Sikhosiphi 'Bazooka' Rhadebe, die voorsitter van die Amadiba Kriskomitee van die Mdatya dorpie op die WildekKus in die Oos-Kaap, wat Dinsdagaand by sy huis geskiet is, is die naweek te ruste gelê. Hy is deur twee mans geskiet wat hulle as polisiebeamptes voorgedoen het. Die prokureur van die Umgungundlovu tradisionele owerheid, Richard Spoor, sê die gemeenskap is al tien jaar lank verdeeld omdat 'n Australiese maatskappy titaan daar wil myn.

Jong prostitute het die strate van Krugersdorp aan die Gautengse Wes-Rand oorgeneem, en dit lyk nie of enigiemand omgee dat geharde dwelmhandelaars en kindersmokkelaars daaruit wins maak nie. Boonop is 'n SAUK-joernalis Vrydag sowat twee ure lank gevange gehou terwyl hy hierdie storie ondersoek het. Die oorsaak van al die kriminaliteit word glo toegeskryf aan sekere korrupte polisiebeamptes se samewerking met Nigeriese dwelmbase. Jacques Steenkamp doen verslag.

Die grondwet hof beslis vandag oor of president Jacob Zuma die geld wat wederregtelik op Nkandla spandeer is, moet terugbetaal of nie. Dit volg op 'n aansoek deur die E.F.F en die D.A. om Jacob Zuma te verplig om die privaat opgraderings aan sy Nkandla huis terug te betaal, na 'n verslag deur die Openbare Beskermer wat reeds 'n soortgelyke aanbeveling gemaak het in 'n verslag wat op 19 Maart 2014 gepubliseer is. Maar wat kan ons vandag verwag en wat sal die politieke gevolge wees? Tim Du Plessis, bekende oud-koerantman en elektroniese media-joernalis gee sy mening.

Die grondwet hof beslis vandag oor of president Jacob Zuma die geld wat wederregtelik op Nkandla spandeer is, moet terugbetaal of nie. Dit volg op 'n aansoek deur die E.F.F en die D.A. om Jacob Zuma te verplig om die privaat opgraderings aan sy Nkandla huis terug te betaal, na 'n verslag deur die Openbare Beskermer wat reeds 'n soortgelyke aanbeveling gemaak het in 'n verslag wat op 19 Maart 2014 gepubliseer is. Maar wat kan ons vandag verwag en wat sal die politieke gevolge wees? Tim Du Plessis, bekende oud-koerantman en elektroniese media-joernalis gee sy mening.

Tot 35% van die vaardighede, wat vandag in die werkplek as belangrik beskou word, sal oor vyf jaar reeds verander het. Teen 2020 gaan die koms van gevorderde robotika en kunsmatige intelligensie die werkplek behoorlik op sy kop keer. Dit blyk uit 'n verslag oor die Vierde Nywerheids- rewolusie, wat deur die Wêreld Ekonomiese Forum bekend gestel is. Die president van die Vereniging vir bedryfsielkundiges, prof. Llewellyn van Zyl, verduidelik.

Parkour word beskryf as branderplankry in die strate van stede. Dit is 'n stedelike sportsoort wat bestaan uit 'n kombinasie van skaatsplank ry en gimnastiek-bewegings by geboue en bo-oor verskeie ander voorwerpe. 'n Ambassadeur vir Parkour in Suid-Afrika, Gideon du Preez, vertel meer oor die sportsoort.

Terwyl Hollywood lank al weet hoe belangrik rolprentbemarking is, begin plaaslike rolprentmakers nou eers die waarde daarvan besef. Dit is die mening van Llewelyn Greef, die vervaardiger van die Anglo-Boereoorlog fliek, Modder en Bloed, wat eersdaags op die loket versprei word. Die fliek het onlangs amper 'n duisend gaste by sy premiêre in Johannesburg gehad en net die verversings het sowat 180 duisend rand gekos. 'n Skakelbeampte, Alishia van Deventer, sê met Suid-Afrikaanse films se klein begrotings is bemarking altyd 'n uitdaging.

'n Nuwe generasie robotte het die wêreld getref, en kenners is stomgeslaan. Die robotte lyk byna soos mense en het onder meer die vermoë om emosie te wys en 'n netwerk van herinneringe te bou, sodat interaksie natuurlik vloei tussen mens en robot. Marlinee Fouche het gaan ondersoek instel.

Inwoners van Sannieshof in Noord-Wes beleef 'n ernstige waterkrisis nadat agt boorgate oor die naweek gevandaliseer is. Die boorgate is die inwoners se hoof waterbron en die departement van water en sanitasie het net Vrydag splinternuwe boorgate in werking gestel. Jean Esterhuizen berig dat die persone wat verantwoordelik is vir die skade nog nie opgespoor is nie.

Plaaswerkers in die Swartland streek van die Weskaap is genoop om gebruik te maak van die verskeie wetlike en juridiese dienste wat aan hulle beskikbaar is. Die Goedgedacht Trust het gister Menseregtedag gedenk met 'n byeenkoms om die beskerming van landelike vroue en kinders te bevorder. Berenice Moss berig.