n ondersoek na die impak van kritiek op die president, probeer Izak du Plessis vasstel watter rol die ANC in die posisie van die president speel.

Die Nasionale Vergadering se verwerping van 'n mosie om president Jacob Zuma uit sy amp te verwyder, kom te midde van toenemende openbare kritiek teen die president. Dit volg 'n dag nadat die nasionale werkskomitee van die ANC Zuma van alle blaam onthef het oor Nkandla. In die proses het die party 'n afgewaterde interpretasie van die Konstitusionele Hof se opspraakwekkende uitspraak oor die president gemaak. Dit laat die indruk dat die president onaantasbaar en immuun teen kritiek is. In die tweede deel van 'n ondersoek na die impak van kritiek op die president, probeer Izak du Plessis vasstel watter rol die ANC in die posisie van die president speel.

Te midde van openbare kritiek wat toenemend feller raak, bly president Jacob Zuma op die oog af onwrikbaar staande. Nie eers 'n ongunstige Konstitusionele Hof-uitspraak kon hom oortuig om op openbare versoek te bedank nie. Izak du Plessis het probeer uitvind hoe lank die president nog staande kan bly teen soveel kritiek.

Te midde van openbare kritiek wat toenemend feller raak, bly president Jacob Zuma op die oog af onwrikbaar staande. Nie eers 'n ongunstige Konstitusionele Hof-uitspraak kon hom oortuig om op openbare versoek te bedank nie. Izak du Plessis het probeer uitvind hoe lank die president nog staande kan bly teen soveel kritiek.

Die effek van verlede week se Konstitusionele Hof-uitspraak dat president Zuma wel moet betaal vir sommige opgraderings aan sy Nkandla-woning, kring steeds uit. Die uitspraak kan 'n einde bring aan 'n sage wat Suid-Afrikaners, in Zuma se eie woorde, al jare lank frustreer en verwar. Suna Venter het kyk terug na die afgelope paar jaar se verwarrende en teenstrydige uitsprake oor die kwessie. Sy vergelyk dit met die president se verskoningstoespraak van Vrydagaand.

Sikhosiphi 'Bazooka' Rhadebe, die voorsitter van die Amadiba Kriskomitee van die Mdatya dorpie op die WildekKus in die Oos-Kaap, wat Dinsdagaand by sy huis geskiet is, is die naweek te ruste gelê. Hy is deur twee mans geskiet wat hulle as polisiebeamptes voorgedoen het. Die prokureur van die Umgungundlovu tradisionele owerheid, Richard Spoor, sê die gemeenskap is al tien jaar lank verdeeld omdat 'n Australiese maatskappy titaan daar wil myn.

Jong prostitute het die strate van Krugersdorp aan die Gautengse Wes-Rand oorgeneem, en dit lyk nie of enigiemand omgee dat geharde dwelmhandelaars en kindersmokkelaars daaruit wins maak nie. Boonop is 'n SAUK-joernalis Vrydag sowat twee ure lank gevange gehou terwyl hy hierdie storie ondersoek het. Die oorsaak van al die kriminaliteit word glo toegeskryf aan sekere korrupte polisiebeamptes se samewerking met Nigeriese dwelmbase. Jacques Steenkamp doen verslag.

Sikhosiphi 'Bazooka' Rhadebe, die voorsitter van die Amadiba Kriskomitee van die Mdatya dorpie op die WildekKus in die Oos-Kaap, wat Dinsdagaand by sy huis geskiet is, is die naweek te ruste gelê. Hy is deur twee mans geskiet wat hulle as polisiebeamptes voorgedoen het. Die prokureur van die Umgungundlovu tradisionele owerheid, Richard Spoor, sê die gemeenskap is al tien jaar lank verdeeld omdat 'n Australiese maatskappy titaan daar wil myn.